فنيات تربية الدواجن:مشكلة الطشمة

الاخوة المربين
هنتكلم بمنتهى البساطة بعيد عن الكلام العلمى والكتب
بالنسبة لمشكلة الطشمة
او النفرة
او الاصوات التنفسية
دى غالبا 85% منها ما يسمى crd
ال15% عوامل اخرى
كلامنا عن ال85%
حضرتك السبب فى بداية الطشمة دى
يعنى عند اول خطا منك اثناء التربية بيحصل الاصوات دى
وهنقول بمنتى البساطة
الصوت دا مش هيحصل الا فى وجود المعادلة دى
CRD = ميكوبلازما + كولاى + اجهاد
طبعا على اعتبار القانون دا
no mycoplasma without coli
يعنى مفيش ميكوبلازما بدون كولاى
طيب مفيش كتكوت موجود بشكل تجارى خالى من الميكوبلازما
فقط كتاكيت الابحاث اللى اسمها SPF يعنى خالية من اى مسبب مرضى
يعنى الشق الاول من المعادلة موجود اجبارى
الكولاى
دا متعايش داحل الجسم
يعنى الشق التانى من المعادلة متوفر اجبارى
اما الشق الثالث والاخير
وهو الاجهاد
دا لة اشكال كتيرة جدا
يعنى سؤء تهوية اجهاد
غبار اجهاد
تذبذب درجات الحرارة سواء بالارتفاع او الانخفاض اجهاد
تحصين عترة قوية ( لاسوتا - عترة فوق متوسطة جمبورو ..... الخ ) اجهاد
تزاحم اجهاد
خلل فى العلف خاصة التغير الفجائى اجهاد
ايضا الرطوبة سواء الجوية او رطوبة الفرشة وما يلحق بها من كوكسيديا او كولستريديا
اجهاد اجهاد اجها
يعنى حضرتك المسؤل عن بداية اى صوت تنفسى بمجرد سماحك للاجهاد ان يحدث
فية نوع واحد فقط من الاجهاد انت مش ليك دخل فية
الا وهو اجهاد الوزن
يعنى الطير لما بيثقل فى الوزن بيعتبر اجهاد
ودا تقريبا بيكون اخر الدورة وانت قربت على التسويق يعنى مش هيلحق يعمل مشكلة لو حضرتك ماشى صح من الاول
يعنى بداية ظهور الاصوات التنفسية هى بداية خطا فى الرعاية من عندك
وبكل اسف الفراخ لا تسمح بالخطا
يعنى اول ما يظهر الصوت التنفسى مش هيروح لاخر الدورة
احنا بنعالج سواء فى المية او الحقن فقط علشان المشكلة لا تاثر على التحويل او الوزن او تعمل نافق
لذالك
حاول يكون اول خطا من ناحيتك متاخر جدا
اللهم اجعل عملنا هذا خالص لوجهك الكريم
مع تحياتى وشكرا

شكرا للقراء