اسباب انخفاض الاخصاب بعد عمر 40 الى 45 اسبوع

اخى الحبيب مربى الامهات
لو بتعانى من انخفاض الاخصاب بعد عمر 40 الى 45 اسبوع
فاليك بعض النصايح التالية
اولا الاهتمام والفصل بين تغذية الذكور والاناث لان الفرق فى البروتين بين النوعين كفيل جدا بتقليل نسبة الخصوبة
حيث ان الديوك بتحتاج 14 % اما الاناث 16%بروتين
ثانيا
احرص كل الحرض على فحص خطوط الاناث علشان الديك مش يلاقى مكان يعرف ياكل منة
ثالثا
فى الجو الحر بتقل نسبة الخصوبة ففى احدى المزارع لوحظ ان على حرارة38 درجة كانت كمية الحيونات المنوية وصلت الى 48% من كميتها الطبيعية
وفى نفس الدرجة كانت نسبة الاخصاب وصلت 25 الى 30%
فلا تهمل درجة الحرارة سواء فى البرد او الحر
رابعا
نسبة التزاوج تكون من 10 الى 12 % ولا تعتقد اخى المربى ان زيادة النسبة عن كدا ممكن تعمل اخصاب اعلى بالعكس لها اثار ضارة
فلو زادت النسبة هيحصل حاجة اسمها تزاوج زائد ودا لة اضرار من تشاجر بين الديوك
و والتهابات فى جلد الانثى نتيجة كثرة التزاوج وفقدان الريش وامور اخرى ضارة
خامسا
انتبة لبرنامج الاضاءة واوزان الجسم ودى من اهم الامور المؤثرة فى الاخصاب
يعنى لو الديك لسة مش واصل للوزن الجنسى سيبة فى عنبر التربية
من الامور الفنية الهامة هو
عملية الاحلال والاستبدال ودى لها كلام فنى كتير هنخصصلة بوست لوحدة لاكن خلينا نعرف ان بعد 40 الى 45 اسبوع لازم اجدد نسبة من الديوك الكبيرة بديوك اخرى شباب 25 الى 30 اسبوع
وطبعا بستبعد الديوك الغير قادرة على التزاوج زى السمين جدا والنحيف جدا واللى راسة متدلية تحت خطوط العلف والغير شامخ فى وقفتة واللى فية اى خلل فى ساقة والامور الاخرى المعروفة عند مشرفى الامهات
من الامور الفنية التانية ان الديوك يكون اكبر من الاناث ب 2 الى 4 اسابيع فدا بيعمل افضل اخصاب
لما تحب تستبعد كمية من الديوك فيكون تدريجى
حتى فى الاثارة الضوئية لاحظنا ان افضل شغل لما بعمل تحفيز للديوك قبل الاناث باسبوعين
اللهم اجعل عملنا هذا خالص لوجهك الكريم
مع تحياتى وشكرا