كيفية حساب مساحة خلايا التبريد فى العنابر المغلقة

كيفية حساب مساحة خلايا التبريد فى العنابر المغلقة
يعنى كم متر خلايا يقوم بالدور فى العنبر
فى بوست سابق اتعلمنا كيفية حساب عدد المراوح
وبوست تانى حسبنا الحد الادنى من التهوية
باقى بس حساب الخلايا وكدا نكون قفلنا العنبر من كل ناحية
فية معطيات لازم نكون فاهمينها
هنحسب لعنبر طولة 120 متر وعرضة 12 ارتفاعة 4 متر (العنابر المثالية )
** خلايا التبريد المتعارف عليها 3 انواع
سمك 15 سم ودى سرعة الهواء من خلالة 2 متر / ثانية
سمك 10 سرعة الهواء 1,25 م/ث
سمك 5 وسرعة الهواء 0,75 م /ث
** لازم نستبدل هواء العنبر كلة مرة كل دقيقة
** سرعة الهواء المطلوبة لاعلى تهوية اثناء الدورة 2,5 م/ث
المعطيات دى اقصى حاجة للاقصى عمر لاقصى وزن ممكن
علشان نعمل حسابنا بزيادة
نجى للحساب
اولا نحسب ابعاد العنبر
= طولة *عرضة *ارتفاعة
= 120 فى 12 فى 4 = 5760 متر مكعب
ثانيا مساحة مقطع العنبر
=عرض العنبر فى ارتفاعة
= 12 فى 4 =48متر مكعب
ثالثا حساب قدرة المروحة
من المعروف ان قدرة المروحة هى حاصل ضرب مساحة مقطع العنبر فى اقصى سرعة هواء مطلوبة
= 48 * 2,5 = 120 متر مكعب /الثانية
يعنى قدرة المراوح اللى فى العنبر دا بتغير 120 متى مكعب هواء كل ثانية
** اخيرا مساحة خلايا التبريد
هى قدرة المراوح اللى فى العنبر على سرعة الهواء اللى ممكن يمر من خلال الخلايا دى
وزى ما قلنا فية 3 انواع من الخلايا 15 و10 و 5 سم سمك
يعنى لو هنركب خلايا تبريد 15 سم اللى سرعة الهواء فيها 2 م/ث
هنعوز خلايا 120 متر مكعب /ث على 2 م/ ث
= 60 متر مكعب مساحة كلية
ومعروف ان ارتفاع الخلايا متر ونص
= 60 على 1,5
= 40 متر خلايا لكلا الجانبين
لو هتركب خلايا سمك 10 سم
= 120 / 1,25
=96 متر مربع مساحة كلية / 1,5
= 64 متر خلايا
وبنفس الطريقة لو استعملت الخلايا سمك 5 سم
اللهم اجعل عملنا خالص لوجهك الكريم
مع تحياتى وشكرا