خبراء تربية:كيف تختار كتكوت جيد وكيف تتعامل مع جفاف الكتكوت بالصور الموضحة

ناس كتير اتصلو بيا وشكروا فى البوست دا
وقالو انة عمل نتايج كويسة
فقلت ارفعة تانى مع التوضيح بالصور
شوفو يا جماعة
لفت انتباهى ان غالبية الناس بتسئل افضل كتكوت
او افضل شركة كتاكيت
ودا طبعا حقة
طيب عارف لية بيقول افضل شركة
لان المهندسين بتوع الامهات محترفين وبيتعاملو مع السلالة صح فبيطلع كتكوت صح
كمان مهندس التفريخ رجل حقلى من الدرجة الاولى
ايوة ؟؟
طيب؟
ما احنا عارفين
=D =D =Dعاوز تقول اية؟
عاوز اقولك مفيش مرة جبت كتكوت من شركة لها سمعتها ومع ذالك نافق الاسبوع الاول عالى؟؟
مفيش مرة جبت كتكوت من شركة محترمة وتلاقى الوزن بتاع اول اسبوع اقل من المتوقع
احنا هنبعد عن الامهات والمعمل كسبب من اسباب جودة الكتكوت وهنسرد كل يوم او كل فترة على حسب ما تيسر لنا من وقت
سبب من اسباب عدم جودة الكتكوت اللى بيعمل نافق فى العمر الاول وتلاقى سردتة كتير
اول الاسباب
بعد المسافة بين معمل التفريخ والمزرعة
او ان السواق يتاخر فى الطريق
ويجيلك كتكوت يتعبك
مع ان الام كويسة والشركة محترمة والمعمل كويس
طيب اعرفة ازاى الكتكوت دا
انا كتبت بوستات كتير عن الكتكوت دا
وقلت من صفاتة
حجم راسة اكبر شوية من الجسم
رجلة رفيعة

حراشيف الساق ضيقة

تلاقى فى كششان مع ان الحرارة كويسة

بتلاقى فيةاسهال ابيض مع ان مفيش مرض
لما تشرح تلاقى الكلية تعبانة
الحالبين مليانين يوريك اسيد
القلب حوافة بيضا
المرارة طابعة على الكبد باللون الاخضر فى منطقة الالصاق
فية محتوى اخضر فى اول القناة الهضمية
طيب عرفنا اعراضة الكتكوت اللى بيجيلى متاجر دا
وعرفنا ان النافق هيكون فية عالى
وهيظهر سردة فية كتير
طيب اية اللى ممكن اعملة
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا لى اكثر من تجربة حقلية مع النوعية دى
وكلها بفضل الله ناجحة وجايبة نتايج
تعالى نعمل برنامج استقبال للنوعية دى من الكتاكيت
اول حاجة
حرارة استقبال 34 فى اول الحضانة واوسطها واخرها يعنى حذارى والاختلافات الحرارية داخل الحضانة
هنيجى برة الحضانة ونرش مية وكل ما تنشف نرش تانى علشان نرفع الرطوبة
دا فى المناطق الجافة اما المناطق الغير جافة فممكن تستغنى عن الاجراء دا
طيب الكتكوت دا هياخد اية فى المية
اوعى
اوعى
اوعى
تستقبلة على مضاد حيوى يكون تمثيلة فى الكلى زى الدوكسى
اوعى تعتقد ان الاسهال الابيض ناتج من سالمونييلا فتسارع باعطاء كلورامفنيكول او حتى الفلورا
لان كدا النافق هيرفع زيادة والاسهال الابيض مش هيتوقف
لاكن عليك بالاتى
اول 12 ساعة عسل اسود بمعدل 5 جرام على اللتر
+
محلول معالجة الجفاف بمعدل 2 جرام على اللتر
+
غسيل كلوى محترم انت تثق فية
والسقوة التانية
عرقسوس بمعدل 10 سم على اللتر (( نقع 4 كيلو فى 6 لتر مية دافية مش مغلية لمدة 24 ساعة وتصفى المنتج وتجهز المحلول دا اوعى تغلى العرقسوس نقع على الدافى فقط علشان منخربش المادة الفعالة اللى احنا عاوزينها
+
محلول ينسون 7 سم على اللتر (( 5 كيلو ينسون على 6 لتر مية مغلية مش دافية هنا لازم مغلية علشان المادة اللى احنا عاوزينها مش هنطلع غير بكدا
+
مع 4 جرام سكر
لو عندك نبل نزل السقايات اليدوى
ولو عند يدوى كثر منها فى الفترة الاولى دى
طيب الدوا؟؟
مش هنحط ادوية الا لما اعراض الجفاف تختفى
يعنى اللى كتبناة فوق من اعراض تلاقية بيقل شوية بشوية
لو عملت البرنامج كامل ختختفى الاعراض فى 48 ساعة بامر المولى
لو نقصت حاجة ممكن المدة تطول شوية
ترسل تعمل اختبار حساسية
وتعرف الدكتور ان كتكوتك عندة جفاف علشان ميوصفلكش دوا تمثيلة فى الكلى
ولو اعطاة دوا كلوى شوف غير يكون رجل معملى حقلى يعى الحالة جيدا
اتمنى االبوست يفيد البعض علشان نكمل باقى المشاكل اللى بترفع النافق ودا هنلاحظة فى التفاعل مع البوست
اسف على الاطالة
اللهم اجعل عملنا هذا خالص لوجهك الكريم
مع تحياتى وشكرا