خبراء اعلاف:اهم خطوات مقاومة السموم

هنكتب بوست طويل شوية
هو مش جديد بل هو تجميع ل3 بوستات سابقة عن السموم الفطرية
مع انى كتبت تقريبا 17 بوست سابق على السموم لكن تجميع ال3 دول بالذات بيوضح اهم خطوات مقاومة السموم
اسف طبعا لطول البوست لكن الظروف جت كدا وصعب اختصار اى جملة
من المعروف ان اى علف بة نسبة من السموم الفطرية
كلنا يعلم ان النسبة دى ممكن الكبد يتعامل معاها لو حالتة جيدة
لاكن بكثر التعرض للسموم حتى لو بحالة جيدة بيعمل فشل #كبدى و#كلوى ايضا بعد فترة
هتقولى انا بنززل #مضاد_سموم كل فترة فعلا اجراء كويس
وبيخفف العبئ عن الكبد والكلى
لاكن المشكلة الكبيرة فى ان على حسب تركيز السموم فى العلف بيقل معاها تتر التحصينات
يعنى نفهم من كدا ان اى تحصينة مهما كانت عمرها ما تتم بحالة جيدة طالما فية نسبة من السموم ودا بيخلى الفيرس الحقلى لما بيجى مش بيلاقى الجسم يصد بالدرجة المطلوبة
طيب والحل
؟؟؟؟؟؟؟؟؟؟؟
الحل ان تبعد شوية عن العلف الجاهز وجرب شغل تانى
ازاى؟؟؟؟؟؟؟؟؟؟؟؟
ركب علفك عندك
واحنا كتبنا قبل كدا عن تاثير العرقسوس على السموم
وتاثير الكركم على السموم
وان الخميرة بترفع من قوة اى مضاد سموم وتحولة من مضاد عضوى الى بيولوجى
طيب تعالى ناخد التجربة دى
علشان نقول برنامج للسموم او معلومة كاملة
الناس طول عمرها بتحصن نيوكاسل وتقيسس تتر بعدها
ودايما تتر النيوكاسل بيكون اقل من المطلوب
الى ان عرفو تاثير الزعتر على الجهاز التنفسى زى ما كتبنا فى بوست مفصل سابق فقولو نجرب العشب دا على اساس يهدى التنفسى شوية
والغريب فى الموضوع ان وجد ان تتر النيوكاسل والجمبورو اعلى من كل مرة بسبب اضافة الزعتر دى
احنا اعتقدنا فى الاول انة بيرفع التتر لاكن كان فية عتبر بياكل علف جديد وشركتة بتتحدى ان مفيش سموم
ولو حظ ان العتبر دا تتر التحصينة فية اعلى من الباقى
ولما اخد الزعتر اللتر لم يتاثر بالزيادة المرجوة بل كانت زيادة بسيطة عن كل مرة لاكن العنابر اللى بتاكل علف فية نسبة افلاتوكسين زادت فيها التتر الى تقريبا الضعف والموضوع دا اتكرر اكثر من مرة
خرجنا من الموضوع دا بان الزعتر لة تاثير على الافلاتوكسين
طبعا احنا جربناة باكثر من جرعة
يعنى للتنفسى كنا بنحط 6 ك على الطن
لاكن فى السموم بنحط 4 على الطن
ومن التجربة دى والتجارب السابقة
نقدر نطلع بتركيبة للسموم هتفرق معاك جدا
وهى
ال#زعتر بمعدل 4 كيلو على الطن
ال#عرقسوس بمعدل 3 ك على الطن
ال#خميرة بمعدل 6 ك على الطن
جرب دى على احد التركيبات اللى نزلناها على الجروب هنا
وهتدعيلى بالنسبة للسموم الفطرية
وحالة الكبد والكلى
وتتر التحصينات
وفعلا كان
معلومة كنا عارفينها بشكل نظرى
وتاكدنا منها بشكل حقلى
ان وضع مضاد سموم جيد الصنع سواء بيولوجى او حمضى عادى
بيرفع تتر التحصينات
اتجربت فى النيوكاسل والتجربت فى الجمبورو وفعلا التتر فرق عن العنابر اللى مشربتش مضاد سموم
طبعا المضاد البيولوجى كان اعلى من العادى
لاكن الاتنين اشتغلو
كما ان
للمختصين واللى بيهتمو بتراكيب الادوية والمفاضلة بينهم
