مرض العرج في تربية الدواجن اسباب وعلاج

دردشة حقلية عن عرض من الاعراض اللتى نادرا ما تخلو منة دورة تسمين
#العرج
دا عرض لكثير من الامراض
لاكن تعالى نتكلم على اكثر ما نلاحظة فى الحقل
نبدا على حسب العمر
فعندك لو لقيت عرج فى كتاكيت لسة جاية او ظهر عليها العرج وحوصلتها فاضية
فدا خلل من الام سواء فى عليقتها الغير متزنة
او من المعمل بتفريخ بيض متخزن لفترة اطول بدون التقيد بشروط التخزين اللى الكل عارفها
طيب لو فية عرج فى فترة الحضانة
يعنى الكتكوت اكل او شرب
فدا هنلاقية فى اكثر من سبب
اولا لو العرج ظهر بعد نزول العلف ب18 الى 24 ساعة
فاكشف عن السموم الفطرية حتى لو مفيش نافق لان على حسب تركيزها فى العلف
طيب لو ظهر العرج بعد ما الطير يستقر كدا فى الحضانة وورجلة ناشفة وهظمة صدرة ظاهرة وتحس انة ضعيف عند مسكة باليد
فى الحالة دى اكشف عن النقرص او الجفاف ودا مشكلة كبيرة وكنا خصصنا ليها بوستين قبل كدا عن النقرص بطرق العلاج وطرق اكتشافة مبكرا
فية بعض العرج ممكن يجى نتيجة سالمونيلا او كولاى بس دا ملاحظ بارتفاع نافق جدا واسهالات ودا تقريبا الكل عارفها وهنا العرج بيختفى بمجرد نزل علاج مناسب
اوقات فية عرج فى بردة بيظهر فى الاسبوع الاول فى الافراد الصغيرة او السردة
ودا بردة بيكون سببة جفاف لللتنافس على المية والعلف واحيايا بنشرح تلاقى تجبنات الكولاى لاكن بتكون حالة فردية
دا تقريبا العرج فى الاسبوع الاول
طيب تعالى فى الاسبوع التانى
هتلاقى بردة السموم
وهتلاقى #الكولستريديا
وممكن تلاقى نقص غذائى (#كالسيوم -# فوسفور -#فيتامين د - احد افراد ب كوبلكس )
لاكن تميز بين انة غذائى او مرضى ازاى
؟؟؟؟؟؟؟؟؟؟؟؟؟؟؟؟؟ظ
انا شخصيا بميزة انى بفحص الحوصلة لو مليانة علف ولما اقرب العلف من الطير المعرج الاقية بياكل فدا دليل على انة نقص غذائى
لو الحوصلة محتواها من العلف قليل او معدوم فدور على السموم او الكولستريديا
وطبعا بتتعرف من التشريح والنافق وشكل القطيع من الرعاية او موعد نزول العلف
عرج الاسبوع الثالث
تقريبا شبية جدا بعرج الاسبوع التانى
عرج الاسبوع الرابع والفترة القبل التسويق
دا بالاضافة بكل اللى فات
فممكن يكون الهيكل العظمى مش مبنى بشكل جيد ومش مستعد لترصيص اللحم علية
ودا بيظهر لما تركيبة العلف غير متزنة وغير محتوية على كل احتياجات الطير
وممكن تكون محتوية بس بشكل يكفى بالقوة وبالتعرض لاى سموم او اسهالات فيقل محتوى الجسم من الاكترولايت او الاملاح فيتاثر الهيكل العظمى
وتاثر الهيكل العظمى فى الفترة دى (نهاية الاسبوع الثالث الى اخر الاسبوع الرابع )
خطر جدا لان دى فترة بناء الجسم وسرعة النمو فعاوزين عظم جامد يشيل
تعالى نشوف بعض المواقف الحقلية اللى عملت عرج وقابلتنا فى المزارع
اولا كنا بنضيف اوكسى خام على العلف بجرعة اعلى (500 جرام على الطن)
فعملت عرج بعد فترة من العلف المحتوى على الاوكسى
والفترة دى كانت 8 ايام
يعنى يا دوب على ما تم التفاعل مع معظم الكالسيوم اللى فى الجسم والمخزون بتاعة قل
وعرفت انة نقص كالسيوم من العلف بسبب اضافة الاوكسى لانى لاحظت ان الحوصلة مليانة علف وحيوية الطير كويسة وبمجرد ما غيرت العلف ونزلت منتج فية فيتامين د مع كالسيوم وقف العرض تمام (( مكنش فية نافق ))
ثانيا
حالة عرج حصلت فى الاسبوع الثالث
بس كانت خفيفة (عنبر 5000 عرج فية 15 الى 20 جبة بشكل يومى )
الغريب فى الحالة دى ان النافق كلة يدل على الكولستريديا
والغريب بردة انى كنت مخلص جرعة اموكسى
بس بعد التفطير لاحظت ان الشركة المصنعة للدوا كانت مجهولة وكنت اول مرة اجربها بشكيت فى تركيز الدوا
وبمجرد ما نزلت ريفاميسين اختفت الاسهالات بتاعة الكولستريديا واختفى معاها العرج
وتفسيرى للحالة ان فية كولستريديا بس الجرعة مش واصلة كاملة فالنافق مش رفع لاكن عرج سموم الكولستريديا باقى
ثالثا
تعليف علف متبقى من الدوة السابقة عن احد العملاء
دا بقى خرب الدنيا
لان تانى يوم كان نافق عالى جدا وكان العرج كتير جدا
وبمجرد ما غيرنا العلف ونزلنا مضاد سموم
نزل النافق تدريجى
ومواقف كتير جدا لا يتسع بوست واحد لسردها
كمان فية اسباب اخرى للعرج وكنت كتبت بوست قبل كدا بيها بس دا اللى حاضرنى الان
فارجو المعذرة لو نسيت سبب
واللى عندة موقف عمل عرج يتفضل يسردة
اللهم اجعل عملنا هذا خالص لوجهك الكريم
مع تحياتى وشكرا