وزن الكتكوت عمر يوم

من طرف thepoultrysite الأحد مارس 18, 2018 5:44 am

وزن الكتكوت عمر يوم وزن الكتكوت الابيض عمر يوم يكون 40 جرام

زى ما كتبنا قبل كدا على معادلة تحسب بيها استهلاك عنبرك من المية كل يوم وحجم زيادة كل كتكوت في الدورة

ونفكرهم بيها

العمر باليوم * العدد بالاف * 5.6 *2 طبعا دى صيفا

اما شتاء هتكون نفس المعادلة بس شيل منها ال2 الاخيرة دى

يعنى عنبر 10 الاف طير على عمر 7 ايام يشرب فى الصيف

10*7*5.6*2 = 784 لتر

وكتبنا ازاى تعرف عنبرك استهلك كم شيكارة علف فى اليوم

وكانت بالمعادلة دى

عدد الطيور بالالف * العمر باليوم * 0.09 = كم كيس علف مستهلك فى اليوم دا

طبعا على اساس الكيس 50 ك ثابت

يعنى عنبر فية 10000 كتكوت عمر 7 ايام هيحتاج

10 * 7 * 0.09 = 6.3 اكياس علف فى اليوم دا

اليوم هنعطيك معادلة تعرف منها قطيعك هيجيب وزن كم اخر الدورة على اساس ان الدورة ماشية كويس من غير مشاكل معوية

بس لما نكون عارفين وزن الكتكوت عمر يوم

طبعا كلنا فاكرين البوست بتاع الاهتمام بوزن اخر الاسبوع الاول علشان نعرف نقيم فترة التحضين ومدى نحاجنا فيها ةكتبنا لكل سلالة وزن مثالى على عمر 7 ايام

لاكن بالبوست دا مش مهم نحفظ كل سلالة وزنها اية طالما عندنا وزن الكتكوت عمر يوم

ونبدا باسم الله

عندنا شغل عادى وشغل سوبر

الشغل العادى بيكون وزن الكتكوت عمر يوم مضروب فى 4.2

يعنى كتكوت 42 جرام هيكون وزنة على عمر 7 ايام

42 * 4.2 = 176 جرام

الوزن السوبر بشغل عالى الجودة بيكون مضروب فى4.6

يعنى الكتكوت دا وزنة 42*4.6 = 193 جرام

الاسبوع الثانى يعنى عمر 14 يوم

هيكون المعادلة نتيجة الاسبوع الاول مضروبة فى 2.5

او شغل سوبر مضروبة فى 2.6

يعنى 176 *2.5 =440 جرام

الشغل السوبر 193 *2.6 =501 جرام

الاسبوع الثالث او عمر 21 يوم

الشغل العادى هيكون حاصل ضرب الاسبوع التانى فى 1.9

يعنى 440 *1.9 =836 جرام

الشغل السوبر 501 هنضرب فى 2 = 1002 جرام

الاسبوع الرابع

ودا اخر الدورة بالنسبة لشغل السعودية لاننا بنبيع بالحبة

هيكون وزن الاسبوع الثالث مضروب فى 1.6

يعنى الشغل العادى

836 *1.6 = 1337 جرام

والشغل السوبر 501 *1.6 = 1603 جرام

طيب فى مصر مش بنبيع على 30 او32 يوم فلازم نضيف اسبوع زيادة فهيكون الوزن اخر الاسبوع الخامس

هو

وزن الرابع مضروب فى 1.5

يعنى الشغل العادى 1337 *1.5 = 2002 جرام يعنى 2 كيلو

طبعا مش هنقول شغل سوبر لان جدار الامعاء وحالة الكبد والكلى فى العمر دا مستحيل تكون طبيعية ولازم تاثر

واللى حابب ياخر الى 42 يوم فهيضرب فى 1.2

يعنى وزنك اخر الدورة

هو وزن كتكوتك عمر يوم * 4.2 *2.5*1.9*1.6

دا لشغل الخليج

لمصر اضرب كمان فى 1.5

واللى عاوز ياخر الحبة اضرب كمان فى 1.2

الكلام دا فى حالة الدورة المثالية اللى كبدها وكليتها وجدارها الهضمى فى احسن حالاتة

اما لما بحصل مشكلة معوية ( كولستريديا - كوكسيديا - سموم ) او اى اسهالات مرضية

طبعا عارفين ان جدار الامعاء بيلتئم فى 4 الى 5 ايام

يعنى مقابل كل مشكلة حصلت معاك احسب حسبتك وخفض منها 5 ايام

طبعا مش لازم يكون 5 بالظبط لان ممكن تكون يقظ ولحقت قطيعط بدرى فى فترة حضانة المرض فالجهاز الهضمى يلتئم فى فترة اقل

ملحوظة

عرفت الكتكوت الكبير بيعمل كم اخر الدورة بالمقارنة بالصغير؟

البوست دا فية تجميعة ل 3 بوستات

احنا بنسمية فن الادارة عن بعد

يعنى ازاى تحكم على مزرعتك وانت بعيد عنها

اتمنى يكون البوست مفيد للبعض

ودا هنعرفة من التفاعل مع البوست والردود

احتفظ بية عندك علشان تعرف نقيم شغلك

اعرف كل اوزان الكتكوت في كل يوم من ايام الدورة من هنا

https://dawagen.7olm.org/t343-topic

1	#ثوم
2	#الكوكسيديا
3	#نعناع
4	#الثوم
5	#زعتر
6	#اسبيراميسين
7	#كركم
8	#التنفسية
9	#كوكسيديا

جرعة الخل للدواجن,فوايد الخل للفراخ ,طريقةوكمية وجرعة الخل لكل مرحلة عمرية

فوايد الخل كارخص حمض ودورة فى دواجن التسمين

هنقول فوايد الخل ونقول كلام علمى يوضح …

وزن الكتكوت عمر يوم