لكثرة مشاكل السموم
ولان اى علف لازم يكون فية سموم حتى ولو بنسبة بسيطة
والنسبة البسيطة دى تاثيرها تراكمى يعنى على العمر الكبير مشاكلها بتظهر سواء فى تضخم الكبد والكلى او نقص مناعى او اسهالات ونقصان تحويل
هنا هنقيم مضادات السموم
فية 3 مدارس لتصميم اى مضاد سموم
المدرسة الاولى
هى مركبات بتعمل امتصاص للسم نفسة
ودى بتكون عبارة عن احماض
#بروبيونيك اسيد
#فورميك اسيد
#ستريك اسيد
#سوربيك اسيد
او املاح احماض مثل
#كالسيوم بروبيونات
ودى لة مميزات وليها عيوب
بس مميزاتة اكثر من عيوبة
المتمثلة انة زى ما بيريحك من السموم بيريحك من الفطر نفسة
كمان بييرفع حموضة الغلف اللى وبالتالى بدورة بيساعد فى تجنب كتير من المشاكل المعوية
اهم عيوب المدرسة دى
ان مش كل السموم ممكن يتعملها امتصاص بالاحماض زى الt2 توكسين مثلا
كمان من العيوب ان بعد الامتصاص ممكن يتحول الى مركب صعب التخلص منة ويكون عبئ على الجسم
المدرسة التانية فى علاج السموم
وهى مركبات تعمل امتزاز للسموم
وبتغير من تركيب السم او بتعمل حاجة زى تغير شحنة السم وبتشدة ليها
ودى
زى
#البنتونايت
#الزيولايت
و#الفحم
و#سليكات #الكالسيوم #الصوديوم و#الالومونيوم
والكاولين
ودى مميزاتها انةها بتعمل امتزاز جيد للسموم
بس مش بتاثر على الفطر نفسة زى الاحماض
واهم مميزاتها ان صعب ينتج عنها مركب يضر الجسم بل عن طريق المنع الاكتروستاتيكى بيخلصك من السم فى امان
بس ليها عيب انها ممكن تعمل امتزاز لبعض الفيتمينات الموجودة فى العلف
وافضل حاجة للمدرسة دى هى انها تساعد مدرسة الاحماض فى الشغل او يكونو فى مركب واحد وباتالى يرفع من قوة مضاد السموم
المدرسة الثالثة
الشغل البيولوجى
ودا الشغل الجديد
بيكون مضاد السموم محتوى على احد الخمائر سواء السكارومايزيز
او
المنان اوليجوسكايد
او
المونو سكاريد
اهم مميزات المرركبات دى هو رفع المناعة
تحسين الهضم
والتخلص من اثر السم نفسة على الجسم
ودى طبعا افضل مدرسة لاكنها صعب تشتغل واحدها ودا لاسباب يطول شرحها
ووجود احد مركبات فى اى مضاد سموم بيخلية مركب قوى
طيب بعد ما استعرضنا ال3 انواع اللى ممكن يكونو فى اى مضاد سموم وطرق استعمالهم
هنقول للمربى او المشرف الملاحظات الاتية
** اولا المركب اللى محتوى على المدرستين مع بعض افضل من اللى شغال على مدرسة واحدة واللى شغال على ال3 مدارس افضل من الاتنين
** لو عالجت بمضاد سموم بيحتوى على احد افراد المدرسة التانية بتاعة الامتزاز دى
حاول تضيف بعدة مخلوط فيتمينات علشان تعوض اللى عملة
** عمل برنامج خاص بالسموم الفطرية
بحيث انك تحط جرعة كل 12 الى 15 يوم لمدة 48 ساعة حتى لو مفيس سموم
لانها بترفع كفاءة الكبد والكلى وبتحسن من التحويل
بكدا تعرف تقرا تركيبة اى مضاد سموم وتقيمة وتعرف هتشتغل بية امتى او تبادلة مع اخر امتى
مع انى اميل لشغل الاعشاب لانة شغل جامع لكل المدارس واامن
اسف جدا على الاطالة لان الناس بتمل من البوستات الطويلة
اللهم اجعل عملنا هذا خالص لوجهك الكريم
مع تحياتى وشكرا