الدواجن علاج - معلومات - نصائحككل ما كتب في الاعشاب في بوست واحد

الدواجن علاج - معلومات - نصائح
لﻻمانه العلميه
واعتذر عن السهو فى عدم ذكر المصادر
د.سيد صبحى
مهندس عاطف عبد الدايم
مركز ابحاث صحة الحيوان
المركز القومى للبحوث
د. سيد جﻻل
الاعشاب فى تربية الدواجن
جميع وصفات الاعشاب
الكركديه بمعدل 1-3 جرام علي اللتر له نتائج ممتازة علي أداء دجاج اللاحم .
- الفائدة العلمية للكركديه :-
1- مطهر معوي قوي حيث أنه لديه القدرة علي القضاء علي البكتيريا الضارة خاصة إي كولاي والإستاف والإستربت والكوليرا .
2- يعمل علي تنشيط الدورة الدموية مما يزيد من تدفق الدم للأنسجة وبالتالي الحصول علي صحة جيدة للطيور .
3- الحفاظ علي درجة حرارة الجسم ولذلك يفضل استخدامه في أوقات الحار لما يحتويه من كميات عالية من فيتامين سي .
4- يعمل كطارد للسموم (مضاد سموم كيميائي) لما يحتويه من أحماض عضوية مثل الستريك أسيد والماليك اسيد .
5- يفيد أيضا في حالات التهاب التنفسي العلوي ، ويستخدم في أيام البرد لتجنب التهابات الجهاز التنفسي .
الفلفل الأسمر والقرنفل وأوراق الريحان كالآتي :-
10جم من مسحوق القرنفل
10جرام من مسحوق الفلفل الأسمر
10 جرام مسحوق أوراق الريحان
ويتم وضعهم في ماء سبق غليه في كمية ماء 4 لتر ثم يضاف 1سم / لتر ماء.
- الفوائد العلمية للقرنفل :-
1- يحتوى القرنفل على نسبة عالية من المعادن مثل الحديد والماغنسيوم والفسفور والصوديوم والكالسيوم والبوتاسيوم، والفيتامينات A ,C , K ويحتوي علي نسبة عالية من المنجنيز .
2- - القرنفل مفيد في حالات نزلات البرد وإلتهاب الشعب الهوائية ، وإلتهاب الجيوب الأنفيه ، وعلاج جميع الأعراض التنفسية .
3- القرنفل له تأثيرات قوية علي البكتيريا الضارة بالأمعاء مما يزيد من توازن ميكروفلورا الأمعاء ، بالإضافة لذلك أنه يمنع جميع اضطرابات الجهاز العضمي .
4- من أقوي منشطات المناعة للجسم ضد الميكروبات بجميع أنواعها من فيروسات وبكتيريا وفطريات وطفيليات .
زيت القرنفل للعلف بنسبة 0.8%. الإضافات تقدم يوميا لمدة 9 ساعات ، ومستخلص القرنفل تم تحضيره بإضافة 200جم/لتر ماء للنقع مدة 24 ساعة ثم يتم تصفيته تماما ثم يتم وذضعه في ماء سبق غليه عند درجة 40-50 درجة لمدة 20- 30 دقيقة ثم يترك ليبرد ثم يصف تماما ثم يضاف للماء بمعدل 4جم/ لتر لمدة 9ساعات .
الليمون وقصب السكر
_ يتم عصر كيلو ليمون بقشرة مع 5 أكواب عصير قصب ويوضع مع 500 لتر ماء وتكون سقوة فى الصباح او المساء (من عندة خلايا تبريد تكون فى اى وقت)
**الفوائد الساحرة لليمون
- يقوى الجهاز المناعى للدجاج (يرفع المناعة)
_مطهر معوى ومضاد بكتيرى و فيروسى
_ وقاية من الانفلونزا
_ مضاد سموم
** فوائد القصب
_ مدر بولى وغسيل كلوى
_ يحتوى على فيتامينات واملاح معدنية
_ منشط كبدى
_ مضاد للاجهاد
اليوكا
العشبة دى بتمسح الامونيا مسح
بنضيفها 1 كيلو على الطن دا لو هتجيبها بتلات او زهوز زى اللى فى الصورة كدا
فيها شوية مواد فعالة خطيرة جدا
واشهرهم مركبات الصابونين الطبيعية
الصابونين الموجود فى اليوكا بيمنع او بيتحد مع كولسترول جدار خلية اى بروتوزوا يعنى زى الكوكسيديا كدا
يعنى اضافة كيلو على الطن من مستخلص اليوكا دا بيمنع نمو الكوكسيديا تماما
وخذ اهم فايدة للعشبة او المستخلص دا
لما الطيور بتاكل منة من عمر يوم فبعد 6 ايام بتفحص تلاقى ان الخملات villi كبرت فى الطول عن الطبيعى
ودا اللى بيخلى اليوكا تحسن الهضم وترفع النمو ومعدل التحويل اخر الدورة
يعنى امونيا ممنوع
كوكسيديا مش هتنمو فى وجودها
خملات اطول حجما من الطبيعى فوزن اعلى
طبعا كل فايدة من دول محتاجة بوست لوحدة
بس خلاصة القول ان العشبة دى تعتبر كنز بالنسبة لمربى الدواجن
والناس فى اوربا لما عرفو فوايدها حتى للانسان عملو منها كبسولات
إستخدام الكمون والكسبرة
ان المحلول الكحولى من الكسبرة والكمون بيكون اقوى على الكولاى والاستاف من الجنتاميسين والسلفا والنادليكسيد اسيد والامبسلين
