طرق تفادي التاثير التراكمي للسموم الفطرية في العلف للدواجن

كتير من المربين فى مصر يشتكون من السموم الفطرية بعد انتشار العلف المحبب طرق تفادي التاثير التراكمي للسموم الفطرية في العلف للدواجن

وانا اعتبر السموم الموجودة فى العلف حتى ولو بنسبة خفيفة فلها تاثير على كل الدورة

لان حتى لو نسبة بسيطة فتاثيرها تراكمى
بمعنى 2جزء فى المليون اليوم مع مثلهم بكرة مع مثلهم الى اخر الاسبوع يشكل نسبة ضارة والتراكم فى اخر الاسبوع الى بعدة تشكل نسبة مميتة
والسموم باى نسبة حتى لو مقبولة يعتبر بيضعف من اى تحصينة ودا سبب قوى لقلة فاعلية التحصينات خاصة عند المربى اللى شغال بعلف جاهز محبب
فما بالك بزيادة نسبة السموم مع مرور ايام الدورة
يعنى مناعة اقل
كبد كلى غير مكتملى الوظائف
تحصينات زى ما تكون محصنتش
هتك فى جدار الامعاء يعنى قلة الوزن والتحويل
طيب هل فية حل ؟؟
الناس بتحط مضاد سموم
هل دا كافى ؟؟

هقولك مضاد السموم على افتراض انة قوى بيعالج وقت نزولة فقط

يعنى حضرتك بداية نزولك للمضاد مثلا على عمر 10 ومرة اخرى على عمر 20 يوم
طيب والتحصينات اللى قبل ال10 ايام مصيرها اية؟
هى واللى قبل ال20 يوم
المقصود ان وضع برنامج بالشكل دا انا لا اعتبرة كامل او صاد لمشكلة السموم
الحل لازم وضع مضاد سموم باستمرار فى العلف يقوم بالتنظيف اول باول
غير كدا انسى
طيب هل فية حل من الاعشاب هقولك
الخلطة دى تجمع بين اقوى 3 مضادات سموم عشبى
كركم 3
زعتر 3
عرقسوس 3
طيب كدا خلاص ؟
تمام
ننتقل الى مشكلة تاارق كتير من المربين
وهى سارق الوزن
الكوكسيديا
فية اعشاب كتير تاثر عليها
لكن مشكلة الكوكسيديا سرعة تكوين المناعة من اى دوا
علشان كدا لازم تغير ادويتك كل شوية
وايضا لما تستعمل فيها اعشاب لا تستعمل عشب واحد فقط
يعنى لازم توليفة حتى يصعب عليها تكوين مناعة
ومن اشهر واهم التوليفات
الكركم
حبة البركة
معا لازم معا علشان يصعب تكوين مناعة
واذا حسيت ان تكون مناعة من التوليفة دى ودى تقريبا حصلت معايا مرتين من اصل 9 تجارب
غير على التوليفة دى
حب الرشاد 2 كيلو على الطن
و
الخولنجان 1.5 كيلو على الطن
طيب
تعالى نعمل تركيبة تصلح للسموم والكوكسيديا فى نفس الوقت
هيكون
نص الدورة الاول
كركم 3ك
زعتر 3ك
عرقسوس 3ك
حبة البركة 4 كيلو
وفى نص الدورة التانى
هنشيل فقط حبة البركة ونستبدلها بخلنجان كيلو ونص مع حب الرشاد 2 كيلو
طيب هل التركيبة دى فقط للسموم والكوكسيديا
؟؟؟؟؟؟؟؟؟
لا
الزعتر مع العرقسوس من اقوى رافعات المناعة وفيهم مواد انتىفيرال يعنى بتصد بعض الفيروسات
كمان بيظبطو التنفسى كويس
هل تاثر التركيبة على الوزن
؟؟
لا يوجد فيها اى حارق دهون يعنى تفيد الوزن
طيب لو استعملتها فى البياض
واقصد المحتوبة على حبة البركة
هتفيدك فى زيادة الانتاج بسبب الكركم وقلناها فى بوست سابق انة بيزود حويصلات الصفار فى سلسلة البيض فبيرفع من الانتاج
والكركم بالتعاون مع العرقسوس بيحسن القشرة وبيقلل نسبة الكسر فى القطيع
كمان بيقلل مرحلة بيض البشاير لانة بيزود حجم الصفار نفسة
طيب
هل التركيبة دى لو اكل منها ديوك التلقيح تضر؟؟
لا
وجود العرقسوس بيحسن من حركة الحيونات المنوية وبيعلى الخصوبة
الخلطة رافعة للمناعة
محفزة للتحصينات
ترفع تتر التحصينات
ولها فوايد اخرى
ملحوظة اخيرة
الخلطة الاولى اللى فيها حبة البركة تصلح مع الادوية عادى
اما الخلطة التانية اللى فيها ترنجان وحب الرشاد فبتعمل مشاكل لو حطيت ادوية فى المية
مثل التتراسيكلينات والفلوكوين يعنى لو مجبر تحط ادوية ارجع للخلطة الاولى على ما الدوا يخلص بعدها رجع الخلطة التانية
البوست دا علشان ندعو المربين للعودة للطبيعة ونقلل بقدر الامكان من الادوية او نستعملها فى اضيق الظروف
ومنها احضار النية اننا ناكل الناس لحم او بيض صحى
اللهم اجعل عملنا هذا خالص لوجهك الكريم
مع تحياتى وشكرا