خبراء تربية:المشاكل ناجمة عن عن اى خلل فى فترة التحضين

فضفضة بالارقام
عن اى خلل فى فترة #التحضين
قلنا من قبل ان وزن الاسبوع الاول او وزن عمر7 ايام هو المقياس لنحاج فترة التحصين وهو اللى بيعرفنا الدورة هتعمل معانا وزن ازاى فى الاخر لو الرعاية والامراض كانت تحت السيطرة
طيب تعالى نقول بعض القوانين
فضفضة بالارقام ل قبل ونشوف مدى الخساير اللى بنخسرها لو اهملنا فترة التحصين
القانون الاول
ان وزن الكتكوت عمر 7 ايام هو حاصل ضرب وزن الكتكوت عمر يوم فى 4.6
يعنى كتكوت وزن 40 جرام هيكون وزنة على عمر 7 ايام 184 جرام ودا فى الشغل المظبوط
ايضا فية قانون تانى
ان تعرض الكتكوت لحرارة اعلى من الطبيعى يعنى اعلى من 35 وكانت الرطوبة منخفضة
اقل من 38%
بيفقد الكتكوت 3 جرام مية من جسمة الفقد دا بيكون عن طريق الريش او الزغب اللى هو وسيلة التبريد المتاحة لة فى العمر دا
طيب تخيل حضرتك ان الكتكوت اللى وزنة 40 جرام لخلل فى التحضين سواء من حرارة او رطوبة غير مناسبين قل ال3 جرام دول
هتكون النتيجة اية ان وزنة اصبح 37 جرام
يعنى اخر الاسبوع هيكون الوزن 170 جرام
يعنى فية نقص بمقدار 14 جرام عن الطبيعى
طبعا انت بتقول يا عم انت واجع دماغنا علشان 14 جرام
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هقولك لا يا افندم
دا فية قانون تانى بيقول ان كل جرام يقل او يزيد فى عمر 7 ايام بيقل معاة او يزيد الوزن النهائى من 6 الى 7 جرام للدورة القصيرة (34 الى 35 يوم
وبيقل من من 9 الى 11 جرام فى الدورة الطويلة (40 الى 42 )
طيب تعالى نشوف الناس اللى بتحب تاخر الدورة عندهم بالارقام اية اللى حصل نتيجة خلل الحرارة فى فترة التحضين
عنبر 10 الاف طير نافق 6% يعنى تبقى منة 9400 طير
ال3 جرام فقدو فى فترة الحضانة
بالتالى فقد منة 14 جرام على عمر 7 ايام
يعنى فقد منة على عمر البيع (40 يوم ) هنضرب فى 10
هيكون 140 جرام فقط لكل طير
يعنى فى العنبر كلة هيفقد 1316 كيلو بسعر 13 جنية للكيلو
هيكون العجز الكلى 17 الف جنية
تخيل يا مؤمن ال3 جرام رطوبة فى عمر يوم عملو معاك اية
على فكرة الزيادة فى وزن الكتكوت يعمل العكس تمام فى اخر الدورة
وبنفس المعادلات يعنى 3 جرام زيادة فى وزن الكتكوت يعمل معاك 1316 كيلو لحم فى عنبر 10 الاف طير
فعلا ارقام محتاجة تامل
يعنى خلاصة القول متزعلش البية الكتكوت منك فى فترة الحضانة علشان ميزعلكش فى اخر الدورة
لازم البية يكون مرتاح
وعلامات راحة البية هى حرارة جسمة وحرارة التحضين
فلو #الحرارة حلوة هتلاقية بيجرى فى الحضانة بشكل دائرى
اما لو لقيتة غالبية وقتة واقف فلازم تشوف البية مضايق من اية
ولا تعتقد ان لازم يتكوم علشان يكون بردان لا
دا مقياس قديم
وفية مقاييس لراحة الكتكوت ادق من كدا لانك مش هينفع تنتظر لما يتكون منك
وزى ما قلنا من قبل عن مقياس راحة القدم
يعنى تحط راحة قدمة او اللى بنسمية مشط الرجل من تحت على جبهتك او خدك لو حسيت انها ان راحة الرجل دفيانة ف البية مرتاح لو حسيت انها بردانة فالبية هيزعلك فى الاخر
يعنى من الاخر ابذل كل جهدك علشان

اللهم اجعل عملنا هذا خالص لوجهك الكريم
مع تحياتى وشكرا