ازاي اعرف الكتكوت فرز اول

ازاى اعرف صحة الكتكوت الى انا جايبة وازاى اعرف امه كانت عامله ايه ؟؟

ازاي اعرف الكتكوت فرز اول

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

كيف تعرف الكتكوت الجيد لمزرعتك وتفرق بينه وبين الكتكوت الفرزة | أهم عيوب الكتاكيت عمر يوم

من اهم المقاييس التى تستطيع من خلالها قياس جودة الكتكوت
هى درجة حرارة الكتكوت الداخلية
من خلالها تعرف جودة الشغل او تحكم على فترة الحضانة عاملة اية معاك
طبعا لان الفترة دى لو الشغل فيها غير جيد فتوقع حدوث مشاكل مرضية وتحويل غذائى سيئ
طيب هنقول معلومات سريعة عن الموضوع دا
اولا درجة الحرارة المثلى لجسم الكتكوت 40 الى 41 درجة 
هنقيسها ازاى
فية ترمومتر بتاع الاذن الطبية زى اللى بيتحط فى الاذن دا
بيوضع برفق فى فتحة المجمع او مؤخرة الكتككوت
(( برفق علشان ميمتش منك)) 
ونقيس الحرارة طبعا هو رقمى 
لو درجة الحرارة اقل من ال40 الى 41 درجة فوجب عليك انك ترفع حرارة الحضانة 
طبعا فية امور اخرى تاثر على حرارة الكتكوت الداخلية 
وهى
** انك تتاخر فى تشغيل الدفايات يعنى لازم تشتغل قبل الدفعة بفترة لا تقل عن 12 الى 24 ساعة علشان كل حاجة فى العنبر تاخد حرارة التحضين
** انخفاض مستوى الرطوبة فى بعض اجزاء العنبر  بيعمل حرارة داخلية سيئة
ودا علشان قدرة الهواء على نقل الحرارة 
** عدم توزيع الهواء داخل العنبر بكفاءة بيقلل درجة حرارة الكتكوت الداخلية 
فية مقياس تانى كل الناس عارفينة وهو انتشار الكتاكيت فى الحضانة
بس المقياس دا مش دقيق جدا
الادق هو حرارة الكتكوت الداخلية 
فعلا لو عملت حرارة داخلية جيدة تاكد ان الطير هيحول معاك كويس وهيتاخر او تقل المشاكل التنفسية معاك
فية امور كتير نعرف منها خد سير الدورة او جودة التربية او هل الكتكوت ماشى صح او غلط 
هنقول هنا اختبار ين بيتعمل اول 12 ساعة 
الاختبار الاول 
فحص الحوصلة
علشان نعرف اكل ولا لا 
بنجس الحوصلة برفق وهنلاقى حاجة من التلاتة دول
اما * طرية فدا دليل على انة شرب واكل
او * جامدة شوية ودا دليل على انة اكل كويس بس شرب مية قليل فى الحالة  دى انصحك بفحص ملوحة وحراراة المية لو كلة تمام عادى
او * لينة جدا او سايبة شوية ودا دليل على انة شرب مية زيادة وعلف اقل
وهنا انصحك ب انك تحركهم شوية وتعمل العلف على شكل هرمى لجذب اتنباهة مع تظبيط الحرارة
الاختبار التانى 
وهو درجة حرارة الفرشة ودى هامة جدا فى استهلاك العلف انة يكون طبيعى 
ودى هتجيب مشط رجل الكتكوت او اسفل قدمة وتحطها على وشك لفحص هل باردة او دافية شوية
لو بادرة دليل على برودة الفرشة وبالتالى هتلاقى استهلاك العلف فى اول الايام اقل 
وانصحك بتظبيط العلف واضافة مواد سكرية فى المية زى العسل الاسود
=====================من صفحة آل سلام 
اختبارات جودة الكتكوت بالصور .....
العيب الاول :-
ازاى تعرف هل الام بشاير ولا قطيع شباب يعنى فى فترة البيك ولا قطيع فى اخر انتاجة
ودا هامة جدا فى معرفة المناعة والتحويل وكل الكلام اللى قلناة كتير قبل كدا
بتقيس طول الكتكوت من اول المنقار الى منتصف الاصبع لو كان طولة 18 الى 19 سم يكون بشاير
لو من 19الى 20 دا ممتاز جدا فى قمة الانتاج
