من المشاكل اللى بيعانى منها مربى التسمين هى السردة او تفاوت الاحجام فى عمر البيع

من المشاكل اللى بيعانى منها مربى التسمين هى السردة او تفاوت الاحجام فى عمر البيع
طيب دى اسبابها كتير
اسباب متعلقةبالام والتجانس
واسباب متعلقة بالبيض المنتج منها ووزنة
واسباب متعلقة بالتفريخ وطريقة تدول بيض التفريخ والتعامل مع الكتكوت المنتج بعد كدا
واسباب متعلقة بنقل الكتكوت والفترة بين الفقس والتسكين فى المزرعة
لاكن كل اللى فات دا مفيش للمربى يد فية
تعالى للاسباب المتعلقة بالمربى
** اول ما تيجى عربية الكتاكيت نزلها بسرعة لان الله اعلم هى فاقسة من كم ساعة
لان من التجارب الحقلية
ان استلام او تربية كتكوت فاقس الان بيزيد فى الوزن اخر الدورة بمقدار 26% عن
كتكوت استلمناة بعد 24 ساعة وزاد بمقدار 46 % عن كتكوت مستقبلناة بعد 48 ساعة
وقلنا فى بوستات سابقة ازاى تعرف الكتكوت فاقس من فترة ولا جديد
** لازم تكون المية جاهزة قبل وصول الكتكوت ب 12 ساعة علشان تاخد حرارة الحضانة
وبالتالى يشرب منها كمية كويسة
ولازم يكون العلف عكس المية يتعلف عند وصول الكتاكيت لاننا مش عاوزية ياخد حرارة العنبر
لان فية فيتيمنات بتتكسر بالحرارة
ولازم تكون مشغل الدفايات قبل وصولة ب 12 ساعة علشان العنبر والجدران تاخد حرارةتها
الكلام دا مهم جدا علشان نتجنب السردة
** كثافة التسكين مهمة جدا فى موضوع السردة فى العمر الاول يعنى فى الصيف
هتحط 30 كتكوت فى المتر والشتا 40
يعنى هتحضن فى ربع المساحة الكلية شتا وثلثها صيفا
وتوسع الحضانة على حسب كبر الطير بشرط قبل التزاحم
** مساحة التعليف هامة لتقليل السردة عاوزين على المستطاع لا تقل اطباق العلف عن 20 للاف
والسقايات عن 12 للاف اقصد فى التحصين
**شكل العلف سواء محبب او متركب عندك مهم جدا فى موضوع السردة
يعنى لازم تجانس فى حجم وشكل العلف فى فترة التحضين
كمان حاول متعلفش غير لما الطبق يخلص تمام علشان ياكل العلف المفتت اللى هو فى الغالب بروتين وفيتامينات
** توزيع الاطباق فى الحضانة مهم فى الحد من السردة فلازم توزيع منتظم
يعنى توزيع الحرارة والعلافات الجيد فى الحضانة يعتبر 75% من تجنب السردة
**الفرشة لها دور فى السردة
يعنى لا تقل عن 7سم غير رطبة
مستوية مفيهاش منحنيات ولا مرتففعات خوفا من الجيب الحرارة زى ما قلنا فى بوست سابق
وانة مسبب للسردة
** من الخبرات الحقلية
ان معظم الاوزان الصغيرة بتكون جنب الجدار او الاركان
فدى هنتعامل معاها ب الاتى
رص اطباق علف جنب الجدار لان الطير الصغير كسول ان يروح للعلف لاكن ممكن يدور على المية
لازم نحركهم بمعدل 2 الى 3 ساعات فى الاسبوع الاول من جانب الجدار
وزع الدفايات بحيث يوصل حرارة جنب الجدار والاركان متماثلة للعنبر
تعالى فى الاركان وحط كارتون مقوس بحيث تمنع الاحجام الصغيرة انها
تنام فى الركن وتبعد عن المية والعلف
مع تحياتى وشكرا