خبراء ادوية:خطر استخدام الفورمالين علي الدواججن بطريقة الشرب باي جرعة مؤيدة بتججارب حقلية موسعه

خبراء ادوية:خطر استخدام الفورمالين علي الدواججن بطريقة الشرب باي جرعة مؤيدة بتججارب حقلية موسعه

فكرة اعطاء الدجاج المصاب جرعات من #الفورمالين
وللاسف دى روشتات دكاترة منهم الخبرة ومنهم الناقل لتجارب الاخرين بدون حذر
فانتشرت الفكرة بين المربين
واصبح الامر عادى
12 روشتة طبيب فى شهر واحد مع اكثر من استشارة من المربين ولما تسأل المربى برنامجك اية يقول من ضمن الجرعات فرومالين
انتشار الامر وسط المربين والدكاترة امر اصبح خطير
الكل يعمل انها مادة مسرطنة Carcinogenic
وانتشار الامر اصبح واجب علينا نخصص لة بوست مخصوص
طيب انا مش هقول واهول من الكلام
انا هقول بالكلام العلمى والحقلى ما لنا وما علينا بالنسبة لاستعمل الفورمالين فى الدواجن بغير الغرض المخصص لة وهو التطهير
-------
الفورمالين داغاز قابل للاشتعال عديم اللون لاذع، ذو رائحة خانقة
كل استعماالاتة فى اساليب التظهير الخارجية
سواء فى الانسان او الدواجن
لم استعمل تم استنشاقة
اية اللى هيحصل
بينتشر بسرعة عالية جدا فى الجزء التنفسى العلوى
لكن مش بينتشر فى الجسم كلة لانة سريع فى التمثيل كما قال قال العالم كازانوفا والعالم هيك واخرون عام 1982
الفرومالين يعتبر واسع الطيف يعنى يقضى على بكتيريا موجبة الجرام زى #الكولستريا
وسالبة الجرام زى #الكولاى و#السالمونيللا وغالبية الفطريات
لكن يعاب علية انة مهيج للانسجة وممكن يعمل انفجارات خاصة الانسجة المخاطية المبطنة للجهاز التنفسى
منظمة محافظة البيئة الامريكية مصنفاها كمسبب للسرطان
فية تجارب حقلية علية
انى اعطية رش بكمية خفيفة
كانت النتيجة
التهاب الانف مع التهب القصبة الهوائية وجفافها
مع التهاب الشعب الهوائية والحنجرة
يعنى عمل جفاف والتهاب فى الجزء الاعلى من الجهاز التنفسى فى الدواجن والارانب
ودا بيضعف جدا من المناعة التنفسية دا لما استعملناة جرعة لمدة ساعة واحدة فى 3 ايام متتالية
عمل التهاب فى الرئة مع وجود حويصلات هوائية ملخطة ببعض الدماء ودا تقريبا افشل عمل الرئة عند الطير
الفورمالين لو اخذ استنشاق لا يستطيع او يصل الى الجهاز الهضمى
اخرة الجزء العلوى من الجهاز التنفسى وممكن يوصل الى الجزء السلفى لو الجرعة زادت
ولو حاولت تزوج الجرعة علشان يوصل للجهاز الهضمى هيموت الطير فى غضون من 4 الى 6 ساعات
طيب لو حاولنا نعطية اكثر من 5 ايام متتالية
اية اللى هيحصل
؟؟؟؟؟؟؟؟؟؟؟؟؟؟؟؟؟؟؟؟
هيحصل احتقان وسماكة فى الاوعية الدموية زى ما يكون الطير معرض لحرارة 42 درجة واللى بتعمل احتباس الحرارى
لو وجد شوية سموم خفيفة فى العلف او حرارة عالية بيحصل انفجار فى الاوعية الدموية
وبنلاحط تجلطات دموية فى منطقة القلب وفوق الكبد بس فوق القلب مشهورة جدا لموضوع الفورمالين
الاستعمال الطويل للفورمالين لاكثر من اسبوع بيعمل تجمع للفيبرين مع خلايا للدم الحمرا فى الحويصلات الهوائية اللى فى الرئة ودا اللى بيعمل اختناق سريع وبيسرع فى النافق
بيعمل ارتشاحات حول القلب سواء لسوائل صفراء او تجلطات دموية
الاستعمال الطويل بيعمل فى نخر فى خلايا الكبد واحتقانات معها يصعب عمل الكبد نفسة
ثم يسبب انيميا فى الدجاج
