مشكلة الاعراض التنفسية في الدواجن وطرق التعايش معها لنهاية الدورة

يا جماعة
طالما بلدك او شركاتك اللى بتتعامل معاها فى الكتاكيت
مفيش فيها كتكوت خالى من المسببات المرضية SPF
او كتاكيت خالية من الميكوبلازما
فظهور الاصوات التنفسية دا شى طبيعى خاصة بعد المواقف الاتية
تحصية شديدة يعنى عترة عالية
رعاية غير جيدة
امونيا
تكتيم فى العنبر
امونيا زيادة مع اتربة ففى جو العنبر
ظهور اى فيروس تنفسى
او اى شكل من اشكال الاجهادات الاخرى
فواجب على المربى عمل الاتى عند ظهور الاصوات دى
اولا تحط فى يقينك التعايش معاها يعنى مش تضرك
ثانيا شيل الخلل اللى ساعد فى اظهارها سواء تهوية او امونيا او رطوبة
امتى هننزل علاج لها؟؟؟؟؟؟؟؟
فى الحالات الاتية
***** استهلاك العلف قل
***** النافق رفع بسبب الاصوات دى
***** تورم عالى فى العين
***** رغاوى فى العين
***** ظهور الاسهال لاخضر اللى يدل على بداية نشاط الكولاى مع الميكوبلازما
طالما مفيش الحاجات اللى فاتت دى
فنزولك للعللاج هيكلفك على الفاضى لان الاصوات مش هتختفى
طيب ممكن نعمل البرناج الاتى علشان نتحنب مخاطر المشكلة
الاستقبال على سبرو مع كولستين اول 4 ايام
وسط الدورة من 15 الى 18 يوم تيلوزين مع نيومايسين
قبل التسويق ب 8 ايام يعنى 32 الى 34 يوم اى جرعة قوية زى تلميكوسين او اسبيراميسين مع جنتاميسين او كولى بريم
وممكن تايلان مع لينكو
دا لو مش بتحب تحقن
اما لو بتحب الحقن
فانزل بجرعة من اللى فاتو دول فى نص الدورة
واحقن لو ظهرت اى اعراض ضارة كما ذكرناها فوق
ملحوظة اخيرة قلناها قبل
الاصوات لا تقلقك مش هتضر الا لو عملت اى حاجة من اللى فاتو
اللهم اجعل عملنا هذا خالص لوجهك الكريم
مع تحياتى وشكرا