خبراء دواجن :المناعة المعوية

المناعة المعوية
وفى اخر البوست هنقول معلومة يتعجب لها كتير من الاعضاء لاكن بكل اسف دا واقع
المهم
على طول جدار الامعاء فية تجمعات لمفاوية تعتبر اساس فى المناعة المعوية
التجمعات دى
زى
== #البيرسا





ودى الكل عارفها وعارف فوايدها المناعية وما بها من خلايا بى
== #لوزتى #الاعورين 


ودى معروف انها عقد لمفاوية مناعية موجودة فى نهاية راس الاعورين
قرب #اللفائفى
ودا فية خلايا بى وخلايا تى
ودى مهمة جدا فى المناعة المعوية


ركز فى النقطة دى (( ان لوزتى الاعورين دى مهمة جدا مناعيا ))
== بقع باير او باير باتشيز او غدتا باير




ودى تجمعات لمفاوية موجودة فى الامعاء ودى لها دور كبير جدا فى المناعة المعوية وبردة فيها خلايا B وخلايا T
ودى لو فيها مشكلة تعرف على طول انك عندك خلل مناعى معوى
دا حتى اشهر ما يميز اصابة النيوكاسل تشريحيا بعض النقط الدموية اللى على راس غدد المعدة الغدية هو التجمعات الدموية او الالتهابات الموجودة على الغدة دى
ركز فى النقطة دى (( ان الغدة او بقعة باير دى مهمة جدا مناعيا ))


== تفريعة ميكل او meckel’s diverticulum




ودا اتكلمنا عندها فى بوست سابق
وقلنا انها عبارة عن بقايا او اثر كيس المح
الناس تعتقد ان البقايا دى ملهاش لزمة
لاكن بالعكس دى فيها تجمعات لمفاية مناعية وفيها مركز مولد لخلايا B وماكروفاج
== واخيرا وليس ااخرا
الخلايا اللمفاوية المنتشرة تحت الطبقة المبطنة للجهاز الهضمى
ودى الكلام فيها شرحة يطول
احنا كدا عرفنا ان فية 5 مناطق او تجمعات لمفاوية مناعية موجودة فى الامعاء بتمثل المناعة المعوية
واتكلمنا عنها بطريقة سريعة مبسطة
تعالى نحلل كل واحد فيهم
البيرسا والكل عارف انها بتختفى او تضمر مع الوقت وان المناعة اللى فيها مش موضعية يعنى بتفرز خلايا بى والخلايا دى تمشى فى الدم
لاكن من الواضح ان الاسبوع الاول من العمر هى بمثابة تكوين لخلايا البيرسا يعنى مش مكتملة من اول يوم ودى بردة هنخصص ليها بوست مخصوص بس خليك عارف انها مش مكتملة فى الاسبوع الاول من العمر
بقع باير ولوزتى الاعورين بالفحص التشريحى ايضا لوحظ ان طوال الاسبوع الاول من العمر لم تكتمل نسيجيا
تفريعة ميكل دى
بتكون خيرها من كيس المح لو الشغل صح الكتكوت اخدة كلة خلال ال78 ساعة الاولى من العمر خاصة المناعة الامية
وما تبقى من خلايا لمفاية صعب انة يقوم لواحدة بمناعة معوية كاملة
طيب كل الشرح دا لية
او عاوز تقول اية الخلاصة
ان فى الاسبوع الاول من العمر التحصين فى المية لاثارة المناعة المعوية بيكون اصعف طريقة فى التحصين
مش عاوز اقولك ان الكتكوت هيشرب فى العمر دا اقل كمية يعنى تاثير اقل للتحصين
لا خلينا نتكلم بطريقة علمية اكثر
ان معظم المناطق المسؤلة عن المناعة المعوية بتكون لسة فى طور الانتاج او النشئة
ولسة مش اتكونت بشكل كامل
يعنى بعد اليوم السابع عاوز تحصن مية حصن براحتك
لاكن قبلها
خليك على التقطير او الرش او تغطيس المنقار او الحقن
انا مش بقول انة ملوش لزمة لاكن بقول انة الاضعف
لان المناطق المناعية اللى المفروض التحصين يشتغل عليها لم تكمتل بعد
اللهم اجعل عملنا هذا خالص لوجهك الكريم
مع تحياتى وشكرا
#المناعة #المعوية