فائدة العسل الاسود والليمون للدواجن - وموعد استخدامه مع قطيع التسمين

من طرف **Admin** الثلاثاء أكتوبر 17, 2017 1:29 pm

فائدة العسل الاسود والليمون للدواجن

اهمية العسل الاسود للدواجن هل العسل الاسود يفيد الكتاكيت العسل والليمون في فترة التحضين للصيصان اهم فوائد العسل الاسود والليمون في مجال تسمين الدواجن البيضاء والدواجن الساسو والدواجن البلدي

هل العسل الاسود يزيد من الكوكسيديا

يا اخوانا بلاش ننقل كلام من ناس لم تجرب
ولم تشتغل حقلى
للمرة الاخيرة

مفيش اى علاقة او اى تاثير للعسل الاسود على الكوكسيديا

مفيش
مغيش
مفيش

العسل الاسود فوايدة كتيرة جدا فى مجال الدواجن وخاصة التسمين

#فاتح_شهية من الدرجة الاولى
مصدر جيد للطاقة فى فترة الاستقبال
مصدر جيد للاملاح السهلة الهضم
حتى مصدر من الثيامين اللى الناس بتخاف منها علشان الكوكسيديا اقل بكتير من منتجات اخرى داخلة فى العلف الثيامين فية لا يتعدى 0.85 ملجرام للكيلو
ودا طبعا على حسب نوع العسل الاسود
كمان بيدخل فى كبس العلف المحبب فى بعض المصانع
انجح علاج فى حالة النقرص
ودا تجارب كتير خاصة بى
لة دول كبير فى علاج حالة تدهن الكبد
معالج جيد للظاهرة fatty liver and kidney syndrome فى التسمين
وفوايد اخرى كتيرة جدا
انا هنزل بوست مفصل عن استعمالات العسل الاسود فى الدواجن بالجرعات
وهنزل تجاربى الحقلية معاة وتجارب الاخرين واراء بعض الخبراء اللى بيذورا المملكة وتجاربهم فية
لكن فى الوقت الحالى هنقول العسل الاسود ملوس اى اضرار او مشاكل فى الدواجن
وللامانة الا فى حالة واحدة
استعمالة بشكل كبير جدا بعمل زرق مائى والفرشة بترطب منك
لان بيزود شهية الشرب وبيعطش لان محتواة من البوتاسيوم عالى
وعلشان اطمنك كمان معاك لغاية 100 على الطن من غير ضرر
وعند 170 الى 200 كيلو على الطن يبدا موضوع الزرق المائى دا
وانا لا اعتقد ان حد ممكن يستعملة بالكمية دى
انتظرو بوست مفصل عن العسل الاسود فى الدواجن
بس لما ظروفنا من وقت وخلافة تسمح لانة هيكون طويل شوية
وايضا بعد ابحاث ودراسات عديدة تبين انه الصيصان لا يكون عندها مستقبلات لهضم وامتصاص السكر
في فترة اول ستة ايام من الفقس ولهذا ننصح باستخدام العسل الاسود بعد اليوم السادس
نرجو الدعاء بظهر الغيب
اللهم اجعل عملنا هذا خالص لوجهك الكريم
مع تحياتى
مهندس عاطف عبد الدايم