اضرار الحرارة علي الدجاج والكتاكيت وطرق تفاديها بالاعشاب

من المعروف ان المملكة هنا بتتسم بالحرارة العالية خاصة فى الصيف اضرار الحرارة علي الدجاج والكتاكيت وطرق تفاديها بالاعشاب

وواد جدا ان يحصل استقبال لاى دفعة كتاكيت على حرارة اعلى من 35 وساعات بتوصل ل38 درجة خاصة فى النهار
والكل يخاف يشغل التبريد فى الايام الاولى
طيب هل استقبال كتكوت على حرارة من 36 الى 38 درجة شئ عادى
؟؟؟؟؟؟؟؟؟
بالطبع لا
مش عاوز اتكلم كتير فى كلام فيسيولوجى وكلام علمى مش هيفيد المربى فى حاجة
لكن خلاصة القول ان فية اضرار كتيرة من الحرارة دى ومن ضمن الاضرار التاثير على التحويل فى الاسبوع الاول
ودا بسبب حدوث جفاف جزئى للجسم والجفاف دا بيعمل تاخر فى نمو خلايا الجهاز الهضمى للطير
واحنا قلنا فى بوستات سابقة ان لو وصلت لاعلى وزن فى عمر 7 ايام يعتبر نجحت الى اخر الدورة لو ربنا نجاك من الامراض
وعملنا معادلات وحبة قبل كدا على ان نقص 5 جرام فقط فى اخر الاسبوع بتخسرك لحم وعلف كم اخر الدورة
(( هات المعادلات والبوستات دى من جروب ملتفى مربى الدواجن فى العالم العربى م عاطف من مربع البحث ))
طيب هل فية حل لو حصل الموضوع دا
ايوة
فية تركيبة عملناها بفضل المولى عز وجل عملت نتيجة كويسة فى استرداد الجسم لطبيعتة
التركيبة عبارة عن لكل لتر ماء
فيتامين ج 2 جرام
جلوكوز 10 سم
عسل اسود 6 جرام
محلول عرقسوس 10 سم
المحلول هنعملة ازاى؟؟
نقع 1 كيلو عرقسوس فى ماء نازل من على النار 3 لتر
متغليش العشب
فقط النقع فى ماء حرارة اعلى من 60 درجة لمدة من ساعة ونص الى ساعتين
الكربوناتو بتعمل تفاعل ايجابى مع العرقسوس لو عاوز تضيفة 2 معلقة شاى مع العرقسوس لا مانع
هل استعمل التركيبة دى فى العمر الكبير اثناء الجو الحار
؟؟؟؟
هقولك جيدة جدا
وبتعوض موضوع تاخير التحويل بسبب الحر
البعض بيعانى من قلة استهلاك العلف وقلة التحويل
فى حين لو حضرتك اشتغلت على التركيبة دى سقوة من صلاة الفجر الى الساعة 10 صباحا بصفة يومية مش هتعانى من المشكلة دى
هل التركيبة لها اضرار على التحصين
يعنى هل استعملها قبل التحصين
؟؟؟؟؟؟؟؟؟؟؟؟؟؟؟؟؟؟؟؟
لو هتستعملها قبل التحصين شيل الكربوناتو فقط وباقى التركيبة كما هى
هل فية فوايد اخرى للتركيبة دى
؟؟؟؟
= الاستعمال الدائم للعرقسوس بيقلل من السموم الفطرية بشكل ملحوظ
= التقليل من السموم قبل التحصين بيرفع من كفاءة التحصينات
= العسل الاسود لة فوايد كتيرة جدا ناخد منها اهم فايدتين غسيل كلوى ومضاد اكسدة لما يحتوية على فيتامين E يعنى رافع مناعة ايضا قبل وبعد التحصين
= اتحاد فيتامين ج مع العرقسوس بيقلل من اضرار السموم
= التركيبة كلها تمنع اى جفاف يحصل للخلايا
وبصراحة فوايد كتيرة جدا صعب نحصيها
استعمال التركيبة فى العمر الصغير لمدة 8 ساعات وباقى اليوم معاملاتك العادية
فى العمر الكبير يكفيك 6 ساعات لو عاوز وزن فى دورات الصيف
الى اللقاء فى تركيبة اخرى مجربة
اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد الدايم