دا بحث عملتة شركة اوربية شغالة فى استخلاص المواد الفعالة النباتية وتاثيرها على الحيوان
يعنى زرعو الميكروب فى الطبق
واستنبتوة على البيئة بتاعتة وحطة المستخلصات دى وقارنو بين الزوووون بتاع الدوا وبين الزوون بتاع الاعشاب لاقو ان الاعشاب اوسع من الادوية
بس خلى بالك ان دا محلول
يعنى عصارة او خلاصة العشب
لاكن احنا علشان ناخد نفس الفايدة وافضل منها كمان بنحط العشب كلة
يعنى نضيف 2 كيلو كمون مع 3 كيلو كسبرة على طن علف طوال الدورة
وبامر الله مش هتشوف الكولاى
الخميرة
أولا تستخدم كمنشط نمو
ودى بجرعات 2 ك على الطن طوال الدورة
ثانيا مصدر غذائى غنى بمجموعة فيتامين ب واحماض امنينة اهمها الايسين
علشان كدا بتزيد الوزن وبتساعد على ترييش جيد سواء فى الامهات او التسمين او البياض دا لو استعملت ب جرعة 5 ك على الطن
ثالثا للخميرة دور وقائى
لانها تحفز نمو بكتيريا اللاكتيك اسيد
فبتعمل وسط حمضى فى الامعاء والوسط دا بيمنع نمو البكتيريا المعوية زى الكولاى والسالمونيللا
كمان وجود البكتيريا النافعة دى بيشغل مستقبلات الجهاز الهضمى وبالتالى بيمنع البكتيريا الضارة ودى بجرعة 3 ك على الطن
رابعا للخميرة فايدة هامة فى بناء جداء الجهاز الهضمى خاصة بعد الاسهالات او السموم
ودى بجرعة 6 ك على الطن
خامسا للخميرة فوايد مناعية
لان 75% من الخلايا المناعية بتاعة الطير موجودة فى جسم الامعاء
ووجود الخميرة بيحافظ على الخلايا المناعية دى
سادسا اهم مادتين رافعين للمناعة ومضادين للسموم
هما المانان اوليجوسكاريد
و
والجلوكو منان
مصدرها الاساسى جدار خلية الخميرة وفى الحالة دى بتضاف على العلف بجرعة 8 ك على الطن
سابعا مصدر تقوية لاى مضاد سموم ودا باضافتة بجرعة 10 ك على الطن
ثامنا اضافتة بجرعة 20 ك على الطن منع الاصابة بالافلاتوكسين
يا جماعة ملحوظة هامة
هامة
هامة
كل الفوايد دى ممكن تحصل عليها لو اضيفت على العلف
لانى عارف ان معظم الكلام هيكون (( طيب انا بشترى علف جاهز))
لو عاوز تشتغل مية
لازم يكون عندك جرعة يومية حتى لو ساعتين تكون زى تحصينة كدا
يعنى عطش 1.5 ساعة واعطى الجرعة بتاعة الخميرة
إستخدام الزنجبيل
- الدراسة :- تم استخدام 180 سلالة روص 308 عمر 21 يوم وحتي 42 يوم ، وتم تقسيم هذه المجموعات إلي ثلاث مجموعات :-
1- المجموعة الأولي :- لم يتم إضافة الزنجبيل إليها (مجموعة التحكم).
2- المجموعة الثانية :- وتمت إضافة الزنجبيل بنسبة 0.1% للعلف .
3- المجموعة الثالثة : - وتمت إضافة الزنجبيل بنسبة 0.2% للعلف .
النتيجة :-
- تفوقت المجموعة الثالثة والثانية علي المجموعة الأولي كالآتي :-
1- الوزن النهائي للمجموعة الثالثة (2075جرام) والثانية (2020جرام) مقارنة بالمجموعة الأولي (1875جرام)
2-معامل التحويل الغذائي للمجموعة الثالثة (1.90) والثانية (1.98) والثالثة (2.25) .(معامل التحويل = كمية العلف / كمية اللحم) .
3- إستهلاك العلف في المجموعة الثالثة (2791جرام) والثانية (2852) والثالثة (2909) ومعني ذلك أن المجموعة الثالثة والثانية أقل استهلاك للعلف في هذه الفترة 21-42 يوم وأعلي وزن نهائي (أكلت أقل ووزن أعلي) .
- فائدة :- زيادة نسبة الزنجبيل عن النسبة المذكورة تأتي بتائج عكسية خاصة لو زادت عن 1% وهناك بعض الدراسات أثبتت هذا الكلام .
حبة البركة
- الدراسة :- شملت هذه الدراسة 160 كتكوت من سلالة روص من عمر يوم حتي عمر 35 يوم ، وتم تقسيم هذه المجموعة(160كتكوت) إلي 5 مجموعات أخري مع إضافة حبة البركة بكميات مختلفة كالآتي :-
1- المجموعة الأولي :- ونسبة إضافة حبة البركة 0%
2- المجموعة الثانية :- ونسبة إضافة حبة البركة 0.7%
3- المجموعة الثالثة :- ونسبة إضافة حبة البركة 1.4%
4-المجموعة الرابعة :- ونسبة إضافة حبة البركة 2.1%
5- المجموعة الخامسة :- ونسبة إضافة حبة البركة2.8%
النتيجة :-
- أظهرت النتائج تفوق المجموعة الثالثة (1.4%) في أفضل معامل تحويل (1. ثم المجموعة الرابعة(1.81) مقارنة بمجموعة التحكم (1.97) .
