خبراء دواجن:الاتربة والرياح وتاثيراتها الضارة علي قطيع الدواجن

البوست دا مناسب لما تمر بية البلاد من موجة ترابية عنيفة والبلادان المجاورة
معلومة يتعجب لها كتير من المربين قلناها من قبل وهنكررها تانى لاهميتها
جابو ذرات من الغبار او التربة المتطايرة فى الجو واللى بيتدخل فى العنبر مع اى عاصفة ترابية او هواء محمل باتربة
فوجود حاجات عجيبة جدا ان كل ذرة تراب عليها اكثر من حمل
وكان لل اى كولاى اعلى نصيب من الاتربة دى
يلية البروتس والسودوموناس والاستربتكوكاس
المهم ان بكتريا كتير حول كل جزء من الاتربة دى
دا البند الاول
البند التانى
ان التربة دى نوعين
نوع ناعم
ونوع خشن
تخيل ان النوع الناعم دا تاثيرة على على بطانة الجهاز التنفسى للطير مقارب لتاثير الامونيا علية
بالاضافة لتاثير الرش الناعم لاى تحصينة
وكلنا عارفين رد فعل اى رش ناعم على اى طير
يعنى خلاصة القول
ان سماحك لاى اتربة او غبار يجى من خارج العنبر ويستقر فى جو العنبر لاكثر من 20 ثانية دا معناة استقابلك لاقرب مشكلة مرضية
خاصة التنفسية منها
واسؤ ما فى الموضوع ان الاتربة دى بتحمل اى اوبئة منتشرة فى المنطقة
ودى حصلت اكثر من مرة معانا
ان اى عاصفة ترابية اما تيجى بانفلونزا او ب اى بى ولو المنطقة نظيفة عندك ودا طبعا نادر اليومين دول
هتجيبلك كولاى وتثير الميكوبلازما
كل السرد اللى فات دا مش عاوز اقولة بالارقام لانة يزعج
لاكن خلاصتة ان الاتربة قنبلة موقوتة
هيحصل اية
احنا قولنا انتظر رد الفعل بعد 24 ساعة انت وحظك
يعنى بعد التمكن من دخول اى جزء من الرياح المحملة بالتراب سواء من خلايا التبريد او من الشبابيك
طيب لية
لان علميا هم حللو ذرات الريح ولقى ان كل حبة تراب محملة بالاف المستعمرات البكتيرية
دى رقم واحد
رقم اتنين
ان اصلا واحنا بنحصن بالرش بنوصى بالرش الخشن لية علشان ذرات التحصين متعملش اختراق للخلايا المبطنة للجهاز التنفسى
فتعمل رد فعل
طيب ما بالك بالاتربة دى كم هى محملة بذرات ناعمة من التراب
ودى لما تخترق الجهاز التنفسى ممكن تعمل اية
كمان لما يكون التراب دا حامل لاى مرض من منطقة اخرى لان الريح حامل جيد جدا للامراض
طيب تخيل بكتيريا بكميات هائلة
ورش ناعم بالتربة
وكمان حسب المرض المنقول
كمان تدمير للاهداب اللى بتحمى الجهاز التنفسى ضد الامراض
تخيل كل دا يجمتع على قطيع ممكن ينتج عنة اية
معلش دى مش تعقيد بس دا واقع وتجارب حقلية
من تجارب
اخوكم مهندس عاطف عبد الدايم
وبما اننا جبنا سيرة الغبار واللى بيعملة
طيب اية رائكم ان حتى لو مفيش موجة متربة او تيار محمل بالغبار
ممكن بردة يحصل مشاكل التراب دى
ازاى
؟؟؟
من المعروف ان كل الناس بتخاف تفتح وقت التحضين علشان الحرارة متنزلش
طيب
نتيجة القفلة دى
ونتيجة وجود علف حتى لو محبب بس فية جزيئات ناعمة ومنها متطاير
وبردة الفرشة مهما كان نوعها بردة فية جزء منها متطاير
مع التكتيم
بتلاقى اثر اتربة متجمعة على المعدات من سقايات اتوماتيك او علافات او ستارة او اى حاجة
فلسبب او لاخر
بتتهز المعدات دى فبيحصل انها بيتنفض اللى عليها من اتربة
وكل دا على الطيور
واستلم عندك بقى
نتيجة الكلام دا
زى بالظبط لما تسيب شقتك مقفولة فترة وتيجى تفتحها شوف بتلاقى اية
اتمنى تكون الفكرة وصلت وتاخد فى الاعتبار
وكل دى اساسيات رعاية
م
طيب للجماعة المهتمين بدقائق الامور
اللى بيهتمو بالارقام اكثر
وهو
التهوية تعنى التخلص من الغازات الضارة وستبدالها باكسجين
طيب هنكتب هنا الحدود المسموح بيها من الغازات الضارة
الامونيا اقل من 25 جزء فى المليون
اول اكسيد الكربون 50 جزء فى المليون
ثانى اوكسيد الكربون 5000 جزء فى المليون
كبريتيد الهيدروجين 10 جزء فى المليون (( اللى بيجى من تحلل النافق او اى حاجة حية جوة الفرشة ))
الغبار المسموح بية 10 مجم لكل متر مكعب هواء
اعلى من كدا بيكون سؤء فى التهوية
اعتذر جدا للاطالة
اللهم اجعل عملنا هذا خالص لوجهك الكريم
مع تحياتى وشكرا

خبراء دواجن:الاتربة والرياح وتاثيراتها الضارة علي قطيع الدواجن