التحصين بالرش وتفاوت نسب المناعه اسباب وحلول

موقف حقلى
احد الاخوة المشرفين مشرف على 3 مزراع فى المنطقة الغربية فى السعودية
مزرعة بجدة ومكة والطايف
وعارف معلومة ان التحصين بالرش افضل من المية وان التقطير افضل منهم الاتنين بس علشان اقل مزرعة فيهم 250 الف طير فصعب يحصن تقطير
فحصن رش وكانت النتيجة
مزرعة جدة محصلش حاجة
مزرعة مكة علمت نافق واصوات تنفسية
مزرعة الطايف اصوات تنفسية وحشرجة صوت وصعوبة فية وبعض مظاهر اى بى
مع ان التحصينة واحدة ونفس المشرف ونفس الكتكوت
لاكن علشان مطولش عليكم
ان التحصين بالرش لازم نراعى او نكون فاهمين الرطوبة الجوية والارتفاع عن سطح البحر
حيث ان مزرعة جدة جوها معقول
اما مكة ببيعتها جافة ورطوبتها النسبية لا تتعدى 35% فى الصيف
والطايف رطوبتها منخفضة وكمان مرتفعة عن سطح البحر
واحنا قلنا قبل كدا ان التحصين بالرش ممتاز وكل حاجة بس لازم نعرف المعلومة دى
قطرات التحصين بتكون معلقة فى الجو لمدة تترواح بين 60 الى 75 ثانية لو الرطوبة 85 الى 90%
و5 الى 12 ثانية لو الرطوبة 50%
فلك ان تتخيل لو الرطوبة اقل من 30 هتكون الرذاذ مصيرة اية
كمان ان جفاف الجو بيكون لة تاثير كبير لان القطرة بتكون خشنة وعلى ما تخرج الى الجو الجاف بيحصلها تقلص وتبخير وعلى ما تروح للمجارى التنفسية للطير هتتحول الى رش ناعم وهو دا من اسباب رد الفعل العنيف للتحصين
وكمان لو مرتفعة عن سطح البحر وغياب الاوكسجين الجو المعروف فى الجو دا فبيكون الوضع ورد الفعل اصعب بكتير على الطيور
اللهم اجعل عملنا هذا خالص لوجهك الكريم
مع تحياتى وشكرا