- أظهرت النتائج أيضا في هذه الدراسة أن إضافة 1% من حبة البركة أدي تحفيز الجهاز المناعي نتيجة زيادة إنتاج الأجسام المناعية خاصة الجامبرو
النعناع
- الهدف من الدراسة :- هو معرفة مدي تأثير إضافة النعناع المجفف للعلف علي أداء فروج اللاحم من حيث الوزن النهائي والعلف المستهلك ومعامل التحويل ونسبة النفوق النهائية .
- الدراسة :- تم إستخدام عدد 200 كتاكيت من سلالة هبرد من عمر يوم حتي عمر 42 يوم وتمت الدراسة تحت ظروف تربية مثالية ، وتم تقسيم 200 كتكوت إلي 5 مجموعات :-
1- المجموعة الأولي(40) :- هي مجموعة السيطرة .
1- المجموعة الثانية(40) :- تمت إضافة النعناع 0.25 %
1- المجموعة الثالثة(40) :- تمت إضافة النعناع 0.50%
1- المجموعة الرابعة(40) :- تمت إضافة النعناع 1%
1- المجموعة الخامسة(40):-تمت إضافة النعناع 1.5%
النتيجة :-
- تفوق المجموعة الثالثة (0.05%) علي المجموعات الأخري كالآتي :-
1- نسبة النافق النهائية :- 2.3% مقارنة بمجموعة السيطرة (8.9%) .
2- متوسط الوزن النهائي :- (2961) مقارنة بمجموعة السيطرة (2485) .
3- كمية العلف المستهلكة :-(5132)مقارنة بمجموعة السيطرة (5653).
4- معامل التحويل النهائي :- (1.76)مقارنة بمجموعة السيطرة (2.3) .
- الفائدة :- إضافة النعناع المجفف للعلف بنسبة 0.5% له فوائد عظيمة ومردود قوي علي نسبة النافق والوزن النهائي ومعامل التحويل .
- ما السبب في هذه الفوائد الإيجابية ؟؟؟
1- النعناع يعمل كفاتح شهية للطيور مما يحثها علي الإستهلاك للعلف .
2- النعناع يعمل علي تنشيط إفراز إنزيمات الهضم للمواد الغذائية وبالتالي تزياد من فرص الإستفادة القصوي للمواد الغذائية .
3- النعناع يساعد علي عملية الإمتصاص الجيد للمواد الغذائية .
4- النعناع يعمل علي توازن ميكروفلورا الأمعاء (منشط مناعي قوي) .
5- يقلل من نشاط الميكروبات الضارة مثل الإيكولاي والكولستيريديا .
6- يزيد من نشاط وتكاثر البكتيريا النافعة مثل بكتيريا اللاكتوباسليس.
فائدة :- دراسة تمت سنة 2000 و2004 أثبتت أن النعناع ومستخلصه يعمل كمضاد فيروسي وكمضاد بكتيري ومضاد للإسهال ومنشط مناعي قوي .
الكراوية
الهدف من الدراسة :- هو معرفة مدي تأثير إضافة بودرة الكراوية الجافة علي أداء دجاج اللحم من أوزان نهائية ومعدل إستهلاك كلي ومعامل تحويل غذائي .
- الدراسة :- تم استخدام 240 كتكوت عمر يوم وحتي 42 يوم سلالة روص 380 وتمت التربية تحت ظروف بيئية مثالية ، ثم تم تقسيم 240 كتكوت إلي 4 مجموعات كالآتي :-
1- المجموعة الأولي(60):- وهي مجموعة السيطرة والتحكم .
2- المجموعة الثانية(60):- تمت إضافة الكراوية للعلف بنسبة 1% .
3- المجموعة الثالثة(60):-تمت إضافة الكراوية للعلف بنسبة 1.5% .
4- المجموعة الرابعة(60):-تمت إضافة الكراوية للعلف بنسبة 2% .
- تمت التغذية علي العلف من عمر يوم وحتي 42 يوم (الدورة كاملة) .
النتيجة :-
- تفوقت المجموعة الثانية(1%) علي المجموعات الأخري كالآتي :-
1- متوسط الوزن (2870جرام) مقارنة بمجموعة التحكم (2640جرام) .
2- معدل الإستهلاك (4930جرام) مقارنة بمجموعة التحكم(4950جرام) .
3- معامل التحويل الغذائي(1.71) مقارنة بمجموعة التحكم (1.87) .
- تأتي المجموعة الثالثة(1.5%)في المرتبة الثانية بمتوسط وزن نهائي
(2850جرام) ، ومعدل استهلاك (4910 جرام) ومعامل تحويل (1.72) .
الفائدة :- إضافة الكراوية الجافة علي العلف بنسبة 1-1.5% لها مردود إيجابي علي فروج اللاحم من حيث الوزن ومعامل التحويل الغذائي .
- الفائدة العلمية للكراوية :-
1- أنها تعمل علي تنشيط النمو عن طريق تحفيز زيادة الهضم والإمتصاص .
2- أنها تعمل كمضاد للميكروبات الضارة التي تنمو في الأمعاء .
