فنيات تربية الدواجن :‏فى وجود السموم مفيش تشخيص سليم‬

فى البوست اللى فات
حددنا قياسات السموم المثلى لما تيجى تحلل علفك فى اى معمل بحوث زراعية
وقلنا اخر البوست ازاى اعدل من تركيبة العلف بيحث اقلل من مخاطر السموم على النمو
طيب تعالى
فى البوست دا
وعن طريق اعراض السموم التشريحية
ننسف بالكلية موضوع انى اشخص مرض مشهور بعرضة التشريحى المشهور
لاننا قلنا فى بوست سابق ان الخريج الجديد بيصعب علينا لما يذاكر اعراض معينة لمرض ما فى كليتة ويلاقى حقليا الكلام اختلف
ندخل فى المهم
السموم الفطرية انواع
ولكل نوع عرض تشريحى مختلف
يعنى
الافلاتوكسين
بتعمل تضخم فى الكبد والمرارة واحتقان الجسم كلة
وبتعمل انزفة فى عضلات الجسم نفس عرض الجمبورو الشهير
بتعمل عرج نفس عرض نقص فيتامين د بالظبط
---
الاوكراتوكسين
غالبية تاثيرها على الكلية
ولانها كلوية اكثر منها كبدية فبتلاقى شحوب وتضخم الكلية
هتلاقى فيها نقرص كلوى
هتلاقى شحوب فى البنكرياس نفس شكل انفلونزا h9 بالظبط
___
ال T2 توكسين
بيعمل تاثير على الكبد
وبيحدث انيميا
ونفس اعراض فيرس انيميا الطيور CAV
بيعمل قرح وبثرات فى الفم ودا عرج مميز جدا للسم دا وبردة ميز جدا للجدرى
ارخم حاجة فى السم دا ان قاتل باقل جرعة
وبالجرعات الخفيفة بيعمل تكسير وتقصف فى الريش
يعنى لو جاء فى الفراخ نفس نقص البانتوثينيك اسيد وشكل الكوكسيديا فى الريش
ولو جاء فى البط بيكون الريش نفس شكل فيرس الدرزى
بيعمل ضضمور فى الغدد المناعية الثلاثة (بيرسا - ثيموس - طحال )
___
طيب السم الخفى اللى كتير بيغفل عنة فى الامهات والبياض
الا وهو الزيرالينون
دا بيسموة المسبب الاول للعقم عند الديوك ومقلل الاخصاب والفقس فى الاناث
السم دا بيعمل الاتى
نفص افراز هرمون البروجسترون
يعنى ضرب عملية الانتاج فى مقتل
انخفاض حاد فى البيض
انخفاض الاخصاب
المبيص بيتحوصل بنفش شكل فيرس ال IB الكلوى
___
فية سم من السموم رخم جدا
بيظهر بنسب بسيطة لكن بيضلنا كتير فى التشخيص
هو
المونيليفورمين
ارخم ما فى اعراضة
الاسهال الاسود
العلف الغير مهضموم
تقرحات معوية
ايوة ياسيدى فهمتنى الوقتى
نفس اعراض الكولستريديا بالظبط
___
طيب اسهال مائى
زيادة فى استهلاك المية بشكل واضح
القونصة متاكة ومتشققة
دا بيعملة سم
السترنين
____
فية سم بيعمل نفس عمل الكوكسيديا بالظبط فى الامعاء بيخليها محمرة بشكل واضح
اسمة الاوسبورين
وبيهلب الكلية والنقرص الواضح بسببة
___
وحدق ولا حرج عن سموم الروبراتوكسين
اللى صعب تميزها عن الجمبورو من حيث شكل البيرسا
وشكل القونصة والمعدة الغدية والمنطقة الفاصلة
وانزفة العضلات
___
مش عاوز اقول باقى السموم
لكن خد اخر حاجة
سموم الباتيولين
دا اشهر اعراضها العرج
اللى سببة نقص الكالسيوم
ومهما تحط كالسيوم الحالة مش بتتعالج
لدرجة ان بيقلل محتوى الكالسيوم فى العظم نفسة
اسف جدا للاطالة
واعلم ان المادة العلمية اللى فى البوست غير مهمة عند غالبية الناس
لكن انا عاوز اقول حاجة واحدة

اللهم اجعل عملنا هذا خالص لوجهك الكريم