خطا فادح يقع فية كتير من المربين في فترة حضانة صوص الشتاء

خطا فادح يقع فية كتير من المربين
الا وهو تضييق مساحة الحضانة فى فصل الشتا
يعنى من المعروف ان مساحة التحضين لاى قطيع بتكون 25 الى 30% من مساحة العنبر كلة
او بمعدل 40 كتكوت للمتر المربع
فكل ما ضاقت مساحة الحضانة عن المعدل اللى ذكرناة
بيتؤدى الى
اولا تفاوت الاحجام وظهور السردة
ثانيا انتشار واضح للتلبكات المعوية اللى بيفهمها المربى خطا على انها كوكسيديا وبيعالج على هذا الاساس وبيهجد الجسم دون جدوى
ثالثا ضعف مناعة فى القطيع
رابعا قلة التحويل فى الوقت دا وطبعا الوقت دا حساس جدا فى عمر الطيور لان النمو بيكون فية سريع واى خطا زى ضيق مساحة الحضانة بيعمل اوزان اقل لاى سلالة
رابعا بيقلل مناعة التحصينات يعنى معظم التحصينات خاصة المعوية منها (( جمبورو - افنيو - فيتابيست )) لاحظو ان التتر المناعى بيقل لما بتكون مساحة التحضين اقل من المستوى الطبيعى
خامسا لو هتبيع الفراخ للمجزر بيعمل على زيادة الفراخ الدرجة التانية والكدمات وزرقان الذبيحة
سادسا اصوات تنفسية بدرى جدا ومهما عملت مش تتعافى منها لاخر الدورة
سابعا تعريق الفرشة وزيادة رطوبتها ودا بيفتح الباب لكثير من الامراض المعوية (( كلستريديا - كوكسيديا - كولاى )) واصابات فطرية
ثامنا ارتفاع لنفوق الطبيعى
دى بس ملحوظة سريعة لكل مربى
انة مش علشان يخاف من مصاريف التدفئة فى الشتا او عدم توافر معدات التدفئة فيقلل من مساحة الحضانة
اللهم اجعل عملنا هذا خالص لوجهك الكريم