3- أنها لها أثر جيد لمقاومة التسمم للجهاز الهضمي .
القرفة
- الهدف من الدراسة :- هو معرفة مدي تأثير إضافة القرفة علي أداء دجاج اللاحم من حيث الوزن ومعدل استهلاك العلف ومعامل التحول الغذائي .
- الدراسة :- تم استخدام عدد 96 فروج لاحم عمر يوم سلالة كوب 500 ، وتمت التربية تحت ظروف مثالية حتي عمر 42 يوم ، وقد تم تقسيم العدد إلي 4 معاملات كالآتي :-
1- المعاملة الأولي(24) :- وهي مجموعة السيطرة دون أي إضافات .
2- المعاملة الثانية(24) :- وتم إضافة القرفة للعلف بنسبة 0.25% .
3- المعاملة الثالثة(24) :- وتم إضافة القرفة للعلف بنسبة 0.50%
4- المعاملة الرابعة(24) :- وتم إضافة القرفة للعلف بنسبة 1% .
النتيجة :-
- تفوقت المعاملة الثالثة 0.5% (5كجم/طن) علي ثائر المعاملات الأخري :-
1- الوزن النهائي (2467جرام) ثم المعاملة الثانية(2266جرام) ثم المعاملة الأولي(2207جرام) ثم المعاملة الرابعة(2184جرام) .
2- معدل إستهلاك العلف (4168جرام) ثم المعاملة الثانية (4064جرام) ثم المعاملة الأولي (3874جرام) ثم المعاملة الرابعة(3871جرام) .
3- معامل التحويل(1.69) ثم المعاملة الأولي(1.76) ثم المعاملة الرابعة (1.78) ثم المعاملة الثانية(1.80) .
- الفائدة :- إضافة القرفة العادية علي العلف بنسبة 0.5% (5كجم/طن) له نتائج إيجابية علي معدل الوزن واستهلاك العلف ومعامل التحويل الغذائي .
- الفائدة العلمية للقرفة :-
1- تعمل القرفة علي زيادة إفراز إنزيمات الجهاز الهضمي مما يساعد علي الإستفادة القصوي من الغذاء .
- القرفة تعد مصدرا جيدا للمنجنيز والحديد والكالسيوم .
2- تعمل القرفة علي مساعدة تدفق الدم لجميع الأجهزة (تنشيط الدورة الدموية) مما يزيد من الحالة الصحية للقطيع .
3- تعمل كمضاد بكتيري للبكتيريا الضارة في الأمعاء وبالتالي تزيد من نشاط البكتيريا النافعة مما يحدث توازن ميكروفلورا الأمعاء .
4- تعمل كمضاد للأكسدة مما يمنع تأكسد خلايا الجسم وبالتالي تعوق الإصابة بكثير من الأمراض .
5- تعمل القرفة علي تقوية الجهاز المناعي للطيور ، ولذلك تعمل كمضاد فيروسي يعوق تكاثر الفيروسات في جسم الطائر .
6- تفيد جدا في وقاية و علاج التهابات الجهاز التنفسي الناتجة عن الميكروبات التنفسية .
الفلفل الحار والبردقوش
دراسة تأثير الفلفل الحار و البردقوش كإضافات غذائية علي الأداء الإنتاجي و المحتوي الميكروبي للقناة الهضمية لبداري التسمين
د. زينب محمود أحمد عبده :رئيس بحوث :قسم بحوث تغذية الدواجن
أجريت هذه الدراسة علي كتاكيت الهبرد عمر أسبوع بهدف مقارنة تأثير الفلفل الحار ببعض النباتات الطبية الاخري (البردقوش) و معرفة ما إذا كان هناك تأثير تكاملي لخليط منهما علي الأداء الإنتاجي و كذلك محتوي و حساسية ميكروبات كل من القناة الهضمية لبداري التسمين و العلائق التجريبية. في هذه الدراسة تم تغذية الكتاكيت علي العلائق التالية:
1- العليقة الأساسية (بدون إضافات).
2- العليقة الأساسية مضافا إليها الفلفل الحار بنسبة 1.5% من العليقة.
3- العليقة الأساسية مضافا إليها الفلفل الحار بنسبة 3% من العليقة.
4- العليقة الأساسية مضافا إليها البردقوش بنسبة 1.5% من العليقة.
5- العليقة الأساسية مضافا إليها البردقوش بنسبة 3% من العليقة.
6- العليقة الأساسية مضافا إليها خليط من الفلفل الحار + البردقوش بنسبة (1.5%+1.5%).
