مقارنة بين برنامج القلش بالنظام العادى ( علف - مية - اضاءة )

مقارنة بين برنامج القلش بالنظام العادى ( علف - مية - اضاءة )
والقلش ب#اكسيد #الزنك
فى الدجاج البياض والامهات
طبعا طريقة العلف والمية والاضاءة كتبناها قبل كدا فى اكثر من بوست
اما طريقة اوكسيد الزنك فبتكون باضافة 25 ك منة لكل طن علف
التركيبة اللى كانت بتتعلف بروتينها 17% وطاقتها 2750 ك كالورى
بس كانت رخيصة جدا
وهى كالاتى
570 ك ذرة
160 كسب مع #كسر فول #سوادنى ( متوفر فى المنطقة دى جدا ورخيص )
120 رجيع رز مستخلص منة الزيت
80 ك مسحوق سمك
25 ك بريمكس املاح
40 مخلوط من الجير على الداى كالسيوم على مسحوق صدف
كانت النتايج كالاتى
القطيع اللى قلش باوكسيد زنك بدا انتاجة بعد 25 يوم
اما اللى قلش بالطريقة العادية بدا بعد 16 يوم
القطيع بتاع الزنك بدا تساقط الريش من العنق ومنطقة المجمع بعكس الطريقة التقليدية باللى بدا بالظهر وبعد كدا الارجل
القطيع بتاع الزنك فقد من وزنة 21% عن قبل عملية القلش
اما الطريقة المعتادة فقد 16%
وصول قمة الانتاج لقطيع القالش بالعلف قبل القالش بالزنك
لاكن سمك القشرة فى بتاع الزنك كان افضل واقوى من بتاع العلف
استهلاك العلف طوال مدة القلش كان فى حالة استعمال الزنك اقل منة قليلا عن استعمال العلف
بالنسبة للفقس كانت نتايج العلف اعلى بقليل خاصة فى فترة بداية الانتاج ما بعد القلش
فكانت الفقس فى العلف 75%
اما الفقس فى الزنك كان 73%
كانت نسبة النافق اثناء برنامج القلش اعلى فى الزنك عنة فى العلف
فكان 7,8% وفى العلف 4,8%
يعنى تقريبا القلش باستعمال اوكسيد الزنك لم يكن لة ميزة عن القلش بالعلف والاضاءة والمية غير سمك القشرة
اللهم اجعل عملنا هذا خالص لوجهك الكريم
مع تحياتى وشكرا