لكثرة الجدل حول تشغيل المرواح فى اول ايام التحضين صيف او شتا وخاصة الشتا

لكثرة الجدل حول تشغيل المرواح فى اول ايام التحضين صيف او شتا وخاصة الشتا
طبعا الكلام دا خاص بالعنابر المغلقة
واللى مش فيها مراوح صغيرة بتاعة التهوية الدنيا
هنقول انا افضل تشغيل المروحة من اول ساعات دخول الدفعة
حتى لو مروحة واحدة او على حسب وزن الحرارة
يعنى لو فى الصيف شغلها عادى
اما لو فى الشتا شغل مروحة وحط عليها كيس من اكياس العلف بحيث تتقلل من قوة السحب وبالتالى لا تاثر على حرارة التحضين خاصة فى المناطق الباردة
والسبب علشان جودة التهوية من اول يوم
وزى ما كلنا عارفين ان تهوية يعنى تخلص من هواء فاسد واستبدالة بهواء نقى
طيب السؤال هو فية هواء فاسد من اول يوم
والاجابة طبعا فية
متمثلة فى بعض نواتج الزغب اللى مصدرة الكتكوت نفسة ودا لما بيزيد بيتطاير ويتحمل علية بعض ذرات الاتربة ودا بيكون سبب فى مشكلة تنفسية قريبة
وايضا نواتج التطور والتمثيل فى البيضة وتفاعلات اخراجات الكتكوت اول ساعات (( والمعدة فاضية )) دا بيتفاعل مع هواء الحضانة المغلق اللى مش متهوى بطريقة صحيحة وبالتالى بردة بيصدر منة
امونيا
كبريتيد الهيدروجين
اول اوكسيد الكربون
ثانى اكسيد الكربون
كل دول محتمل جدا وجودهم فى اول ايام التحضين
ومعظمهم اثقل وزنا من الاوكسجين وبالتالى هيطلع هو فوق اعلى والغازات دى هتستقر تحت على مقربة من الكتكوت
هينتج عنها استسقاء وتسممات ونفوق طبيعى مرتفع وسوء تحويل فى الفترة الاولى وبطئ امتصاص كيس المح
وفية موقف كان بيحصل فى مزرعة فى احد المناطق الباردة ان الكتكوت بيحصلة عمى او التهاب فى العيون من تانى يوم من التحضين
والمشكلة دى اتحلت لما فتحنا مراوح من اول ساعة من وصول الكتكوت
طبعا بنزود المرواح ونقللها على حسب الحرارة المطلوبة
خلاصة القول دا التهوية مطلوبة من اول ساعات دخول القطيع الى العنبر حتى لو مفيش ريحة او تعتقد ان الوضع ظاهريا كويس لاكن الجو نفسة يحمل ما لا تراة انت بعينك
اللهم اجعل عملنا هذا خالص لوجهك الكريم
مع تحياتى وشكرا