أدت جميع الإضافات إلي تحسن الزيادة في وزن الجسم و ذلك في نهاية المرحلة الأولي (عند عمر 3 أسابيع) و كذلك معامل التحويل الغذائي في نهاية فترة التجربة (عند عمر 6 أسابيع) و ذلك مقارنة بمجموعة الكنترول. إضافة البردقوش بمستوي 1.5% أعطي أفضل زيادة في وزن الجسم. كما أدت هذه المعاملة إلي تحسين معامل التحويل الغذائي يليها الخليط. كما أدت كل من المعاملة الرابعة و السادسة إلي خفض نسبة النفوق و زيادة النسبة المئوية لوزن كل من غدة البرسا و الغدة الثيموسية مما قد يعكس تحسن مناعة هذه الطيور. و بصفة عامة لم تتأثر معاملات الهضم معنويا بأي من الإضافات إلا أن إضافة الفلفل الحار بمستوي 3% أو الخليط أدي إلي خفض معظم مقاييس الهضم بالمقارنة بمجموعة الكنترول. و قد أوضحت اختبارات تذوق اللحم المطبوخ أن أفضل لون كان للمجاميع المغذاة علي الفلفل الحار بنسبة 1.5% , بينما كان أفضل مذاق و رائحة و طراوة و قبول عام للمجاميع التي غذيت علي علائق مضاف إليها كل من البردقوش بنسبة 3% و الخليط. لم يكن هناك تأثيرات عكسية لأي من الإضافات علي وظائف كل من الكبد و الكليتين إلا أن إضافة الفلفل الحار بنسبة 1.5% أو الخليط أدي إلي زيادة غير معنوية في كل من بروتين و ألبيومين الدم. و قد أثبت الفحص الميكروبي للعلائق المستخدمة في هذه الدراسة إمكانية استخدام كل من الفلفل الحار و البردقوش لتقليل الأعداد الميكروبية الكلية و أعداد بكتيريا القولون و الخمائر و بالتالي إطالة فترة حفظ العلائق.
و بالرغم من أن المعاملة الرابعة (بردقوش بمستوي 1.5%) أعطت أفضل أداء إنتاجي و أعلي عائد مادي و أدت إلي زيادة مناعة الطيور إلا أنه يمكن التوصية كذلك باستخدام الفلفل الحار بنسبة 1.5% أو خليط من كل من الفلفل الحار + البردقوش (1.5%+1.5%) و التي أعطت أفضل وزن جسم و زيادة في وزن الجسم و كذلك معامل التحويل الغذائي خلال الثلاثة أسابيع الأولي كما أدت إلي الحصول علي أفضل قبول عام للحم الطيور مقارنة بمجموعة الكنترول. كما أدت هذه المعاملات الثلاثة إلى خفض أعداد الكائنات الدقيقة الضارة مقارنة بمجموعة الكنترول.
الخل وسكر قصب
هل لتحميض المية دور او فايدة فى مجال تسمين الدواجن
سؤال بيتكرر كتير
وتقريبا دا احد طرق الشغل الحديث
اللى هو الشغل بالاحماض العضوية
فعلا ليها دور كبير فى الدواجن
وعلشان نشتغل على حاجات موجودة ومتاحة لكل الناس
هنذكر ابسط مثال وهو الخل
الخل المنزلى
احد الاحماض العضوية اللى لة فوايد كتير فى الدواجن هتتعجب لو احصيتلك فوايدة
لاكن خلينا نقول تجربة اتعملت زمان لما كنا شغالين فى مصر وقبل تطور السلالات لما كنا بنربى الدورة 45 يوم
كان منتشر وقتها خل 10% الطبى لان بتاع الاكل تقريبا 2%على ما اتذكر
وكنا فى الفترة دى الادوية مضروبة فى مصر وكنا بندور على بدائل نشتغل بيها فوقع التجربة على الخل
واعطيناة لمزرعتين مزرعة فيها كوب والتانية روس
وكان من عوايدنا لما نجرب حاجة جديدية علينا نقسم العنبر نصين نص الشغل التقليدى ونص التجربة
فاستقبلنا على الخل دا بجرعة 10 مل على اللتر واشتغلت بية طول الدورة
بس باستثناء اوقات التحصينات وجرعات الكوكسيديا والفيتمينات
يعنى قول شيل ثلث ايام الدورة على اعلى تقدير
وكانت النتيجة ان الجزء اللى اخد خل وزنة اعلى تقريبا 100 جرام فى المتوسط العام فى المزرعتين
والنافق اقل شوية
فكان فى الشغل التقليدى فى دورتين ورا بعض تقريبا من 7 الى 8% مع الخل كان من 5 الى 6% الدورة دى مش عالجت سموم ولا كولستريديا
لاكن الدورة اللى بعدها عملت اضافة من عندى
وهو اخر 10 ايام الى يوم البياعة
كنت بحط 12 ساعة خل منزلى بمعدل 12 مل على اللتر
وسكر قصب بمعدل 15 جرام على اللتر
والدورة دى الوزن الزايد تعدى ال180 جرام عن الشغل التقليدى
دى التجربة الحقلية
تعالى نرضى الناس اللى بتحب تتكلم بشكل علمى ونفسر النتايج دى
وهنقول
تحميض المية او العلف بيقلل من الميكروبات المعوية خاصة الكولاى والسالمونييلا ودا بيقلل النافق
وبتعمل على زيادةالبروبيوتيك فى الامعاء خاصة اللاكتوباسيلس وزيادة البكتريا النافعة دى بالذات اللى عملت فرق الوزن كمان كثر الشغل بالحمض دا وكثر تعرض الامعاء لة لما تفتح النافق تحسن ان جدار الامعاء والخملات ازدات سماكة وقوة وفعلا اللكتوباسيلس بيزود مساحة الخملات والتجويف بين الخملة والاخرى او ما يسمى ال كريست يعنى مساحة سطح هضمى اكبر يعنى تحويل اعلى
لما اضاف السكر للتجربة ضاعف الفايدة
حقليا زى ما قلنا فوق
علميا
