الكتير من المربين بيلاحظو وجود اسهال او لون اخضر فى الزرق

الكتير من المربين بيلاحظو وجود اسهال او لون اخضر فى الزرق
وبيحصل تقريبا كل دورة حتى لو بصورة فردية او بعدد قليل
طيب مشاع بين الناس انة نيوكاسل
ونعمل اجرائات النيوكاسل ونتعب الجسم على الفاضى
والنافق مش بينزل
والمربى التانى بس القديم شوية بيلاحظ ان الاخضر دا سببة كولاى
ويحقن وبردة النافق زى ما هو
يعنى لازم نعرف الاخضر دا بيجى منين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟






مصدرة اللون الاخضر الوحيد فى الجسم هى صبغات المرارة اللى بتكون ساكنة تحت الكبد مباشرا




وفسيولوجيا بنعتبر المرارة جزء من الكبد
يعنى اللون الاخضر مصدرة الكبد
طيب تعالى نعطى الطيور نسب متدرجة من السموم الفطرية وبالتحديد الافلاتوكسين
لمدة معينة 


الاول لازم نعرف اللون الطبيعى للكبد اللى هو رقم 5 فى الصور


دا كبد نضيف خالى من السموم وخالى من الخلايا الدهنية الزائدة اللى بتتسبب فى انسداد مصفاة الجسم (الكبد )
الصورة رقم 1 بتاعة طير اكل افلاتوكسين بمعدل بسيط ( 0,5 ملجم لكل كيلو علف )
عاملة شحوب مع تصبغ الكبدى باللون الاصفر نتيجة الخلايا الدهنية
فى الصورة دى مفيش اسهال اخضر لسة ظهر
الصورة التانية لكبد اكل جرعة اعلى من الافلاتوكسين ( 1 ملجم )
نلاحظ بداية الالتهاب الكبدى والاحتقان المخلوط مع الاصفرار بتاع الخلايا الدهنية
هنا لو دققنا النظر فى الفرشة هنلاقى بداية اسهال مائى طباشيرى مختلط باخضرار خفيف مش هيلاحظة غير عين واحد خبير
فى المرحلة دى لازم التدخل بالعلاج لان هنا مفيش تحصينة هتتحصن لها فايدة بس دا مش موضوعنا خلينا فى الاخضر
الصورة رقم 3 لطير اكل افلاتوكسين بمعدل 1,5 ملجم
هنا بقا المشكلة لان بدا الخيوط الحبرية فى الظهور اللى بتتوسط الخلايا الصفرا وظهور دى معناها ان الكبد على وشك عدم القيام بوظيفتة اللى هى فلترة الدم لما نوصل للمرحلة دى هتلاحظ الاخضرار اللى فى الزرق واضح لدرجة ان لو مشيت جانب الجدار هتلاقى زرق اخضر صافى
حذارى ان توصل للدرجة دى ومش تكون بدات فى العلاج
اما عن الصورة الاخيرة اللى هى رقم 4 دا اعلى معدل للافلاتوكسين اللى بيعمل عندة نافق فورى ودا زى ما هو موجود فى الصورة الكبد ضاع خلاص لان النافق زاد فى العنبر والاسهال الاخضر زيادة وظاهر لمن هو خبير او مبتدا
حتى فى المرحلة الاخيرة واللى فبلها لو حد شخص نيوكاسل هيكون عندة حق مش لان الفيرس موجود لا
لان اى تحصينة لة مفيش منها فايدة ولان مناعتة ضاعت
لاكن الاصل هى السموم
انا حبيت اسرد درجة الاخضرار الموجودة فى الزرق واللى سببها السموم الفطرية وامتى افضل وقت للعلاج
اما عن العلاج فزى ما تعودنا اما علاج طبيعى او اعشاب
زى ما قلنا قبل كدا بخلطة العرقسوس مع الكركم مع الزعتر
بس الخلطة محتاجة شغل من بعد اليوم السابع من العمر الى قبل البيع ب5 ايام علشان مش تشوف السموم اصلا
اما محبى الشغل الكميائى
فبمجرد ظهور الصورة الثانية اللى هى اخضرار خفيف بيتوسط الاسهال الابيض
ابدا نزل جرعتك بتاعة مضاد السموم
سينرتوكس
دى توكس
هاميكوتوكس
توكسنيل
نتروتوكس
وكثير منتجات مشهورة حايبة نتيجة
اقرا البوست جيدا وراقب قطيعك كويس علشان تعرف تدرج الحالة
اللهم اجعل عملنا هذا خالص لوجهك الكريم
مع تحياتى وشكرا