فنيات تربية الدواجن :‏كيف تختار المشرف السليم لمزرعتك

احنا اتكلمنا قبل كدا عن طريقة التشريح بالصور
وبوست اخر عن طريقة الكشف الظاهرى
البوست دا فرع من فروع الشق الظاهرى
بس هيكون توعية للمربى
اخى المربى
لما يجيلك مشرف سواء مهندس او دكتور يفحص مزرعتك فى اى حالة مرضية
هعطيك شوية حاجات لو لقيتة بيعملها يبقى الراجل دا حقلى او متعود على شغل المزارع لو لقيتة مقصر فيها يبقى انت ونصيبك معاة
اولا
اذا لقيتة ماشى فى العنبر من جنب الجدار مش من وسط العنبر تعرف ان حقلى درجة اولى
ثانيا اذا لقيتة بيوطى علشاان يشوف الزرق ويمسك اى عصاية او قطعة نشارة كبيرة وبيفتت الزرق خاصة الزرق السايل
تعرف ان حقلى درجة اولى
ثالثا اذا لقيتة بيمسك طير معين مش اى طير وبيلف جناحة للخلف ورجلة لورا وبيحط صدر الطير على اذنة تعرف انة حقلى درجة اولى
رابعا اذا اعطيتة مثلا نافق 10 وفتح منهم اقل حاجة 8 من ال10 تعرف انة حقلى درجة اولى واوعى تفكر انة ممكن من اول طير يعرف الباقى
خامسا اذا لقيتة بيسئلك فين المطهر اللى هحط رجلى فية وينتظر لغاية لما تتصرف علشان يعقم رجلة فدا راجل حقلى وعلمى درجة اولى
سادسا اذا لقيتة بيحط المية على طرف لسانة او بيفتت العلف على ايدة وبيفركة اثناء الزيارة دا معناة ان الرجل دا فناااااااااااااااااااان تشخيص حقلى
سابعا اذا لقيتة بيحاول يقعد قعدة القرفصاء علشان راسة تكون فى مستوى راس الطيور ومركز فى الافق دا يبقى دا راجل حقلى
ثامنا اذا لم يسب او يشتم فى زميلة اللى شخص قبلة بل اخذ منة الحالة المرضية كاملة بالادوية السابقة
فالراجل دا خلوق جدا وعاوز يصلح الاخطاء وخلاص وايضا راجل حقلى
تاسعا اذا بعد الزيارة الحقلية اخذ عينة ميتة واخرى حية واخدها معملة فالراجل دا جدير بالاحترام
وهنضيف
نقظتين شفناهم مرات عديدة وايقناهم حقليا
لو المشرف بتاعك قالك ضيف احدى عائلات التتراسيكلينات اثناء الاصابة الحقلية الفيروسية واكرر الفيروسية ( اى بى - انفلونزا - نيوكاسل )
(( مثل الاوكسى - والدوكسى - والكلوراتتراسيكلينات ))
او نصحك بوضع ذرة فقط اثناء الاصابة الفيروسية
فنصيحة
شوف مشرف غيرة اكثر حرفية فى التعامل مع المشاكل الحقلية معلش البوست هيزعل بعض الناس مننا لاكن انا اسف
من كتر اللى بنشوفة لازم نكتب بوست من النوعية دا
فارجو محدش يزعل منى
اللهم اجعل عملنا هذا خالص لوجهك الكريم