هو ان السكر بيزيد نشاط البكيريا اللهوائية فى الامعاء زى البيفيدوباكتريم والباسيلس ودول لما بينشطو بيفزو انزيمات واحماض هاضمة بتحسن من اداء الامعاء وتظبط بطانتها
الناس اللى هتسئل عن الجرعة فاحنا جربنا الخل البيتى بجرعة 10 سم
ومرة 15 سم
وجربنا الخل الطبى بجرعة 10 سم
وجربنا الخل الخام بمعدل 2 سم
كلهم اعطو نتايج كويسة
اما عن الاوقات
فاحنا حطيناة معظم الدورة باستثناء لو لو فية جرعات اخرى فى المية يعنى امعاء الطير كانت معرضة لة بصفة شبة مستمرة
واحلى ما فى نتايج الدورات دى هو
ان الاهالى اللى اشترت مننا الفراخ وقفو طوابير تانى يوم بسبب الطعم المميز للطير
كان فعلا طعمها مختلف عن كل مرة
ودا يعتبر اول بوستات تحسين طعم الطيور
النعناع والمرمرية والكافوروالخزامى والزعتر
معلقة اكل من النعناع
+
معلقة من المرمية
+
معلقة من اليوكاليبتوس(الكافور)
+
معلقة خزامى
+
معلقة زعتر
هنجيب لتر ماء ساخن بعد الغليان وننقع الكميات دى فية بعد طحنها طبعا
ونسيبها 15 ق
ونصفى المنقوع ونجيب المستحضر دا ونضيفة على 200 لتر مية
لمدة 10 ايام متواصل
ونريح اسبوع
ونضيفة 10 ايام اخرى وهكذا
ملحوظة هامة اوعى تحط الكميات دى وتغليها مع المية لانها هتطلع مواد فعالة تانية احنا مش عاوزينها
يعنى المية المغلية نضيفها للاعشاب وليس العكس ونغطى المنقوع دا لمدة 15 دقيقة لازم يتغطى علشان الزيوت الطيارة منفقدهاش
الخليط دا بامر الله بينضف المجارى النفسية تاما وبيمنع السدة التنفسية بتاعة الاى بى
إستخدام الثوم والزنجبيل والكينا أو الكافور
فى علاج الانفلونزا بنوعيها H5 H9 والآى بى
فى وسط الدنيا اللى مليانة فيروسات دى
هنتذكر دور الاعشاب فى تجنب اضرار الفيروسات
ومن خلال بعض التجارب الحقلية السابقة مع بعض الاعشاب وفوايدها
وبعض الاعشاب الاخرى اللى لم تجرب على الدواجن لاكن جربت على الانسان والحيونات الكبيرة
وفى ظل وجود قانون مشهور جدا وكل خبراء الاعشاب فى العالم عرافينة
القانون بيقول اى عشب بيسخن الدم بيوقف نشاط الفيروسات التنفسية وبيقلل من شراسة الفيروسات الاخرى ( وليس قاتل )
الى ان يتعافى الجسم ويقوم هو بالتغلب على الفيرس
فى ظل ما سبق هنعمل الخلطة دى للمناطق المنتشر فيها الانفلونزا بنوعيها سواء h9 او h5
وفى ظل وجود الاى بى بكل انواعة
الخلطة على عنبر 5 الاف طير
هنبدا من عمر 12 يوم يعنى قبل ما يتاثر الجهاز التنفسى او تظهر الطشمة
وهنعمل الاتى
100 كيلو علف مضاف اليها 2ك ثوم مفروم
1.25 ك زنجبيل
400 جم كينا ( على هيئة لحاء او قشور ) او الكافور
كل واحد فيهم يتخلط ويكون على شكل بودرة ويخلط خلط تام على ال100 كيلو علف
وهتقدم وجبة فى الصباح على ان يكون قبلها 2 ساعة اظلام
يعنى مثلا اطفى النور الساعة 4 ليلا
واعلف الساعة 6 الصباح
ونفس الموضوع هتعملة فى المساء بنفس الكمية هتطفى النور المغرب الساعة 5 وهتعلف على الساعة 7 مساء
طريقة الخلط
هتفرد اول 50 ك علف على كيس وهترش علية نص الخلطة السابقة
وتفرد ال50 ك الباقيين وتفرد علية النصف التانى من التركيبة
وهقلبهم بطريقة متجانسة ووانت بتقلب هتكون مجهز محلول عسل اسود يعنى بخاخة فيها 2 لتر مية مضاف ليها 1 ك عسل اسود
واخد هيخلط العلف علشان يعمل تجانس فى التركيبة مع العلف وواحد يرش محلول العسل بشرط عدم ترطيبة بل تندية فقط
بعد عمر ال25 يوم الخلطة هتكون على 150 كيلو علف او 3 اكياس وعليها
هيكون كل عشب مرة ونص يعنى الثوم من 2 ك الى 3 كيلو
والكينا هيكون 600 جرام يعنى ضيف نص الكمية
ملحوظة هامة لكثر عملية الغش فى الاعشاب خاصة الكينا والزعتر افرك العشب على ايدك لازم تشم رائحة عطرية نفاذة مميزة
اما الزنجبيل معروف بانة حراق
دا شغل العلف
وعند ظهور اول الاصوات التنفسية هنقوم برش زيت الكافور مع زيت نعناع اعلى الطيور بارتفاع متر
بمعدل نص لتر زيت كافور مع ربع لتر زيت نعناع لو معرفتش ترشهم لانهم زيت ضيفهم على بخاخة فيها 4 لتر كيروسين
بس خلى بالك اطفى الدفايات بعد الرش وقبلة باقل حاجة 1.5 ساعة
الرشة دى مرتين مرة صباحا ومرة مساء
جربها وبامر الله هتكون وقاية وعلاج للاى بى والانفلونزا وهتريح الجهاز التنفسى واعتقد انك مش هتحقن للطشمة لو استعملت بطريقة جيدة
الشغل لازم فى العلف هتقولى العلف جاهز
هولك اخلط علية عادى
اما شغل المية فصعب ان الطير يكون عرضة للعشب بصفة يومية لان فية علاجات وتحصينات مما يقلل من كفاءة التركيبة
استخدام الحلبة
وهى اضافة الحلبة فى الماء ولما اتعمل مغلى الحلبة كانت النتايج افضل
يعنى تغلى الحلبة عادى والماء تحطة على ماء الشرب والحبوب تخلطها على العلف ولو علفك جاهز رشها على العلافة من فوق
...
