علاج الدواجن بالمضادات الحيوية (استخدام الدوكسي سيكلين للدواجن) علاج الفراخ بالدوكسي سيكلين والتتراسيكلين

من طرف thepoultrysite الأحد أكتوبر 29, 2017 8:13 pm

علاج الفراخ بالدوكسي سيكلين والتتراسيكلين

استخدام الدوكسي سيكلين للدواجن

علاج الدواجن بالمضادات الحيوية (علاج الفراخ بالدوكسي سيكلين والتتراسيكلين )

طبعا الناس اللي شغالة في مجال الفراخ متابعة معانا علي بورصة الدواجن ازاي اسعار الكتاكيت ارتفعت بشكل فظيع عشان السحب زاد عليها جامد من المزاراع والاهالي عشان موسم رمضان ولكن اسعار الدواجن اللحم عمالة تنزل وتطلع شوية بطريقة غير مستقرة وغريبة فزادت معاناة المربيين من الخسائر التي تواجههم من كل اتجاه , لذلك نرجو من المربيين اتباع الاساليب الصحيحة في التربية عشان نقدر نقلل من الخساير دي علي قد مانقدر.

مجموعة التتراسيكلين

اتكلمنا في المواضيع السابقة عن بعض المضادات الحيوية التي تستخدم في علاج امراض الدواجن وانهاردة باذن الله هنتكلم عن مجموعة مهمة جدا في مجال الدواجن وهي مجموعة التتراسيكلين وهي عبارة عن مجموعة من المضادات الحيوية واسعة المجال حيث لها تأثير موقف للنمو علي البكتيريا سالبة الجرام والبكتيريا موجبة الجرام وتعطي للطيور في مياه الشرب وعندما تصل لأمعاء الفراخ يتم امتصاص جزء كبير منها لتصل الي الدورة الدموية وبالتالي تصل لأي جزء في الجسم وايضا بيفضل جزء من الدوا في الامعاء والمعدة فبيشتغل علي الميكروبات المعوية لذلك فان هذه المجموعة لها تأثير موضعي وتأثير جهازي في كل الجسم.

بعد ان تتم هذه المضادات الحيوية عملها في الجسم يقوم الجسم بطردها عن طريق الكلية ماعدا الدوكسي سيكلين فانه يطرد عن طريق المرارة في الكبد فينزل في الامعاء مع الفضلات ويخرج في زرق الطيور , ونستفيد من الحتة دي ان لما يبقي عندي مشاكل في الكلية في الفراخ استخدم الدوكسي سيكلين افضل من اوكسي تتراسيكلين عشان مزودش تعب الفراخ و من أمثلة هذه المجموعة الأوكسي تتراسيكلين – الدوكسي سيكلين – الكلورتتراسيكلين .

من عيوب هذه المجموعة انها يتأثر علي بعض العناصر المعدنية زي الكالسيوم والماغنيسيوم والحديد فبتتحد معاها ونتيجة لذلك بيقل امتصاص المضاد الحيوي من الامعاء وكذلك بيقل امتصاص الكالسيوم والعناصر المعدنية الاخري اللازمة للجسم فبيعمل نقص كالسيوم بالرغم من اناك بتضيفه للفراخ في المية فبيعمل مشاكل في تكوين العظام وبيسبب العرج عشان كدة نخلي بالنا ومستخدمش الاوكسي مع الاملاح المعدنية والكالسيوم وبرضو مستخدمهوش لفترات كبيرة .

أولا #الاوكسي_تتراسيكلين وهو مضاد حيوي واسع المجال بيشتغل علي الميكروبات السالبة والموجبة لصبغة الجرام وكمان بيشتغل علي #الميكوبلازما , ويستخدم في علاج المشاكل المعوية والكولستيريديا والامراض التنفسية زي سي ار دي والعدوي الجهازية الاخري , ويستخدم ايضا في تحضين الكتاكيت الفاقسة زي مستحضر #نيوتراميسين(#نيومايسين + #اوكسي #تتراسيكلين) وفي علاج #التهاب #السرة ولكنه غير مستحب في الاعمار الصغيرة او نخلي بالنا زي ماقولنا من شوية ودلوقتي بعض الشركات بتضيف ليه احماض عشان تقلل تاثيره مع الاملاح ويمتص بصورة جيدة من الامعاء.

