سبل الرعاية التحكم فى الامونيا او نسبة الامونيا فى العنبر

استكمال لعملية الوقاية خير من العلاج
وان اى مرض اهم سبيل لمقاومتة او اضاعفة هى الرعاية الجيدة
فهنقول من سبل الرعاية التحكم فى الامونيا او نسبة الامونيا فى العنبر
تكلمنا فى البوست اللى فات عن دور الامونيا فى تهتك جدار الخملات المبطة للقصبة الهوائية وفتح الباب على مصرعية الى اى مرض تنفسى باقل مقاومة للطير
وهنا هنكمل خطورة الامونيا على العين
بس بطريقة علمية وان لية صعب علاج العين بسبب الامونيا
كتير مننا عارف الامونيا هى بتعمل اية
فانا هعمل تاكيد على المعلومة ان منع الامونيا فى جو العنبر شى مستحيل تطبيقة لانها بتطلع من الزرق نفسة
يعنى طالما الطير بيخرج زرقة فلازم الامونيا دى
لاكن فية مستويات او درجات
يعنى مثلا لو الامونيا فى جو العنبر 20 جزء فى المليون فاقل تقريبا مش هيحصل حاجة او تاثيرها المرضى شبة محدود
اما لو الامونيا رفعت الى 50 الى 100جزء فى المليون
بتحفز العين انها تفزر هيدروكسيد امونيوم ودا طبعا قلوى والقلوية دى او نتيجة المركب دا هو المسؤل عن التهبات العين واحمرارها والتهاب ملتحمتها للشكل اللى احنا متعودين نشوفة
طيب اذا كانت التهوية سيئة وطلعت النسبة لاعلى من 100 جزء فى لمليون تخيل
ان فى خلال فترة بسيطة جدا وعن طريق تفاعلات فى العين الاول تعمل التهاب فى ملتحمة العين ثم تتقفل العين تمام فى الاول بطبقة عاملة زى الجبنة كدا وبعد لحظات يصاب الطير بالعمى
دى درجات اصابة العين بالامونيا لو مكنش المربى يقظ ولحق الموضوع من اولة
لك ان تتخيل خطورة حاجة زى الامونيا
طيب الغريب فى موضوع التهاب العيون دا
ان امراض كتير بتعملة
ميكوبلازما
كولاى
انفلونزا
نيوكاسل
اى بى
اى ال تى
لاكن فى حالة الامونيا الوضع بيتختلف تمام
يعنى لو مرض هو اللى اصاب العين بمجرد الشفاء منة بترجع العين لطبيعتها بعد فترة
لان فى حالة الامراض الوسط القلوى بتاع هيدروكسيد الامونيوم دا مش موجود
اما فى حالة الامونيا فدا تفاعل ونتج عنة مواد جديدة ولا يمكن ترجع العين لطبيعتها اذا وصلت التركيزات زى ما ذكرنا فوق
يعنى المطلوب من حضرات المربين
تهوية جيدة
فرشة غير رطبة
استبدال جيد للهواء الفاسد بهواء نقى عن طريق مراوح او فتح البحرى مع القبلى فى المزراع اليدوى
استخدام فرشة من النوع الممتص جيدا للرطوبة زى ناشرة الخشب الخشنة
خلط النشارة قبل فرشها بالجير فالعملية دى بتاخر ترطيب الفرشة وبتخليها اقرب للجفاف منها للرطوبة
او تضيف الشبة زى ما قلنا فى بوست سابق مخصوص لها
المهم اى مركب رخيص من ال6 مركبات بتوع تقليل الامونيا اللى كتبناها فى بوستات سابقة
(( اكتب فى مربع البحث بتاع الجروب كلمة (( امونيا مع تحياتى ))
هيطلع لك بوستات الامونيا كلها راجعهم كويس علشان الصورة تكتمل عندك
اللهم اجعل عملنا هذا خالص لوجهك الكريم
مع تحياتى وشكرا

.....................