خبراء دواجن:نسب الفقس واسباب موت الاجنة

الاخوة مختصين التفريخ
من المعروف ان فية نسبة للفقس ونسبة اخرى من البيض او من الاجنة بتموت داخل البيض لعدة اسباب
من ضمن الاسباب دى ضعف الجنين
وتقريبا بتكون بنسبة من 2 الى 3% من عدد البيض الكلى
ودا ممكن يموت اما فى الاسبوع الاول ودا بيكون ضعف حنين ناتج من تغذية الام
او بيموت فى الاسبوع الاخير ودا ضعف جنين ناتج من عمليات التفريخ نفسها ( حرارة - تهوية - تقليب )
طيب فية حاجتين ممكن نعملهم يقوى الجنين دا تانى ويفقس مثلة مثل باقى البيض
الاجراء الاول
تدفئة البيض اما بعد جمعة مباشرة او وانا افضل الطريقة دى
او تدفئيتة فى المعمل
المهم انك تعرض البيض الى حرارة مثل حرارة الفقاسة (99 فهرنهيتى ) او 37.5 مئوية
لمدة 6 الى 8 ساعات
الكلام دا بيعمل تنبية للاجنة بصفة عامة وللجنين الضعيف بصفة خاصة
والموضوع دا اقل تقدير بيرفع معاك الفقس بنسبة من 2 الى 3% وعن تجربة
طيب دى الفكرة الاولى
والتانية؟
دى بنعملها فى الفقاسات صغيرة الحجم
وهى نقع البيض فى اهم فيتاميين منبة للاجنة وهى فيتامين ج
بس لازم مية النقع تكون نفس حرارة التحضين او التفقيس العادية
دا اولا
بجرعة من 12 الى 15 جرام للتر
لمدة من 1 الى 2 دقيقة فقط متزودتش عن كدا
الزيادة لا تؤتى بنتيجة
النقع دا لة توقتين
اما قبل رص البيض ودا بيعمل جودة فى الكتكوت بصفة عامة
او على عمر 12 يوم من التفريخ
لو عملتة على عمر 12 يوم بيزيد الفقس اقل حاجة 2% او بمعنى اخر بيمنع موت الاجنة فى الاسبوع الاخير
يعنى لو حضرتك عملت الفكرتين بامر الله هيزيد نسسبة الفقس عندك باقل حاجة من 3 الى 5% على حسب باقى المعطيات
ودى تعتبر افكار خارج الصندوق يعنى غير منتشرة فى الشركات الكبيرة
وكلها مجربة على فقاسات صغيرة تجارية
انا عارف ان بتوع التفريخ هنا قلة
لكن احتمال البوست يفيد حتى لو واحد
اللهم اجعل عملنا هذا خالص لوجهك الكريم
مع تحياتى وشكرا

..........