المؤخرة المتسخة ومرض الدواجن وعلاجها بالاعشاب

المؤخرة المتسخة ومرض الدواجن وعلاجها بالاعشاب

هنتكلم عن موضوع المؤخرة المتسخة

pasty vent
دا محتاجة لوحدها كتاب علشان نعطيها حقها
لان المسببات اللى بتعمل كدا كتيرة جدا

منها فى العمر الصغير التهاب السرة وما بة من ميكروبات

منها السالمونييلا 
الكولاى
السموم

املاح زيادة فى العلف او المية
وسؤء جودة المية لها دور
اصابة فيروسية
ومشاكل التغذية
ومنها 
اسباب رعاية او تربية زى 
تذبذب درجات الحرارة بين الارتفاع والانخفاض وعدم توازن الرطوبة مع الحرارة
لاكن دا مش وقت حصر للاسباب
احنا بس تعالى ناخد حالة زى دى ونعمل عينة ونشوف دا بسبب اية
هتلاقى معظم المعزولات هتكون كولاى 
يليها كولستريا اللى تبع الفلورا مش المرضية
يليها سالمونييلا وممكن استاف 
بعدين باقى الميكروبات وايض خلل فى فلورا المعوية مع زيادة الحمل الميكروبى من المعمل او من البيضة
كلامى فى على الحالة اللى لا يصحبها نافق
اما اللى معاها نافق فدا بالتشريح والفحص هنعرف اية المسبب الاساسى والمسبب الثانوى
طيب طالما مفيش نافق انت واجع دماغنا لية
هقولك حاضر
لان دا من مسباب قلة التحويل الغذائى
واللى بتخليلك الطير مش بيجيب افضل وزن حاصة وزن اليوم السابع
طيب ازاى موجود فى المؤخرة المتسخة دى كولاى ومش فية اعراض الكولاى المعروفة
وازاى سالمونييلا ومش باين حاجة 
اقولك
لان فى الحالة بيكون صراع بين الميكروبات المعوية الطبيعية او ما تسمى الفلورا وبين الميكوربات المرضية المتعايشة فى الامعاء وبيكون الغلبة للمرضية على المتعايشة فتظهر الشكل دا
لاكن بكل اسف لما الشكل دا بيتكرر فى بيكون نسبة فى العنبر من غير نافق فتاكد ان الوزن عندك مش هيكون عالى زى كل مرة
كمان الطير هيفرغ منك فى الاخر ودى شفناها كتير قبل كدا
خاصة ان فى العمر الكبير بيكون الحمل كبير على الامعاء بسبب الهضم بالتالى انشغال الفلورا فبيسيطر المرضية اكثر
كمان لو كان سببة كولاى 
فتاكد ان تحصينات النيوكاسل فى الاسبوع الاول مش هتكون بكفاءة
لان وجد ان الكتكوت اللى حامل للكولاى من المعمل تتر مناعة النيوكاسل بيكون اقل بعد التحصينات
فلا تحصن نيوكاسل وعندك الظاهرة دى او عندك كولاى لازم يتعالج

بس اية الحل
؟؟؟؟؟؟؟؟؟؟؟؟؟
البعض هيقولك نزل مضاد حيوى معوى
بس لازم يكون نتيجة اختبار حساسية لان لو مفيش منة حساسية ونزلت مضاد عير مناسب هتموت البكتيريا النافعة فقط
هقولك نزولك مضاد والحالة غير مصحوبة بنافق هتموت الفلورا الطبيعية مع الضارة بالتالى بردة مش هتخدم موضوع الوزن عندك
لان الوزن بيجى من سلامة الامعاء وسلامتها بتكون بصفة اساسية بنشاط الفلورا جنبا الى جنب مع جدار الامعاء
يعنى الحل هو جعل بيئة ملائمة تنشط فيها الفلورا على حساب الضارة
ودى بتكون بالشغل الحديث
بس انا افضل جعل الوسط حمضى هو اول طرق اختفاء الظاهرة دى وهو انك تشتغل اى مضاد سموم حمضى
خاصة فى العمر الاخير 
يلية فى الاهمية البروبيتويك والبريبيوتيك 
يلية شغل الاعشاب

يعنى وجد ان خلطة الكركم مع الثوم بتقوى جدا الفلورا على حساب الميكروبات التانية
ملحوظة اخيرة الارضة المبلطة او بلل الفرشة عامل عام جدا لظهور الحالة دى
تراكم المادة بتاعة البيوفيلم فى مواسير المية بتعمل العرض دا

خلاصةالقول
لو من هواة الشغل بالادوية فلازم اختبار حساسية للمضاد المناسب
ثانيا احرض على

سلامة جدار الامعاء علشان يحميك من ان الطير يفقد من وزنة فى العمر الاول او الاخير او اللى بيسموها بالمصرى (الطير فرغ) ودا شكوى ناس كتير فى الفترة اللى فاتت

اللهم اجعل عملنا هذا خالص لوجهك الكريم
مع تحياتى وشكرا