الجديد فى مجال التفريخ لرفع نسبة الفقس

الجديد فى مجال التفريخ لرفع نسبة الفقس
من المعروف ان بعد وضع البيض لازم يتخزن فى درجة حرارة مناسبة (12الى 18)
ورطوبة 75 الى 85 علشان تفضل محافظ على نسبة الفقس
طيب تعالى نقول اساس علمى غايب عن ناس كتير
بعد تلقيح البويضة فى اول قناة المبيض طبعا بتكون خلية جنينية او ما يسمى البويضة المخصبة طيب دى خلية واحدة
لاكن بعد نزول البيضة المخصبة دى بيكون اخلية الواحدة دى مكونة 256 خلية او ما يسمى القرص الجنينى
والبيضة طبعا قضت حوالى 23 الى 25 ساعة فى قناة المبيض
عارف دا معناة اية؟؟
معناة ان الحنين بدا ينمو
يعنى اول عمليات التفريخ بدات
طيب تبدا ازاى مع ان حرارة الجسم الطير 41 الى 42 درجة وان حرارة المبيض حوالى 37 الى 38 درجة
طيب ازاى يحصل دا والحرارة عالية كدا على الجنين
ومع ذالك بمجرد ما ما تنزل البيضة وتتخزن فى حرارة التخزين المعروفة بيكون الجنين كامن طالما لم يعرض لدرجة الصفر الفسيولوجى (( الدرجة اللى بيبدا فيها فى النمو ))
وهى طبعا فى الفراخ 27 مئوية
من المعلومة اللى فاتت دى نعرف ان الجنين بتعملة تنشيط فى درجة معينة من الحرارة قبل وضعة فى المفرخة
وبعد البحث والتحرى وجدو ان الحرارة دى هى نفس حرارة قناة البيض 37.8 مئوية
ووجدوا ان عند تعرض البيض المخصب الى الحرارة دى لوقت معين قبل دخولة فى ماكينة التفريخ رفعت نسبة الفقس الى 2 الى 3%
طبعا فية تجارب على امتى نعرض البيض للحرارة دى
هل بعد وضع البيض مباشرا يعنى فى مزرعة الامهات
او
قبل وضع البيض فى الماكينة يعنى فى المعمل
الطريقتين بيعملو نفس النتيجة لاكن وجدو ان الافضل علشان تعمل كتكوت كويس وحيوية عالية انك بعد ما تجمع البيض تعرضة على طول لحرارة 37.8 وبعد كدا تخزنة بالشروط المعروفة الى حين تفريخة
جربوا الموضوع دا عند بيض مخرن لمدة 7 ايام وعمل نفس النتايج
وجربوا على بيض مخرن لمدة 14 يوم بردة رفع نسبة الفقس الى 3 %
طيب كم ساعة هعرض البيض للحرارة دى ؟؟؟
جربوا على 3 ساعات عملت نتيجة كويسة
جربوا على 6 ساعات عملت نتيجة كويسة بردة
جربوا على 9 ساعات عملت نتيجة بس من زى 3 او 6 ساعات
الخلاصة
عرض البيضة بعد الجمع على طول لحرارة 37.8 لمدة 3 او 6 ساعات وبعد كدا خزنة فى مستودع البيض بتاعك العادى (( حرارة 12 الى 18 ورطوبة 75 الى 85 %))
هريفع ماعك نسبة الفقس من 2 الى 3% ودى طبعا نتيجة كويسة جدا خاصة فى الكميات
والطريقة دى ممكن نعملها لو وضعنا ماكينة تفريخ صغيرة فى اى مزرعة امهات ندفى بس فيها البيض قبل تخزينة
اللهم اجعل عملنا هذا خالص لوجهك الكريم
مع تحياتى وشكرا