انظمة التغذية للامهات: نظام العلف اليومى

انظمة التغذية للامهات
اولا نظام العلف اليومى
وفى النظام دا بنحسب كمية العلف اليومية للطير بالجرام ونعلفها فى الصباح
تقريبا بيكون بداية الاسبوع الثانى
لان الاسبوع الاول بيكون علف مفتوح
وطبعا لو الوزن متاخر عن الكتالوج ممكن ناخر التقنين العلفى الى بداية الاسبوع الثالث
مميوات النظام دا
* مفيش اجهاد تصويم بعكس الانظمة الاخرى
* بيقل معاة ظاهرة الافتراس
* بيقل الاصابات الخاصة بامراض النقر فى الفرشة (كوكسيديا -كلستريديا )
* مناسب للعنابر المفتوحة
* بيسمح بعلاج الكوكسيديا فى العلف لان العلف متوفر كل يوم
لاكن عيوبة
*) نسبة التجانس بتكون اقل من باقى الانظمة
*) بتزيد مع النظام دا الاوفر ويت والاندرويت ( اوزان اعلى من متوسط الكتالوج واوازن اقل من وزن الكتالوج )
*) الحرص العالى على سرعة تشغيل او توزيع العلف باقصى سرعة
*) الحرص التام على الاهتمام باطوال خطوط العلف علشان تسمح لكل طير ب 15 سم من مساحة خط العلف
*) لازم تزود خزان علف اصافى لخطوط العلف بمعدل خزان علف لكل 40 الى 50 متر
*) اخطر عيب لهذا النظام هو
لا يسمح بتطوير اعضاء الجهاز الهضمى لان الطير هيفضل متعود على اكل كمية قليلة وبالتالى مساحة الحوصلة والقونصة هتفضل مناسبة للكمية القليلة دى وبالتالى بيقل الكمية الاستعابية الحجمية للجهاز الهضمى بيقل ودا عيب هنلاحظة بعد قمة الانتاج لما الطير ياكل 165 جم علف يومى وهيكون محتاج مساحة جهاز هضمى مناسب للكمية دى
لان اخر تطورات عملية بالخصوص دا بتقول ان حجم استيعاب الجهاز الهضمى للعلف بيكون متوقف على كمية وحجم العلف اليومى المتهلك فى فترة التربية
ثانيا نظام العلف يوم بعد يوم
يعنى بحسب كمية العلف اليومية لكل طير وبضربها فى 2 وبعلفها مرة واحدة صباحا واليوم اللى بعدة صيام وهكذا
يعنى لو كمية العلف فى الكتالوج 50 جم فهيكون فى يوم التعليف 100 جم واليوم اللى بعدة صيام تام
اهم ما يميز النظام دا
جودة التجانس
فرصة قدام الافراد الصغيرة انها تاخد كمية علفها اليومى كاملة
بس فية ملاحظتين هامتين فى الموضوع دا
** ) فى يوم الصيام انثر شعير او كسر ذرة او قمح بمعدل 5 الى 10 جم لكل طير على الفرشة
علشان نقلل اجهاد الصيام وكمان بيقلب الفرشة
وكمان بيقلل فرصة الاصابة بالكلستريديا
وبيعمل قوة فى الارجل بتفيد بعدين وقت التزاوج
الملحوظة التانية فى غاية الاهمية
**) لا تزيد كمية العلف فى يوم التعليف ( الكمية المضاعفة ) عن اكبر كمية علف بياكلها الطير وقت الانتاج او بالادق وقت البيك وبعدة يعمى مثلا اعلى كمية علف بياكلها سلالة ثقيلة بتكون 170 جم مثلا
وفى الاسبوع ال16 بيكون كمية التعليف فى الكتالوج بتكون 90 الى 95 جم يعنى الكمية المضاعفة هتكون اعلى من ال170 جم وبالتالى هيكون خطر على استيعاب الحجهاز الهضمى وهتضر الشبع الميكانيكى بعد فترة انتاج قمة الانتاج
وبالتالى لازم نقلب فى الفترة دى على نظام
تعليف 5 ايام فى الاسبوع وصيام يومين اللى هنقولة بعدين تجنبا لموضوع
ثالثا نظام تصويم يومين فى الاسبوع
وهو نظام مكمل لنظام تعليف يوم وتصويم يوم
وهو عبارة عن
حساب الكمية اليومية من العلف على حسب كتالوج السلالة ونضرب فى 7 علشان نطلع كمية العلف الاسبوعية
وبعدين نقسم على 5 علشان نطلع كمية العلف اليومية خلال ال5 ايام اللى هنعلف فيهم طوال الاسبوع
يعنى مثلا الكتالوج بيقول ان كمية العلف اليوم 50 جم
هيكون كمية العلف الاسبوعية 50*7=350 جم
هيكون كمية العلف فى نظام تصويم يومين فى الاسبوع دا
350/5 =70 جرام يومى
طبعا بنستمر على النظام دا من اول 16 اسبوع الى وصول الكمية الغذائية الى قرابة اكبر كمية علفية وقت الانتاج
علشان هنخاف من القوة الاستعابية للجهاز العضمى وهنضر الشبع الميكانيكى
ونقلب على نظام صيام يوم واحد فى الاسبوع وتعليف 6 ايام
الى بداية الانتاج
محلوظة هامة
السلالات الخفيفة مش بنوصل لموضوع علف 6 ايام وتصويم يوم لان اعلى علف تقريبا بيكون 150 الى 155 جرام يعنى يسمح عالدى اننا نستعمل نظام تصويم يومين فى الاسبوع الى بداية الانتاج
لكن السلالات الثقيلة اللى ممكن نعمل فيها كدا لان اعلى علف ممكن يوصل الى 195 الى 168 جم زى الكوب
بكدا استعرضنا انظمة التعليف كلها
وممكن نطلع بالاتى
1) لو هتتبع طريقة التعليف اليومى لا تقل نصيب الطير الواحد من خط الععلف عن 15 سم
حتى لو هتدعم بعلافات يدوية
تشغيل خط العلف باعلى سرعة علشان اعلى انتشار العلف والكل ياكل فى نفس الوقت
2)نظام يومي بعد يوم والتكملة ب تصويم يومين فى الاسبوع عمل افضل تجانس
وافضل انتاج واعلى خصوبة
3) فى انظمة التلعيف اليومى احرص على نثر حبوب قمح او شعيرعلى الفرشة بمعدل 3 جم لكل طير فى العمر الاول بتزيد تدرجى الى ان تصل الى 10 جم لكل طير فى العمر الاخير من التربية
4) طالما الطير هاكل حبوب كاملة فهيحتاج صدف علشان هحنها فلازم تقدم الصدف فى نفس يوم التعليف ودا بعد 6 اسابيع بمعدل 5 جم لكل طير
بس راعى نظافة الصدف وتطهيرة من اى رواسب
اخر توصيات وصلت فى مجال تغذية الامهات
ومن الخبرات الحقليةانها عملت تجانس عالى جدا وخالية تمام من المشاكل
وهى استعمال العلف المحبب او المفتت كل على حسب المرحلة ونشرة على الفرشة من غير علافات يعنى هنشيل العلافات ومفيش فى العنبر غير السقايات
وهيكون العلف يومى
دى اخر ما توصل لة التجارب العالمية فى هذا الصدد
وتم تجريبها وكان تنتايجها فوق الممتازة
مع تحياتى وشكرا
مهندس عاطف عبد الدايم