معلومات هامة عن فترة التحضين

معلومات هامة عن فترة التحضين
البوست دا هنتكلم عن الحرارة فى فترة التحضين لاكن بكلام ادق شوية
والكلام دا يصلح تسمين وامهات وبياض لانى مرتبط بفسيولوجية الجسم نفسة
من المعلوم ان جسم #الكتكوت فى اول ايام التحضين بيكون غير قادر على تحمل اى خلل فى الحرارة سواء بالزيادة او النقصان
لان جزء من خلايا جسمة لسة متكونتش خاصة جدار الامعاء او بطانة الجهاز الهضمى لم يكتمل
طيب فية ظواهر لما بنلاقيها فى الكتكوت بنعرف هل الحرارة مناسبة ولا لا
يعنى لو لقيناة بيلهث فالحرارو عالية لو لاقيناها رقبتة نازلة شوية لتحت او كامش فدا بردان
الكلام دا العادى
لاكن مثلا كتكوت عمر يوم عاوز #حرارة 33 الى 34
طيب لية لو اتعرض لحرارة 36 مش هيلهث
مع ان ال36 مش مناسبة للتحضين
فدا دليل على ان مش لازم الطير يلهث علشان نعرف ان الحرارة مش مناسبة وبردة فى انخفاض الحرارة ممكن الكتكوت مش يكمش لو الحرارة نزلت ل30 ثانى يوم من التحضين خاصة فى النهار
لاكن هل 30 دى مناسبة
طبعا لا
نفهم من الكلام دا ان ممكن انخفاض او ارتفاع الحرارة مش بيلاحظ على الكتكوت
لاكن هياثر على التحويل والمناعة بعد مرور فترة بسيطة من الخلل دا
تعالى لكلام تانى
ان فية حرارة لو اتعرض الطير لاقل منها فتاكد ان هيحصل خلل مناعى
يعنى تعرض الكتكوت لحرارة 30 او اقل دا لوحظ ان الاستجابة #المناعية للتحصينات اقل
كمان لوحظ ان تعرض الطير لحرارة اقل او اعلى بيعمل خلل فى الهضم وتزيد الاسهلات وخاصا البنى طبعا الانخفاض اكثر ضرر من الارتفاع
طيب خد دى عندك علشان تعرف ان الكتكوت مش مكتمل فى التكوين
قيس درجة حرترة جسمة بعد الفقس وقبل ما ياكل او يشرب اى حاجة
هتلاقيها 39 ودا بيستمر كدا الى انتهاء الاسبوع الاول
مع ان حرارة الجسم العادية 41,2 فدا دليل على ان اول اسبوع حساس جدا على حياة اى طير
خطورة انخفاض الحرارة عن اللى الكتكوت عاوزة تعمل مشاكل كتير
بتعمل خلل هضمى وزن متاخر
استهلاك علف عالى علشان يعوض الحرارة ويدفى نفسة من طاقة العلف فجزء من العلف يفقد علشان الجسم يدفئ وجزء تانى رايح للريش علشان يتكون
وكل دا على حساب التحويل فتلاقى اسوء تحويل لما الطير يتعرض لحرارة اقل من الطبيعى فى اول 7 ايام
علشان دا يحصل
لازم حرارة جو العنبر او الحضانة اعلى من حرارة ارضية العنبر بدرجتين
واعلى من حرارة الفرشة ب4 الى 6 درجات
يعنى هتحضن على 34 فعاوزين حرارة الارضية 32 وحرارة الفرشة من 28 الى 30
دا طبعا سهل يحصل لو دفيت العنبر قبل وصول الكتاكيت ب 18 الى 24 ساعة
فية اكثر من تجربة اتعملت على ان الطيور اللى بتتعرض لحرارة اقل من 29 او30 فى اول التحضين بيقل تتر كل التحصينات المتحصنة فى الفترة الاولى من الدورة الى النص او اكثر كمان بالمقارنة بعنبر متحضن على حرارة مناسبة
كل ما قدرت تقرب من الشكل اللى فى الصورة دا من غير لهاث او كمشان فتاكد ان المناعة عندك كويسة والهضم والتحويل هيكون كويسين
اللهم اجعل عملنا هذا خالص لوجهك الكريم
مع تحياتى وشكرا