اتعملت بكميات او بجرعات 1 جرام على اللتر عادى جدا
يعنى 1 ك على 1000 لتر لاكن طبعا لو على 500 هتكون النتجة افضل
وكمان لو زودت عن 1ك هتكون بردة النتيجة افضل وافضل لان الحلبة ملهاش اى مواد مثبطة للنمو او تعارض اى حاجة
بالعكس مليانة Antisepic
المهم كانت النتيجة
زيادة من 120 الى 150 جرام فى الوزن بالمقارنة بين شغل المزرعة
إستخدام الخميرة والشعير
الفائدة ( الخميرة مكمل علفى رافع للمناعه ومقوى عام هذا بخلاف قيمتها الغذائيه العاليه من البروتين ( تحتوى على 48% بروتين) ومصدر غذائى غنى بمجموعة فيتامين ب واحماض امنينة اهمها الايسين ..والشعير من الانزيمات الهاضمة)
ومنقوع الشعير مع الخميره يعتبر من البكتريا النافعه واللى بتحتل مكان البكتريا الضاره فى امعاء الفرخ مما يؤدى الى رفع المناعه وزياده التحويل ..
هنجيب الخميرة الخبيز العادية 2 كيلو على 500 لتر ماء ونبيتها لتالى يوم هيطلع منها مستحلب بس منتفخ شوية وممكن لعلاج الموضوع دا نحطها على نص ك جنين قمح بودره وشوية مية مع التقليب المستمر لحدوث مستحلب طبيعى من البكتريا النافعة
دا رقم واحد
وهنجيب 2 ك شعير وننقعة فى 5 لتر ماء لمدة 48 ساعة هينتج عنة ماء غنى جدا بالانزيمات وشعير مستنبت طبعا لشعير تاكلة الفراخ عادى جدا
اما الماء هنضيفة على المستحلب بتاع الخميرة ونعمل سقوة كل يوم 4 ساعات
لكن بعد التعطيش لمدة 2 ساعة
الريحان
بريفع المناعة خاصة لو انت من النوع اللى بيحب يقيس تتر بعد التحصينات بمعدل 4كيلو على الطن
= هتلاقية شغال كمضاد اكسدة مع زيادة جرعتة الى 9 كيلو على الطن يقارب مضاد الاكسده الشهير ال BHT
= ولما تحطة بجرعة 2ك على طن العلف و2 كيلو على 1000 لتر مية
يزيد استهلاك العلف ويفتح الشهية
= والغريب فى الموضوع انة معالج جيد للكوكسيديا
يعنى لو حطيتة بمعدل 5 كيلو على الطن بيقلل جدا للاؤسيست طوال الدورة
ولو حطيتة بمعدل 12 ك على الطن يعالج الكوكسيديا
== ولما تحطة بمعدل 3 كيلو على الطن يقلل من كولسترول الفراخ او حتى البيض ويصبح اكل علاجى للمرضى
ولما تلاقية فى التركيبات الاساسية لاى منتج فراخ عضوى ( اللى بتنتج من غير ادوية )
علشانة بيرفع الانتاج ويقلل النافق
فلازم تقول سبحان الله
ولازم تعرف ان اى عشب ذكر فى القران لة اسرارة ولو جربت فى شوية فراخ معزولين عندك اى عشب من دول ستجد العجب العجاب
إستخدام البصل والثوم والليمون والخل
خلطة لرفع الوزن
فتح الشهية
تقليل الميكروبات المعوية
رفع معامل التحويل
بس طبعا بطول المعاملة يكون بالاستعمال لفترة
واعمل حجازة عندك وقارن بين وضعها من عدمة
بصل
ثوم
ليمون
خل
لو العلف هتصنعة انت
حط على الترتيب 8 ك - 5 ك - 5- 10 لتر 5% على الطن
لو علفك جاهز ومش هاعرف تضيفها على العلف
اعمل الاتى
بردة على الترتيب
2ك بصل + 1 ك ثوم+ 1 ك ليمون كل دول يتخلطوا فى الخلاط بس مش بمية
بخل وممنوع وضع الماءء عليهم
طيب كمية الخل كام؟
على القدر اللى يخلى المكونات تتخلط ومتمسكش فى الخلاط
طيب هينتج على الخلط دا
مادة جافة وعصير
المادة الجافة هتترش على العلافات من وقت الى اخر وياريت بعد تجويع فترة بسيطة علشان الاستهلاك السريع
المادة العصيرية هتتخلط بمعدل 5 لتر على متر مكعب ماء
انا افضل على حسب التجربة وصعها دايما ليلا باستمرار بقدر المستطاع او معظم الليالى
وبردة لو تم التعطيش وخلصت فى 4 الى 6 ساعات تكون النتيجة كويسة بس يكون جرعة نص يوم
يعنى يقدر استهلاك القطيع من الماء نص يوم وتتخلط الخلطة دى بمعدل 5 لتر لكل متر مكعب ماء