لو اطول من 20.5 فدا قطيع كبير خاصة لو عدى ال21 سم
العيب الثاني :-
معرفة حيوية الكتكوت
بتقلبة على كف ايدك لو اتقلب بسرعة بمجرد ما حطيتة فده حيويتة جيدة لو استمر اكثر من 3 ثوانى على ما يتقلب دا وسط
لو مش عارف يقلب نفسة خاصة زى اللى فى الصورة دى فده حيوية تعبانة 
العيب الثالث :-
اقلبة علشان تشوف التهاب السرة
العيب الرابع :-
ودة بردة قلناها فى مقال بالتفصيل قبل كدا
التهاب مفصل القدم نتيجة خلل فى التفريخ
العيب الخامس : -
اقبلة علشان تشوف بطنة كبيرة زى الصورة كده دلالة على زيادة حجم كيس المح عن الطبيعى
وده راجع للتفريخ فى حرارة اعلى من المطلوبة واحيانيا رطوبة .
العيب السادس :-
اتساخ المنفار زى الصورة كدا مع او بدون اتساع فتحة المنقار 
وده يعنى التعرض لبرد فى الفقاسة او الطريق
ـــــــــــــــــــــــــــــــــــــــــــــــــــــــــــــــــــــــــ
طب كده تمام عرفنا المشاكل طب علاجها ايه ؟؟؟
بص يا سيدى وركز معانا ...........
لو الكتاكيت جاية من امهات صغيرة فاستقبلها على حرارة عالية يعنى 35 بلاش 32 اللى موجودة فى الكتالوجات دى
طول فترة البادى على قد ما تقدر
لو
الحيوية فمحتاجة روافع مناعة وعدم الاستقبال على ادوية كتير وتظبيط الحضانة كويس
التهاب السرة محتاجة نعرف اية الميكروب اللى عمل كده سواء سالمونيللا او كولاى او استاف علشان نستقبل على دواء مناسب لة
التهاب مفصل القدم محتاج تستقبل على بروبيوتيك لو مش عارفة او مش لاقى خليها خماير
التساخ المنقار او اتساع فتحة الانف فلازم تستقبل على مضاد حيوى من عيلة الماكروليد
( اسبيراميسين - تلميكوسين - تيلوزين ) او لينكو
لو البطن كبيرة بسبب كبر كيس المح فحاول تستقبل على مضاد التفسى بالتبادل مع الخميرة لمدة 5ايام والحرارة لا تقل عن 34 فى كل الحضانة
و اعرف انك بتتعامل مع كتكوت جهاز الهضمى عاوز رعاية خاصة .
وبالمناسبة الخميرة فى الاستقبال 5 جرام / لتر
للرائع م عاطف عبد الدايم موقع كنانه اونلاين
ــــــــــــــــــــــــــــــــــــــــــــــــــــــــــــــــــــــــــــــــــــ
نيجي بقى للتشريح النورمال  normal pm 
- ما الذي يجب أن نلاحظه عند تشريح الكتكوت عمر يوم ؟؟؟؟
1- القلب :- واللون الطبيعي للقلب هو اللون البني المحمر ويحيط به كيس شفاف دون أي تجبنات أو وجود سوائل مائية .
2- الرئة والأكياس الهوائية :- واللون الطبيعي للرئة هو أحمر وردي فاتح دون وجود أي حبيبات والأكياس الهوائية لامعة شفافة .
3- الكبد :- واللون الطبيعي له أصفر يميل للحمرة بعض الشئ ، ويكون سليم دون أي تهتك .
4- الكلية :- واللون الطبيعي لها بني محمر وفي مستوي عظام الحوض ، دون وجود أي علامات بيضاء عليها نهائيا .
5- كيس المح :- اللون الطبيعي له أصفر أو أصفر مخضر ويمثل 15% من حجم الكتكوت والمح بداخله له ملمس العسل .
- هذه الخمس علامات دليل واضح علي صحة وجودة الكتاكيت في الأسبوع الأول ، وأي شئ مختلف عن هذه العلامات يعتبر مشكلة .
ط سيد صبحى 
ــــــــــــــــــــــــــــــــــــــ 
اتمنى اكون فدتكم بالتجميعة دى وغطيت كل اسألتكم 
اتمنى زى ما انا فدت حضراتكم تفيديونى بالشير