تجربة على 12 مزرعة

تجربة على 12 مزرعة
فى اكثر من منطقة
نجحت فى 10 مزراع ولم يكن لها اى تاثير فى مزرعتين
والمزرعتين كان ليهم ظروف خاصة صعب احكيها لانها ظروف غير داجنية
اى اصابة بالفيروسات التنفسية
اى بى IB او انفلونزا بنوعيها الضعيف او القوى H5 او H9
او عدوى مختلطة بينهم
ملحوظة المزراع صغيرة مش محطات يعنى
لكن الفكرة جتنا من تجربة فى احدى العنابر المصابة باحد المحطات الكبيرة ( 800 الف طير فى الدورة طاقة كلية )
كانت تحت اشرافى وجربت بعنبر واحد فيهم
التجربة هى
اول الاصابة بالفيرس او فى وسط الاصابة
اعمل الاتى بالترتيب
لازم الترتيب
لان مرة غيرنا الترتيب ولم ناخد اى نتيجة
خروج الفراخ كلها برة العنبر
كلها
ايوة كلها
رش اى مطهر بشكل ظبابى يعنى اعمل شبورة او ضباب بحيث المطهر يوصل لكل جزء فى العنبر
جربت فيركن وجربت TH4 وجربت اقراص تبخير فورمالين
الثلاثة نفس النتيجة
ثم بعد
تقليب الفرشة مع تفتيتها الى فرشة ناعمة وفى نفس الوقت رش جير مطفى
يعنى واحد يقلب ويفتت وواحد يرش جير
بحيث ان فى الاخر نلاقى الفرشة كلها بيضا من فوق
ثم اخير
تعليق بصل حامى يعنى من اللى لة ريحة نفاذة على ابواب ومداخل العنبر واى مكان يدخل منة هوا او بشر او طير
التعليق يكون بصلة فى اول الباب او الشباك وبصلة فى اخرة
لازم تشق البصل نصفين
دا بالنسبة للمخارج والمداخل
وفى كل باكية 3 بصلات ( نص بصلة ) واحدة طرف الباكية واحدة فى النص واحدة فى الاخر
والباكية اللى بعدها بنفس الطريقة
واول ما تلاقى البصل لونة اتغير وريحتة قلت وبدا ينكمش وقرب من اللون الاسود
دى اهم علامات
دخل الفراخ تانى
واستقبلهم على مضاد حيوى يطلع فى الحساسية
يعنى اول العدوى ابعت عينة لاقرب معمل
شرط الدكتور اللى فى المعمل يكون خبرة حقلية ( يعنى مش يكتب ادوية عفا عليها الزمن ومفيش منها استجابة او ادوية مثبطة للمناعة )
لازم دكتور بيفهم
لو حسيت انة مش بيفهم هات منة نتيجة الحساسية كاملة واحنا نحطلهك المضاد المناسب
النتيجة فى ال10 مزارع متشابهة
اليوم اللى طلع فية الفراخ مات نص كمية اليوم اللى قبلة
او الفراخ التعبانة فقط او التنين يعنى التعبان مع نص كمية اليوم اللى قبلة
تانى يوم مفيش نافق
يعنى عنبر 5 الاف اعلى حاجة فية 15
لو تم الترتيب كما قلنا
اهم شئ لاحظتة لنحاج الكلام دا 3 حاجات
==الترتيب
==دكتور حقلى فى المعمل (حقلى - حقلى - حقلى ) وبكل اسف ما اقلهم
==علامة تغير لون البصل
بدون ال3 حاجات دول مش هناخد اى نتيجة
مهما كان تعليق الاخوة بالايجاب او بالسلب
انا بسرد تجارب حقلية
عملت نتايج
ملحوظة اخيرة
تعليق البصل فى حالة الاوبئة سنة على النبى (صلى الله علية وسلم )
يعنى لو استحضرت النية انك بتعمل سنة وانت واثق من النتيجة تاكد انك هتكون من ال10 عنابر ولست من العنبرين اللى فشلت التجربة فيهم
اسف لو كان التجربة مفيهاش اى علم
لكن العلم والكتب مش عارفين يحلو اى مشكلة فيروسية حتى الان
اللهم اجعل عملنا هذا خالص لوجهك الكريم
مع تحياتى وشكرا