طيب لو عطشنا علشان تتشرب بسرعة هيكون نفس الكمية على نصف او بع الماء على حسب استهلاك القطيع لنصف يوم
بس النتجة على حسب طول المعاملة
إستخدام مسحوق الكركم والثوم
الفائدة ( رفع المناعة وزيادة معدل التحويل وزيادة الخملات.. فالثوم مطهر للمعده - وايضا لعلاج السموم - طارد للدود - مساعد على الهضم ومشاكله - والقضاء على اغلب فيروسات الامراض للطيور - منشط عام - وايضا منشط للذكور فى حالات الانتاج والاخصاب ،،، والكركم منشط نمو جيد لزيادة الأوزان و يعمل كمضاد حيوي ليؤثر علي البكتيريا الضارة ويعمل كمضاد للاكسدة وبالتالي حماية خلايا الجسم ،، منشط مناعي قوي حيث يحفز نشاط الجهاز المناعي ،،مضاد للإلتهابات المعوية والتنفسية في الجسم ،،مضاد سموم ويعمل كحماية للكبد ضد سموم أفلاتوكسين ،،يعمل كمادة محسنة للطعم مما يزيد من استهلاك العلف ،،يساعد علي نمو وتطور الجهاز الهضمي ،، مضاد للديدان التي تصيب الجهاز الهضمي ،،يساعد علي التئام الخلايا والأغشية المخاطية .
من المعروف ان القناة الهضمية هى المصنع المسؤل عن التحويل الغذائى وفيها الهضم والامتصاص
ومعروف ان طول ما احنا محافظين على الطبقة اللى بيحصل فييها الضهم والامتصاص واللى مليانة غدد مناعية فدا معناة تحويل عالى ومناعة معوية فعالة
طيب تعالى نشوف التجربة دى
تجربة اتعملت على مجموعة معزولة من الكوب
اتقسمت الى
5 اقسام
القسم الاول اكل عليقة عادية
بروتينها 20.03% بروتين
وطاقة 3003.09 ك كالورى (التركيبة موجودة لو حد عاوزها)
القسم التانى
اكل نفس العليقة مضاف ليها ذنك باستراسين كمنشط نمو
بجرعة 150جم مادة فعالة على الطن
القسم الثالث
اكل نفس العلف بس مضاف علية 5 كيلو كركم
القسم الرابع
اكل نفس العليقة مضاف ليها 8 ك مسحوق ثوم او ثوم مطحون على الطن
القسم الخامس
اكل مخلوط من الكركم ومسحوق الثوم بمعدل 9 ك بالتساوى بينهم
النتايج كانت فعلا ممتازة مشفتهاش حتى مع الشغل الحديث بتاع البروبيوتيك وخلافة
المهم
كان ارتفاع الخملات villi فى القسم الاول اللى اكل علف بدون اضافات 1005 ميكرومتر
والقسم التانى بتاع الزنك كان 1300 ميكرومتر
القسم الثالث بتاع الكركم 1340
القسم الرابع بتاع الثوم 1210
فى حين ان القسم الخامس الخليط بين الكركم والثوم كان اعلى ارتفاع للخملات 1726 م متر
دا عادى لاكن مساحة سطح الخملة نفسة كان ملحوظ جدا انة زايد يعنى هضم وامتصاص ومناعة عالية جدا
فكان فى العليقة العادية 1400 ميكرو متر مربع
ومع الزنك كان 3335 ميكرومتر مربع
ومع الكركم 3500 م م مربع
ومع الثوم 3150 م م مربع
ومع خليط الكركم والثوم كان 5060 م م مربع يعنى اعلى مساحة سطح ممكن تتخيلها
ونفس الطريقة بالنسبة لمعدل عمق الخملة
وكان معدل التحويل كالاتى
العليقة العادية عملت تحويل 1,7
والعليقة بزنك عملت 1,55
والعليقة بكركم 1,55
والعليقة بثوم 1,6
والعليقة بالمخلوط 1,5
وخلى بالك ان البروتين اصلا بتاع العليقة منخفض عن الطبيعى يعنى المفروض اننا بنبدا ببادى 23% بروتين فى حين انة هنا بدا بعليقة 20%
بس بناء امعاد وجدارها كان لة اثر عالى جدا
طبعا مناعة معوية حدث ولا حرج مش محتاجة كلام
امراض المعوية ( كوكسيديا وكولستريديا ) لما كانت بتيجى كانت ساعات بتروح لوحدها وساعات بتختفى من اول جرعة
اسهالات بنية شبة معدومة
خلاصة التجربة ان اضافة خليط الكركم مع مسحوق الثوم عمل نتايج هايلة جدا على كل المستويات.

وزن كل كتكوت ابيض من يوم الاستلام الي اخر يوم بالدورة كامل 

  

فية حاجات فى مجال التسمين بتضيع من وزن الطير نفسة ودا شغل طبيعى جدا