فنيات تربية دواجن : اضافة الحليب المنزوع الدسم لماء التحصين

هنتكلم عن حاجة حقلية كتير من المربين بيشتغلو بيها لاكن بشئ من الفنيات
اضافة الحليب المنزوع الدسم لماء التحصين
المفروض او علميا وحقليا اضافة الحليب بنسبة تتراوح من 1 الى 2% الى ماء التحصين
يعنى كل 1000 لتر ماء تحصين المفروض بياخد 1 الى 2 ك لبن جاف منزوع الدسم علشان يكون افضل شغل
طيب للحليب اكثر من فايدة لحماية التحصين خاصة حمايتة من الكلور الموجود فى المية
طيب فية حاجة احنا مش واخدين بالنا منها وان ممكن كمية الكلور فى المية اعلى من جرعة الحليب وبالتالى بيقل كفاءة التحصين
لاكن تخيل ان نسبة الاضافة دى بتناسب جرعة الكلور 2 جزء فى المليون ومعاك الى 3
جزء فى المليون يعنى من 2 الى 3 جرام كلور خام لكل متر مكعب مية او 1000 لتر
لمدة معاملة 10 الى 15 دقيقة قبل اذابة اللقاح علشان اتخلص من الكلور كلة
طيب لنفرض ان نسبة الكلور اعلى من كدا وطبعا دا شئ وارد جدا خاصة بالنسبة لماء الابار او المية المعالجة بالكلور ممكن مثلا توصل 4 جزء فى الملييون
دى معناة ان كمية الحليب دى 2% ولمدة 15 دقيقة دى هتتفاعل مع جزء من الكلور لاكن هتسيب جزء منة مترسب بيوصل الى 0.5 جرام لكل 1000 لتر مية ودا بيقلل فاعلية اللقاح
طيب احنا بنثير الموضوع دا لية
علشان نعرف نحل لو احنا المية عندنا كلورها عالى
فالحل هيكون
اولا زيادة كمية الحليب اكثر من كدا
والتانى زيادة المدة المعرضة قبل اضافة اللقاح علشان نضمن يعنى ممكن توصل الى نص ساعة
دول الحلين المتاحين حاليا طبعا فية حلول اخرى انك تستعمل مزيبات خاصة باللقاح لاكن انا بقول على اللى شغالين بالحليب لسة
طبعا معرفة تحليل الكلور فى المية قبل ما احصن يكون مؤشر كويس علشان اعرف اشتغل بناء علية
مع تحياتى وشكرا

هذه معلومات و خبرات حياتية عن تربية الدجاج من عمر ساعات الطريقة الصحيحة لتربية الفراخ البيضاء في المنزل من عمر ساعات و تسمين الكتاكيت