خبراء فيروسات دواجن:اسباب عدم الاستجابة للعلاجات الفيروسية

دايما نشوف حالات فيروسية بتستجيب للعلاج وفية حالات اخرى استجابتها بطيئة وحالات اخرى تستجيب بس بعد 2 الى 3 ايام
ولما عملنا مقارنة بين كل حالة والاخرى
ولمدة 8 حالات اى بى وحالتين انفلونزا و3 حالات عدوى مركبة
اقدر اطلع بنتيجة هامة جدا
ان الشغل على الطير من اول يوم من حيث المناعة وقلة الاجهاد بيفيد كتير جدا لو جت حالة معقدة زى دى
ركز معايا بقول شغل مناعة وقلة اجهاد
يعنى فى العمر الاول ركز فى الرعاية جيد جدا (رطوبة - حرارة - امونيا))
حذارى والاجهاد الدوائى وارهاق الكلى خاصة فى زمن الاى بى دا
واعتبر ال T helper cell زى ابنك الرضيع تحسس علية وترعاة وتخاف علية من اى حاجة وكمان تدعمة وتقوية
بكدا ممكن لما يحصل حاجة فى العمر الاخير الدنيا تستجيب معاك
الكلام دا من دراسة 13 حالة كلهم قمة فى الخطورة
واكثر الحالات اللى لم تستجيب لاى خلطة فيروسية
لما تتبعنا برنامجها من اول يوم نلاقيها نجانب الضعف المناعى
هو الارهاق الدوائى
يعنى محطش دوا على الفاضى والمليان
علشان تسيب مجال لما تحب تعالج اثناء الاصابة الفيروسية
اعرف ان الدوا عبارة عن سم ايوة سم بتعطية للطير علشان يضعف قوتة
فاما اكون مجبر على اعطاء السم دا لما تكون الحالة مستدعية او انى اوفر على الجسم كمية الخراب اللى هيعملها السم فى جسمة واللى الجسم دا مش هيستجيب لما اعالج اى فيرس بعدين لانة هيكون متهالك
دا وصف مبسط من
من واقع الخبرة الحقلية
اللهم اجعل عملنا هذا خالص لوجهك الكريم
مع تحياتى وشكرا