وفية كلام فيسيولوجى وباثولجى اكثر عن دخول الفورمالين للجسم خلاصتة خلال تمام فى اجهزة الجسم ولخبطة فى مكونات الدم عن الجرعات العالية او الجرعات المستمرة
مواقف المهندس عاطف الحقلية مع الفورمالين
1)) من احد التجارب لى بعد التخرج مباشرا ((لانى كنت بعزل 200 طير على جنب واجرب فيهم كل مرة تجربة ))
لما اضفت نص لتر فورمالين تجارى ((37%)) على كيس علف كانت نتيجة الاسبوع الاول كمشان عالى جدا فى غالبية الطيور
لما كنت اشيل الفورمالين يختفى الكمشان فى نص الطيور تقريبا اما الباقى فبيوجد كششان مع استهلاك علف اقل من الطبيعى
على عمر شهر كان الطيور اللى فى العنبر اللى مش واكلة علف بفورمالين وزنها 1249 جرام (( سلالة هبرد ))
فى حين ان طيور التجربة كانت متوسطة 982 جرام
طيور التجربة لما تشرحها تلاقى حفاف عالى جدا فى كل محتويات الجسم
زى ما يكون الطير محروم من المية لفترة طويلة
انا قمت بالتجربة دى لانى قرات بحث امريكى عن مقاومة السالمونييلا بالفرومالين فى العلف لكنها بكل اسف هى ممكن تكون بتحمى من السالمونييلا فعلا لكنها بتقضى على الوزن
طيب لو حصل وانا بطهر بفرومالين تفاجات ان الكتاكيت جاية فى الطريق
اعمل اية؟؟؟؟؟؟؟؟؟؟؟؟؟؟
خد البوست دا
-----------------------------------------
كتير من المربين بيطهروا بالفورمالين ويتفاجئو ان الكتاكيت وصلت وريحة الفورمالين مالية العنبر
طبعا تشغيل الشفاطات بيساعد فى الموضوع دا بس حضرتك مشغل الدفايات يعنى صعب تتخلص
من الفورمالين بالشفاطات خوفا على حرارة التحضين
طيب هنعمل اية
قدام طريقتين
طريقة مستعملة فى معامل التفريخ يعنى لما تكون المساحة المتطهرة قليلة
وهى رش محلول مركز من #الامونيا او #النشادر بمعدل 20 مل لكل متر مكعب من المساحة
هتلاقى الريحة اختفت فى ثوانى
طيب فى العنابر هتعمل اية
هنستعمل الامونيا بردة بس هنطلعها نتيجة التفاعل دا
10 ك هيدروكسيد كالسيوم (جير مطفى)
مع
20 ك سلفات امونيوم بتاعة الزراعة
لكل 100 متر من مساحة العنبر
وطبعا علشان يخرج الامونيا اللى بتتفاعل مع الفورمالين لازم حرارة عالية يعنى ارفع الدفايات شوية
الطريقة الاخيرة افضل بكتير من وجة نظرى لان بينتج منها الامونيا اللى بتعطل الفورمالدهيد كمان بتترك بتسيب طبقة جيرية تضى تمام على اى كوكسيديا او مسبباتها
اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد الدايم
-------------------------------------------------------
طيب انا طولت البوست عليكو جدا
لو انا مشرف وعاوز اعرف التسمم بالفرومالين اعرفة ازاى
بس بطريقة مختصرة بعيد عن التعقيدات العلمية
خذ الخمس اعراض دول
تكفى جدا لتشخيص التسمم بالفرومالين
--------------
التسمم بالفورمالين
ودا بعد تعرض عينة من الطيور للمطهر من غير تهوية
** تضخم القلب وكبرة بطريقة ملحوظة مع تجمع شوايل كتير جدا حولية
** وجود طراوة تحت الجلد نتيجة تجمع مواد رخوة جيلاتينية
** امتلاء البطن بالسوائل الصفراء
** فقدان العضلات لملمسها وتصبح رخوة وطرية اكثر من اللازم
** وجود سوائل حمرا على الرئة
ملحوظة اخيرة لا تسالنى هل انت مع او ضد استعمالة فى الدواجن
انا كتبتلك كلام الابحاث وكلام التجارب الحقلية
وانت حر فى تصرفاتك
انا اسف جدا لاطالة البوست
مع انى كان نفسى اكتب اكثر من موقف حقلى لكن اكتفيت بواحد فقط خوفا من الاطالة
اللهم اجعل عملنا هذا خالص لوجهك الكريم
مع تحياتى وشكرا