خبراء دواجن:الطريقة المثلي لوضع السقايات والعلافات فترة الاستقبال

تذكير للمربى المبتدا
دخلت مزراع كتير فى فترة التحضين
وجدت سقايات التحضين على الفرشة مباشرا
واحنا قلنا فى اكثر من بوست سابق خاصة بوستات المبتدئين اننا لازم نرفعها على بلاطة او اى حاجة مناسبة لحجم الكتكوت
وهنكرر تانى
عيوب وضع السقاية على الفرشة
وقوع النشارةفى السقاية
والنشارة دى وما بها من زرق او سبلة يعتبر مادة عضوية
واى مادة عضوية
بتغير من تركيبة الدوا
يعنى الادوية بتاعة الاستقبال بجميع انواعها تعتبر تاثيرها اقل من الطبيعى
لو حصنت تحصينة فى المية فى الفترة دى لا ترتجى منها تكوين مناعة
بتزود المحتوى البكتيرى فى المية ودا اللى بيتسبب فى زيادة الاسهال البنى فى فترة التحضين واللى الغالبية بيهرول بعلاج كولستريديا مع ان الكولستريديا منها برئية براءة الذئب من دم ابن يعقوب
وحتى لو المية مفيش فيها اى ادوية اى تحصينات
فيعتبر اتغيرت خصائصها من طعم او لون او رائحة ودا كفيل فى حد ذاتة انيعمل سوء فى الهضم فى فترة التحصين وبناء علية مفيش وزن امثل فى عمر 7 ايام اللى يعتبر اول خطوة لنحاج الدورة
انا عارف انها ملحوظة غير ذات جدوى للبعض لكن الكتير بيقع فى نفس الخطا وهو لا يدرى ان ان فترة التحضين عندة غير مكتملة الكفاءة بسبب ظاهرة زى دى
اللهم اجعل عملنا هذا خالص لوجهك الكريم
مع تحياتى وشكرا