طرق فنية للقضاء علي الانفلونزا في الدواجن وتجارب ناجحة

وخاصة الانفلونزا
هنستعرض هنا بالشرح العلمى بعض او كل ما تم تجربتة سواء بمعرفتنا فى الحقل او بتجارب اصدقاء مهتمين بنفس الموضوع
ونجمع كل البينات فى بوست واحد
طبعا المختصين عارفين ان الانفلونزا فيروس من عائلة الاورثوميكسوفيرس
orthomyxovirus
وبروتينها النووى من النوع الRNA
ومن المعلومة الاخيرة دى قلنا نجمع مضادات الفيروسات اللى شغالة على ال RNA
فية مضاد فيروسى شغال على منع تدفق ايونات الهيدروجين عن طريق بروتين موجود على سطح الخلية
ومش كدا وبس
دا بيعمل تغطية لخلايا العائل علشان الفيرس ميوصلهاش
واشهر حاجة بتعمل كدا الامنتادين
واخوة فى نفس العائلة الريمنتادين
لاكن الاول المشهور فى الموضوع دا
اما التانى غالى شوية
يعنى المضادين دول بيشتغلو على الفيرس بطريقة مباشرة
طبعا فى الانسان العلاج ناجح
فى الدواجن احنا جربناة 3 مرات
انا وبعض الزملاء المهتمين
انا عن نفسى اول مرة كانتH5 ونزل النافق بعد 48 ساعة من نزولة
كان فوق الاف اليوم اللى بعدة فوق ال200
واللى بعدة 36
نتائج كانت مزهلة
التشخيص كان معملى على فكرة
الجرعة كانت قرص على 40 كيلو وزن حى
سقوة 4 ساعات بعد تعطيش مرة مساء ومرة صباحا
تانى مرة كانت نتايجة غير مرضية لان النافق نزل بعد 4 ايام من وضعة فى المية ولا اعلم السبب
المرة الثالثة لم يكن لة اى تاثير يذكر والفيرس اخد الكيرف بتاعة عادى زى ما يكون منزلوش اى مضاد فيروسى
دى كانت النايج بمنتهى المصداقية
وصفتة لاحد المشرفين وشكر فية
وهو نفس المشرف لما جتلة اصابة تانى مرة قالى ولا لة اى تاثير يذكر
من تجاربى وتجارب الاخرين ان بيشتغل اول مرة فقط
اية السبب لا اعلم
الاخ التانى
الريمنتادين لة تاثير على الانفلونزا وبنفس الطريقة اللى فاتت ونتايجة افضل منة لاكنة غالى جدا فى الخليج وصعب العلاج بية
ومتجربش غير مرة واحدة
النوع التانى من مضادات الفيروسات
وهى مانعات النيروامينيديز
واشهرهم اسلتامفير اللى معمول منة التامفلو
واخوة الاحدث الزاناميفير
ودول معترف بيهم علاج للانفلونزا يعنى هم العلاج الامثل
ودول طريقة عملهم انهم بيتجمعو حول خلايا العائل او المصاب وبيمنعو وصول الفيرس للخلايا بالتالى بيضعف الفيرس وعن طريق الخلايا الاكولة الى فى الجسم بيقضو علية
وبيعمل الدوا على تثبيط النيروامينديز بتاع الفيرس NA
علشان كدا بيسموة العلاج الامثل او drug of choice
بس دا طبعا فى الانسان
طيب فى الدواجن
نفس الطريقة جاب نتيجة فى بعض الحالات وحالات اخرى كانت النتيجة اقل
بس المرات اللى النتيجة اقل الفيرس مبهدلش الدنيا كعادتة يعنى كانت الخساير اقل
من كل ما سبق يتضح ان
مضاد الفيروسات البشرى الخاصة بالانفلونزا
اوقات تشتغل واوقات متشتغلش وان الفيرس ياخد منها مناعة دا شئ بديهى جدا وباسرع ما يمكن
يعاب جدا على استعمال تالك المضادات
انها مش بتعمل مناعة فى الدم بعد خروج الفيرس فى الحالات اللى جابت نتيجة
يعنى ممكن الفيرس يجيلك مرتين فى نفس الدورة
طبعا دا مستحيل انة يحصل فى الوضع الطبيعى
من المفاجئات الغريبة فى الموضوع دا
ان لو محطة دواجن مكونة من 8 عنبار ممكن يجى فى عنبرين ولما تيجى تعمل وقاية قبل ما يروح للعنابر الاخرى تلاقى النتيجة صعيفة يعنى مش بيمنع انة يتنقل من عنبر لاخر
وطالما عقدناكم فى مضادات الفيروسات البشرى
اللى الناس كانت معتقدة انى هقول انها بتعالج بشكل مطلق ودائم
تعالى نقول تجارب فى سطور عن الفيرس والاقلال من خسايرة
اول ملحوظة هى
وضع الثوم فى العلف بجرعة 8 كيلو على الطن قبل حقن الانفلونزا خاصة H9 بيضاعف التتر المناعى ودا تجربة مشهورة
ملحوظة اخرى
استعمال 8 كيلو #نعناع او زيتة
مع 6 كيلو #لحاء #الكافور على طن العلف
عمل صد او وقاية من المرض ودى كانت تجربة فى مزرعة موبؤة بالمرض
ملحوظة ثالثة
الخلطة دى لم تخذلنى فى اى منطقة فيها انفلونزا
ا#لزنجبيل
#القرفة
#الكينا
الينسون #النجمى او بيسمى فى بعض البلاد #الينسون_الصينى
اخر 3 ملحوظات هنتكتب بوست عن كل تجربة
مميزاتها و عيوبها علشان ناخد معلومة كاملة
الله اجعل عملنا هذا خالص لوجهك الكريم
مع تحياتى وشكرا