معادلات رياضية تعلمك كيف تدير قطيع دواجن ولو من دولة اخري

نزلنا قبل كدا معادلات لو جمعناها مع بعض تمكنك من ادارة قطيعك حتى وانت بعيد عن مزرعتك
فقلنا ازاى تعرف قطيعك باكل كم شيكارة علف فى اليوم للناس اللى بتاكل علف جاهز
وقلنا ولو بتصنع علفك نزلنا لو معادلة تعرفك استهلاكك
ومعادلة مية التحصين
ومعادلة استهلاك المية صيفا وشتاء
ومعادلة التهوية سواء بالحد الادنى للتهوية او التهوية طوال الدورة
ومعادلة حساب المرواح باكثر من طريقة ومعادلة خلايا التبريد باكثر من طريقة
بقالكم عندى
معادلة واحدة فقط
وهى حساب عدد اللمبات فى العنبر
طبعا بمعرفة انت عاوز لقطيعك كم لوكس يعنى مثلا
فى البياض بيبدا برنامج الاضاءة ب25 او 30 لوكس على حسب السلالة
وبنبدا نخفض اللوكس على حسب برنامج الاضاءة الى ان يصل الى 5 الى 10 لكس
وفى التسمين
ناس بتحب تشتغل على 30 لوكس طوال الدورة
وناس بتقول لا دى ممكن تعمل افتراس فالافضل ننشتغل على 20 لوكس فقط
وانا شخصيا بفضل بالبداية ب30 لوكس الى وصول لاعلى وزن فى الاسبوع الاول وبعدين نكمل الدورة ب20 لوكس والنص الاخير من الدورة 10 الى 15 لوكس
المهم تحديد هتشتغل بكم لوكس فى الدورة سواء بياض او امهات او تسمين
وخلينا نكتب المعادلة اللى هتتماشى مع جميع مجالات الدواجن
...........................................مساحة العنبر بالمتر المربع * اقصى عدد لوكس مطلوب
عدد اللمبات فى العنبر تساوى = ------------------------------------------------------
..........................................قوة اللمبة بالوات * معدل ثابت ك
طيب هنفسر كل معطى لوحدة
مساحدة العنبر معروفة يعنى عنبر عرضة 12 فى طول 60 هيكون مساحتة 720 مترمربع
اقصى عدد ودى وضحناها فوق يعنى لو عندك تسمين واقصى لوكس 30 وبعدين تخفضة علشان الافتراس فاحسب على 30 لوكس
قوة اللمبة التنجستين المعروفة اما 40 او 60 او 100 وات
اما معدل ك دا بيحدد على حسب قوة الوات
يعنى فى اللبمات ال40 وات يكون المعامل 4.6
لو هتشتغل ب60 وات بالمعامل هيكون 5
لو هتشتغل ب100 وات هيكون المعامل 6
طبعا لو هتشتغل باللبمات الفلوروسينت البياض دى وانا طبعا لا افضلها
احسب الواحدة بقوة 3 من اللمبة ال60
نعطى مثال
عنبر طولة 12
عرضة 60
هيشتغل تسمين فاللوكس هبدا ب 30
هنركب فية لمبات 60 وات
هيكون المعامل 5
عدد اللمبات فية = (720 * 30 ) / (60 *5)
يعنى 72 لمبة
بكدا خلصنا طريقة الحساب
تعالى نقول بعض المفاهيم الاخرى
ودى موجودة فى بوستات المهندس عاطف عبد الدايم
لو عاوز تحسب بالشمعة /قدم اقسم اللوكس على 10 تقريبا
وخد بعض المفاهيم عن الاضاءة حتى تكتمل الفكرة
قوانيين عامة خاصة بالاضاءة
* هل تعلم ان شدة الاضاءة لها تاثير على الوزن والتحويل
فعندك مثلا شدة اضاءة 10.8 لوكس تعمل وزن او تحويل افضل عن شدة اضاءة 20 لوكس
ودا راجع لتاثير الاضاءة على الغدة النخامية اللى فى المخ ولها دور فى عمليات كتير فى الجسم ووعند الشدة دى بتقل فقدان الطاقة من الجسم يعنى كل طاقة العلف راحية على تكوين اللحم
كمان بيقل الافتراس
*هل تعلم ان الوحدة المنبعثة من اى لمبة اسمها ليومنز يعنى علشان اقيس شدة الاضاءة للمبة معينة اشوف بتعطى كم ليومنز
* هل تعلم ان تنظيف اللمبات من الاتربة لها دور فى شدة الاضاءة يعنى بتستفيد من كل شدة الاضاءة اللى جاية من اللمبة
* هل تعلم ان توزيع الاضاءة بصورة هندسية علمية لة دور فى تحسين التحويل وجودة الرعاية
فعندك مثلا بعض الامور الفنية لتوزيع اللمبات
1) يجب تثبيت اللمبات فى صفوف واعمدة ويكون الفرق بين اللمبة والاخرى متساوية فى كل الصف
2 ) المسافة بين صف اللمبات اللى جانب الجدار والجدار نفسة لا يزيد عن المسافة بين اللمية وراس الطير اما تساويها او تقل عنها قليلا ومن الخبرات الحقلية انها تقل افضل علشان امتصاص الجدار لجزء من الاضاءة دى
3) المسافة بين الصفوف بتاعة اللمبات او بين اللمبات وبعضها يقدر ب 1.5 مرة بين اللمبة وبين الطير ومن الخبرات الحقلية انها لو وصلت المسافة دى الى 2 مرة بيكون تحويل اقل
* هل تعلم ان 2 ليومنز تعمل انبعاث اضاءة يكفى مساحة 0.09 متر مربع علشان نوصل لشدة اضاءة 10.8 لوكس
وخلى بالك من المعلومة الاخيرة دى لاننا هنحتاجها واحنا بنتعلم ازاى نصمم شدة الاضاءة اللى تعمل افضل تحويل
اسف جدا على الاطالة لكن حاولت اختصر بقدر المستطاع والاختصار اكثر من كدا هيفقدنا معلومات
اللهم اجعل عملنا هذا خالص لوجهك الكريم
مع تحياتى وشكرا