فنيات تربية دواجن:لماذا ينخفض الوزن وليس هناك نافق

اخوانى المربين فنيات تربية دواجن:لماذا ينخفض الوزن وليس هناك نافق وما سبب عدم عمل تحصين #جمبورو في الدواجن البيضاء حقليا ,تعليم الدواجن ,اسباب فشل تحصين جمبورو,اسهال بني فاتح اقرب للابيض

ازاى تتعب نفسك وتدفع فلوس علشان تشترى طن علف لو كان عندة مزرعة 10 لالف طير
او تشترى نص طن علف لو عندك مزرعة 5 الالف طير
وترمية فى الطريق
هتقولى ازاى بس ارمى علف
هقول لحضرتك
احنا رصدنا حالة فى 3 عنابر تسمين متسكنين افيان 48
ووزن الكتكوت عمر يوم 41 الى 42 جرام متوسط عام
وتم عمل برنامج مكثف اول 7 ايام علشان نوصل لاقصى وزن اخر الاسبوع مثل ما قلنا فى البوستات القديمة
البرنامج كان 8 كيلو كركم مع 12 كيلو زيت سمك
وعلى المية سقوة يومية خميرة 2 جرام
3 سم نيودايجستين بشرى لمدة 6 ساعات يومية قبها تعطيش 1.5 ساعة
الكلام دا متواصل الى اليوم السابع
وكل دا علشان اعمل اعلى وزن على اليوم السابع
وتم والحمد لله وزن اليوم السابع على 187 جرام متوسط عام تحت اشراف المهندس عاطف عبد الدايم
يعنى اعلى من كتالوج السلالة بمعدل 180 جرام
وسلمنا العميل هذا المتوسط على اليوم السابع
فى ال3 حظائر
وتم زيارة المزرعة على عمر16 يوم
وكانت قد اصابت ب#الكوكسيديا من النوع اللى مش بتعمل اسهال احمر اللى اسمها #ايميريا #ماكسيما
ودى اشهر حاجة فيها
بتصيب الجزء العلوى من الامعاء
بتعمل سماكة فى بطانة #القناة الهضمية واحيانا بتكون غشاء فيبرينى تنكرزى مبطن للمنطقة المصابة
واسهالها #بنى #فاتح اقرب الى #الابيض
المهم كانت النتيجة
عنبر لم توصل لة المرض كان وزنة
529 جرام
والعنبر اللى اتعالج بعد العلاج متوسط وزنة 421 جرام
فى حين ان العنبر اللى لم يلاحظ فية المرض لاكنة موجودة وبياكل فى الامعاء ومن غير نافق كان وزنة 370 جرا
يعنى من غير علاج نزل ما يقرب من 160 جرام عن الوزن الطبيعى
والعنبر اللى اتعالج بعد كشف المرض نزل ما يقرب من فوق ال100 جرام عن الطبيعى
عارف يعنى اية 100 جرام فى العمر دا
يعنى تقريبا 115 جرام علف لان معدل التحويل فى العمر دا تقريبا 1.1 لكل كيلو
يعنى فى عنبر 10 لالف طير خسر المربى طن علف
وفى عنبر 5 لالف طير خسر نص طن
مع ان العنبر ام علاجة
يعنى فى الكوكسيديا بالذات حاول لا يكون شغلك علاجى بل وقائى دا الحل الوحيد
يعنى اضافات علفية للكوكسيديا زى #الاينونوفورات
وفى المية برنامج جيد مثل اللى قلناة فى البوست السابق
ملحوظة اخيرة
#تحصين #الجمبورو على عمر 17 يوم تم عمل تتر مناعى لقيناها ضعيفة جدا لدرجة انها شبة متحصنتش
يعنى اثناء او بعد الكوكسيديا لمدة لا تقل عن 4 ايام متحصنش اى تحصينة فى المية
اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد الدايم