الجرعة تكون20 ملجم لكل كجم وزن حي أو 2 – 5 جرام لكل 10 لتر مياه الشرب

ثانيا #الكلورتتراسيكلين وهو مضاد حيوي واسع المجال يؤثر علي البكتيريا السالبة والموجبة لصبغة الجرام ويتميز بتاثيره الكبير علي البكتيريا المعوية لذلك فهو فعال ضد الكولستيريديا والكوليرا والسالمونيلا,والميكروب القولوني , يستخدم ايضا كوقاية ضد الميكروبات الانتهازية التي تنشط عند اجهاد الفراخ او نقص مناعتهم ويتأثر بالاملاح المعدنية زي الكالسيوم ولكن هذا لايؤثر علي فاعليته لانه اصلا بيشتغل معوي مش محتاج انه يوصل للدم .

الجرعة تكون 20 – 30 ملجم لكل كجم وزن حي أو 2 – 4 جم لكل 10 لتر مياه شرب

ثالثا الدوكسي سيكلين ويعتبر أفضل مضاد حيوي من مجموعة التتراسيكلين لانه لايتاثر بالاملاح المعدنية زي #الاوكسي وكمان سريع الامتصاص من الامعاء ويصل للدم بسرعة ويبقي في الجسم لفترة كبيرة , ويتميز بتاثيره الممتاز علي الرئة والجهاز التنفسي عشان كده بيستخدم بصورة كبيرة في علاج العدوي التنفسية في الدواجن وخصوصا عند اضافته مع التيلوزين في مياه الشرب والاتنين بيشتغلوا كويس جدا علي المايكوبلازما و سي أر دي (المرض التنفسي المزمن).

الجرعة تكون 10 – 30 ملجم / كجم وزن حي أو 1 – 3 جم / 10 لتر مياه شرب وان شاء الله نكمل في الموضوع الجاي ومستنيين تعليقاتكم .

1	#ثوم
2	#الكوكسيديا
3	#نعناع
4	#الثوم
5	#زعتر
6	#اسبيراميسين
7	#كركم
8	#التنفسية
9	#كوكسيديا

فوائد النعناع للدواجن

فوائد الخميرة للفراخ البيضاء

اضافة الخميرة وطريقة استعمالها فى مجال الدواجن

أعشاب لصحة عيون الدجاج

أعشاب لصحة الجهاز التنفسي للدجاج

أعشاب لصحة الجهاز الهضمي للدجاج

أعشاب مضادة للفيروسات وتعزز الجهاز المناعى وصفات الاعشاب في تربية الدجاج

هنتذكر دور الاعشاب فى تجنب اضرار الفيروسات

ومن خلال بعض التجارب الحقلية السابقة مع بعض الاعشاب وفوايدها

علاج الخنفرة عند الفراخ البيضاء بالاعشاب

الخنفره هي نوع برد يصيب الفراخ ،. فما هو #الخنفرة و ما هو علاجه بالاعشاب ؟

علاج #الطشمة عند الدواجن …

الهندباء للدواجن البيضاء

الكزبرة للدواجن البيضاء

الفوائد: مضاد للأكسدة ، مضاد للفطريات ، يبني عظام قوية ، غني بفيتامين أ للرؤية وفيتامين ك لتخثر الدم.

طريقة الاستخدام: جفف وأضف إلى العلف اليومي أو العلف الطازج.

علاج الدواجن بالمضادات الحيوية (استخدام الدوكسي سيكلين للدواجن) علاج الفراخ بالدوكسي سيكلين والتتراسيكلين