خبراء دواجن: كيف نعرف الميكروبلازما وما هي افضل الادوية لها

ملحوظة حقلية معملية سريعة
لما بيحصل عند حضرتك اصوات تنفسية اللى هو غالبا ميكوبلازما (80% منها )
ويبدا النافق على خفيف بمعدل مثلا 3 او 4 لكل 1000 طير
نلاقى اصوات كتير تقول نرسل لمعمل علشان نعمل حساسية
الناس اللى بتقول كدا ماشين بطريقة منظمة وربنا يوفقهم
بس احب انوة ان الميكوبلازما مش بيتعملها حساسية
مش لانة مينفعش
لا
لان استنباتها فى المعمل بياخد وقت لا يقل عن 4 الى 8 ايام على حسب الحرارة والبيئة
طيب ما المعمل بيعطى لحضرتك النتيجة اما بعد يوم او يومين بالكتير
طيب هل هو كدا عمل حساسية للميكوبلازما
اقول لحضرتك
لا
عمل حساسية للميكروب الملازم للميكوبلازما وهو 90% بيكون كولاى
طيب بتكون النتيجة اية
ان لو الدكتور الى عمل الحساسية شاطر نزول النافق
لاكن هل الميكوبلازما راحت
لا
فقط علاج الميكروبات اللازمة لها
علشان كدا بنلاقى ان النافق واستهلاك العلف والاعراض تظبط لاكن الاصوات التنفسية لسة مستمرة
طبعا الدكتور الشاطر هو اللى بيختار ادوية متخصصة فى الميكولازما بجانب اللى بيطلع معاة فى الحساسية
زى عائلة الماكروليدات (#اسبيراميسين - #تيلوزين - #جوزاميسين - #تلميكوسين )
او عائلة #اللينكوزاميدات (#لينكومايسين - #كلينداميسين )
اوالتياميولين
ولو الدكتور مش متمرس وجب على حضرتك اضافة اضافة احد من ادوية الميكولازما اللى قلناها دى مع اللى هيطلع معاك فى الحساسية
مع مراعاة التفاعل بين الادوية
دى الملحوظة الاولى
الملحوظة التانية
واللى ناس كتير هتعترض عليها
ان ميكروب زى الميكوبلازما مش بيتاثر باى من افراد عائلة السيفالوسبورين
زى السيفوتاكس والسيفوميد والسيفادركسون
وطبعا الاغلب بينصح بحقن السيفوتاكس فى حقنة الميكوبلازما
ودا طبعا غير مجدى لسبب ان العيلة دى بتاثر على جدار الخلية والميكوبلازما ليس لها جدار خلوى
زى بالظبط عدم استجابة الميكوبلازما لاى من عائلة البنسلينات (اموكسى - امبسلين )
الملحوظة الاخير
ان معظم الامراض بمجرد ما تصيب الجسم ويتتعافى منها يتكون منها مناعة لان الجسم بيتعرف عليها فالمفروض مش بتصيبة تانى
لاكن بكل اسف فى حالة الميكوبلازما لا
فممكن بعد انتهاء الكورس العلاجى بفترة ترجع تانى مش لان العلاج غلط
لا
لان طبيعة المرض غريبة شوية لانه اول ما بتدخل الجسم بتشد لها بروتينات موجودة فى الدم والبروتينات دى بتغطيها فتصير زى بروتين عادى ماشى فى الدم وبالتالى لا تتكون منها مناعة ولا الجسم يهاجمها
علشان كدا لازم لها برنامج خاص
وهو كل جرعة الاستقبال على حاجة #للميكوبلازما وبعد عمر 15 يوم تجيب حاجة مختلفة
وبعد عمر 28 الى 30 حاجة ثالثة من الادوية المذكورة فوق دى
وكل مرة غير الدوا علشان المناعة
ف ابدا بالاضعف وسيب الاقوى فى الاخر
لان الاضعف بيكون وقت ما الجسم يكون مصاب بالميكوبلازما فقط
اما الاقوى سيبة فى العمر الكبير لان بيكون الجسم فية اكثر من مشكلة فانت عاوز حاجة تنهى بسرعة
طبعا فية طريقة حقلية لمعرفة الادوية اللى الميكوبلازما حساسة ليها
انا كنت بعملها باستمرار
وهى بجيب اكثر من طير ظاهر علية المرض خاصة الكمشان مع التهاب العين واحقنهم كل واحد بدوا خاص بالميكوبلازما
يعنى احقن تيلوزين فى واحد
والتانى احقنة لينكو
والثالث اعطية #تلميكوسين لانة لما بيتحقن بيموت
واشوف النتيجة بعد 24 ساعة اى منهم اتحسن بسرعة
فبختار الدوا دا مع الدوا اللى طلعلى فى الحساسية وبيكون افضل تركيبة
اللهم اجعل عملنا هذا خالص لوجهك الكريم
مع تحياتى وشكرا