الاسباب اللتى لم نذكرها بخصوص انقلاب الرحم فى البياض والامهات

من الامور الغير متداولة فى موضوع انقلاب الرحم
او بعض الاسباب اللتى لم نذكرها بخصوص انقلاب الرحم فى البياض والامهات
بالاضافة الى الاسباب المعروفة من اضاءة وبروتين وطاقة علفية
نسبة الكالسيوم فى العلف فلو الرحم موصلوش النسبة المطلوبة بيحصل خلل فى جدارة فبيساعد على الانقلاب
ومن الامور اللى تخفف من الانقلاب بعد حدوثة اضافة الكترولايت مع فيتامينات
وخاصة ب ك كولين
الكولين علشان يساعد فى تمثيل الدهون الزائدة
والالكترولايت والفيتامين لتقوية عضلات الرحم اللى هو لو ضعفت من السهل جدا يحصل الانقلاب
ومن ابرز الاسباب اللى تزيد الانقلاب استهلاك العلف اعلى من حجم الحوصلة او ببساطة كدا الاستهلاك اعلى من الجدولى فبيعمل ترسبات دهنية حول المبيض والرحم بيعمل خروج صعب للبيضة وبالتالى يحصل الانقلاب
وفى الحالة دى قلل كمية العلف الى اقل من الجدولى بقليل وبعدين ارفعها تدريجى
ومن الاسباب ايضا عمل اثارة ضوئية ولسة موصلناش للوزن الجدولى
فدا بييزيد من الانقلابات جدا
كمان بزود البيض الدبل وبردة البيض دا حجمة اكبر بالتالى بيعمل انقلابات
يعنى يرجى الاتى
مراجعة نسبة الكالسيوم والبروتين والطاقة ( العليقة بتاعتك زايدة بروتين )
اضافة املاح وفيتامين والكترولايت
قلل العلف بنسبة 15% عن الجدولى وارفعة بعد كدا بالتدريج بمعدل 5% كل اسبوع
وبعد 3 اسابيع من اللى قلناة دا بامر الله راح تقل معاك الظاهرة دى
اللهم اجعل عملنا هذا خالص لوجهك الكريم
مع تحياتى وشكرا

...........