فوائد الخل للكتكوت الابيض

فوائد الخل للكتكوت الابيض

فوائد الخل للدواجن وماذا يفعل العسل في دورة التسمين
اتكلمنا قبل كدا عن فوائد الخل للدواجن فى اكثر من تركيبة
( تركيبة البصل والثوم والليمون والخل )
واتكلمنا فى بوست سابق عن تحميض المية ودورها فى التسمين
طيب تعالى نجمع هنا فوايد الخل كارخص حمض ودورة فى دواجن التسمين

هنقول فوايد الخل ونقول كلام علمى يوضح الكلام دا
اهم فايدة للخل هو استعمالة فى الجو الحار وازاى بيلطف حرارة القناة الهضمية اللى هى لو اتطلفت حرارتها هتشيل عبئ حرارى عن الجسم وتخفف الموجة الحارة
= من اهم فوايدة خفض الph بتاع الجهاز الهضمى
طيب ودا هيفيد فى اية؟

هيفيد ان جميع العمليات الهضمية اللى بسببها بيحصل هضم وتحويل ورفع اوزان الافضل لها تتم فى وسط حمضى
زى الانزيمات الهضمية بتشتغل وبتزيد كفائتها فى الوسط الحمضى بالتالى بيزيد الوزن حتى فى الحر اللى هو اصلا صعب زيادة الوزن فية

= رفع حموضة القناة الهضمية عن طريق اى حمض وخاصة الخل بيقلل جدا من العد الميكروبى الضار اللى هو مسبب اساسى لخفض الوزن ( لانة بيعمل اسهال )
فبتزيد معاة الميكروبات النافعة على حساب الضارة بالتالى زيادة فى الهضم والامتصاص وزيادة فى افراز الانزيمات والاحماض الهاضمة

= عملية اللهاث بتاعة الحر بترفع من قلوية الجهاز الهضمى ودا اللى بيخلى استهلاك العلف اقل والشهية ضعيفة
لاكن لو خفضنا الحموضة باستعمال الخل فالجسم بيرجع لطبيعتة خاصة الشهية واستهلاك العلف
تعالى ناخد كلام علمى
( لان بيعاب علينا ان كل كلامنا حقلى والناس مش عارفة تستفيد منة )
السبب فى ان الخل بيقلل العد الميكروبى الضار
ان اثناء انخفاض الحموضة بيتحرر بروتونات الحمض وبيخترق جدار الخلايا الميكروبية الضارة دا اولا
ثانيا
غالبية الميكروبات بتحب الوسط القلوى لان الخل بيعكس الموضوع فبتموت بسبب الحموضة
لاكن تعالى لفكرة التحميض الطبيعى نفسة
يعنى ان الجسم لو حمض نفسة الفايدة بتكون اعلى
طيب ازاى الجسم يحمض نفسة؟؟؟
بيقولك فية ميكروبات لاهوائية فى القناة الهضمية دى بكتيريا نافعة
زى ( كولستريديا نافعة – لاكتوباسيلس – بيفيدوباكتيريم )
على فكرة دى متعايشة فى الاعورين
ودا احد اسباب ان الاعورين ممكن ينتفخو من غير امراض
طيب انت عارف دول بيعملو اية فى الجسم
البكتيريا النافعة دى بتاخد الكربوهيدرات وخاصة السكريات وبتعملها تخمر تطلع احماض هامة للجسم زى حمض اللاكتيك – البيوتريك اسيد – جمض البروبيونيك
ودا اللى بيخلى الجسم يهضم ويقاوم الامراض المعوية
طيب دا بيحصل طبيعى فى الجسم طالما الامعاء سليمة ( مفيش كوكسيديا او كولستريديا او سالمونييلا او كولاى )
طيب عاوز ترفع حموضة القناة الهضمية وتساعدة ان هو اللى يرفعها
ضيف سكر فى العلف
السكر دا بيساعد البكتريا النافعة دى انها تشتغل اكثر وتفرز مزيد من الاحماض النافعة
علشان كدا يقولك ارخص فكرتين للتسمين
هى السكر فى العلف
والخل فى المية
وعلشان دا ميكونش عبئ على الدورة ممكن اختار اخر اسبوعين من الدورة واشتغل على الفكرة دى
لاكن بكل اسف لو الامعاء مصابة باى مرض فالفكرة دى مش هتجيب نتيجة
كمية اضافة الخل هى 7 مل على اللتر من خل البيت
او نص الى 1 جرام من الخل المركز
كمية اضافة السكر
5 كيلو على الطن

استخدام الثوم للدواجن،
البصل علاج للدجاج،
فوائد الخل للدواجن،
فائدة الثوم للدجاج،
فوائد البصل للطيور،
طريقة عمل الثوم والليمون للطيور،
فوائد الخل الابيض للدجاج،
فوائد خل التفاح للدواجن

فيه موضوع تانى
جسم الكائن الحى يحتاج لطاقة و مصدر الطاقة واحد من اثنين اما سكريات و اما دهون و الجسم اذا وجد الاثنان فانه يفضل حرق السكريات و تذهب الدهون الى التخزين, و هذا سبب ان الاكثار فى الحلويات يزيد السمنة
و بناء عليه فان اضافة سكريات للدواجن عن اى طريق سواء شرب او علف يعطى للجسم الطاقة التى يحتاجها من السكر و يقوم الجسم بتخزين الدهون
انا اعطى للدواجن (ساسو) فى اخر 20 – 30 يوم عسل اسمر اقوم بخلطه على بعض العليقة مع بعض المياه لينتج عجينة من العليقة بالعسل و اضيف عليها اى اعشاب حسب ما اريد و اعطيها للفراخ مرتين يوميا و النتيجة مذهلة
اجد ان الدواجن تقوم بتخزين كمية من الدهن قطعة يبلغ وزنها تقريبا من 50 الى 100 جرام فى اسفل البطن فى المكان الذى نفتح منه الفرخة اثناء التنظيف كما ان الفرخة يكون لحمها طرى بشكل عجيب و ذلك لزيادة الدهون المتداخلة فى اللحم
منقول.م عاطف عبدالدايم

الخل يعد أحد مضادات السموم عند الفراخ البيضاء، وبالفعل نعم، فهو يعد علاج قوي وفعال جداً لعلاج السموم ويعد أيضاً غسول أكثر من رائع، ولكن يستخدم المربين الخل في العلاج بطريقة خاطئه.. ولكن كيف؟
يستخدم المربين خل الطعام الآدمي بنسبة 5%، ولكن هذا الخل ليس هو الذي يستخدم مضاد للسموم

-والخل الذي يستخدم لمضاد السموم تكون نسبته 100% 
وإذا وجدت هذا الخل قم بوضع مقدار 1 سم منه لكل 20 لتر من ماء الشرب

ولكن ما الحل إذا لم أجد خل بنسبة 100% في المحلات؟
في هذه الحالة ينبغي علينا ضبط جرعة الخل الذي يحتوي على نسبة 5% .. وبهذه الطريقة سوف يعمل الخل بكفاءه ليكون مضاد للسموم.. ولكن كيف؟

يجب عليك استعمال جرعة 20 سم من خل 5% لكل 1 لتر ماء شرب
استعمل 1 لتر من خل 5% لكل 50 لتر ماء شرب
وينبغي عليك استعمال هذا المضاد لمدة يومين أو ثلاثة أيام بالكتير لكي لا تزداد نسبة الحموضه لدي الدواجن مما قد يسبب مشاكل أخرى

وهذه الجرعه تستخدم أيضاً للتقليل من مشاكل السالمونيلا