حل مشكلة انخفاض نسبة الهضم في الدواجن

فية حاجات فى مجال التسمين بتضيع من وزن الطير نفسة ودا شغل طبيعى جدا
زى اية
اولا *** يقولك مثلا نسبة هضم البروتين 72% او الطاقة 62%او الكالسيوم 66%
يعنى معناة ان مش كل البروتين او الطاقة او الكالسيوم او الفوسفور اللى موجود فى العلف بيروح على تكوين الوزن
طيب اية تانى
ثانيا ** حالة الامعاء نفسها من التهابات بسبب امراض او سموم او امور اخرى
ودى بردة بتضيع على الطير بعض الوزن او بعض التحويل
ثالثا ** بعض حالات الاجهاد بتزود حركة الامعاء وزيادة حركة الامعاء دى معناها هضم او امتصاص غير كامل للعلف
رابعا ** بعد العلاج من بعض الامراض بيكون الجسم معرض لمشاكل فى التمثيل الغذائى ومش بيرجع زى الاول بسهولة الا بعد زوال المرض واثارة من الجسم
خامسا ** امراض التحويل الغذائى اللى بتاثر على التحويل والوزن مثل الكوكسيديا والكلستريديا بردة بتقلل الوزن
سادسا ** زيادة الادوية على الكبد مما يترتب علية خلل فى افرازات المرارة بردة دى بتاثر فى الوزن والتحويل
سابعا ** التحصينة القوية اللى ليها رد فعل على الطير بتاثر على معدل التحويل والوزن خاصة اللى بتاثر على بطانة الجهاز الهضمى
طيب بعد ما استعرضنا بعض الامور اللى بتؤدى بطريقة مباشرة او غير مباشرة الى خلل فى التحويل او عدم الوصول الى افضل اوزان
هنقول الحل لكل الاسباب دى
الانزيمات
ثم
الانزيمات
ثم
الانزيمات
دى عبارة عن مركبات اصلا بتفرز طبيعى من الجسم لمساعدة فى الهضم وتحويل العلف الى لحم
ومنها ما هو مصنع من قبل كتير من الشركات زى الاوبتزيم و الكيم زايم وغيرة من المنتجات اللى بتضاف على العلف والاخرى اللى بتضاف على المية
الخلاصة ان الانزيمات دى هى الحل المشترك لكل المشاكل اللى عرضناها اعلى
واذا خلطناها مع البروبيوتيك بتكون افضل اداء
يعنى لو عاوز تشغلها فى المية اعتبرها زى الفيتامين وحطة كل شوية
اما لو بتصنع اعلاف فخلية مستمر على العلف افضل
وهى عبارة عن منتجات بتنتجها الشركات
لكن كما عودناكم نجيب بديل طبيعى
منها نوفر فى التكلفة ومنها نحاول نبتعد بقدر الامكان بكل ما هو صناعى
اعملو الخلطة دى
هنجيب الخميرة الخبيز العادية ونبيتها فى المية لتالى يوم هيطلع منها مستحلب بس منتفخ شوية وممكن لعلاج الموضوع دا نحطها على نص ك ردة وشوية مية مع التقليب المستمر لحدوث مستحلب طبيعى من البكتريا النافعة دون حدوث اى انتفاخ
دا رقم واحد
وهنجيب 2 ك شعير وننقعة فى 5 لتر ما لمدة 48 ساعة هينتج عنة ماء غنى جدا بالانزيمات ( هو دا الخير كلة اللى هيصلح غالبية المشاكل اللى ذكرناها فى اول البوست ) وشعير مستنبت طبعا الشعير تاكلة الفراخ عادى جدا وبالعكس بيرفع الوزن المستنبت دا
اما الماء هنضيفة على المستحلب بتاع الخميرة ونعمل سقوة كل يوم 4 ساعات
بس بعد التعطيش لمدة 2 ساعة
يعنى اعتبرها تحصينة يومية او حتى بيوم بعد يوم
جرب التجربة دى عندك فى مجموعة معزولة وشوف الفرق بين المجموعة والدفعة كلها
وهتدعيلى
اللهم اجعل عملنا هذا خالص لوجهك الكريم
مع تحياتى وشكرا