خبراء ادوية بيطرية:تاثير السلفا علي الدواجن

كتير بيقولو تاثير السلفا على الكلى
وتتردد الكلمة دى باستمرار كل ما جت سيرة السلفا يخاف المشرف او المربى على الكلى
مع العلم ان السلفا تضر الكلى فى 3 احوال
* اذا ذادت الجرعة عن معدلها الطبيعى واستمرت الزيادة دى اكثر من 3 ايام متواصلة
* اذا عالجت بالسلفا بجرعتها العادية لمدة متصلة اكثر من 6 ايام
* عند اصابة الكلى بسموم او فيروس كلوى ( جمبورو - اى بى )
فيما عدا ذالك فلا خوف من السلفا
لاكن هنستعرض هنا كيفية تقليل سمية السلفا
لعلها تكون حافز اكثر لاستعمال المركبات دى بدون خوف
** عدم التعطيش اثناء العلاج بالسلفا
**استعمال السلفا بالتناوب مع مركبات قلوية او بيها مواد قلوية مثل سترات الصوديوم او بكربونات الصويوم
لان معروف ان كل ما ذاد قلوية البول كل ما خرجت السلفا بسرعة من الجسم
** السلفا بتحرم الامعاء من فيتامين ب و ك فبعد الشغل بالسلفا لازم تمد الجسم بيهم حتى لو هتحط خميرة
** احترس كل الحرص من استعمال السلفا مع المركبات الحمضية
يعنى لو استعملت معاها مضد سموم مثلا فانت كدا بتاخر جدا من خروجها ومن السهل عمل فشل كلوى بسبب الحركة دى
** استعمال سلفا ثلاثية افضل من سلفا واحدة لان كل نوع بيخرج من جزء من الكلى وبذالك تتوزع السمية وتقل
** استعمال المركبات اللى بتقلل تاثير السلفا على الكلى او تقلل من سميتها
زى بريميثامين
داى فيردين
ايثوبابيت
تراى ميثوبريم
يعنى اختار المركب فية سلفا من اى من المركبات اللى فوق دى
** زيادة مساحة المية عند استعمال السلفا وحذارى من جفاف السقاية وفقد جزء من الطيور من المية
اتمنى نكون خففنا الخوف من استعمال مركبات السلفا
اللهم اجعل عملنا هذا خالص لوجهك الكريم
مع تحياتى وشكرا