الامراض البكتيرية المنقولة من الام الى الكتكوت عن طريق البيضة

من المعروف ان الكتاكيت بتاخد مضاد حيويى فى فترة الاستقبال
طيب عاوزين نحدد هل احنا بنحط المضاد دا صح ولا ارهاق على الطير وارهاق مادى وخلاص
اولا احنا بنحط الادوية دى علشان الامراض البكتيرية المنقولة من الام
واللى النافق بتاعها بيظهر بعد ال72 ساعة الاولى من العمر مش قبلها خلى بالك بعدها مش قبلها (( قبلها دى تكون مشكلة تانية ))
طيب اية الامراض البكتيرية المنقولة من الام الى الكتكوت عن طريق البيضة
السالمونييلا
الميكوبلازما
الكولاى
طبعا اسلم وافضل حل
هو عمل اختبار حساسية فى اقرب معمل لك
على شرط كفاءة وخبرة القائم على الاختبار
لكن بعض الناس بتقول انها بعيدة عن اقرب معمل او لا يوجد معامل فى منطقتهم
احنا منزلين البوست دا للفئة دى
احنا اخدنا عينات لمعامل كتيرة جدا سواء فى مصر او فى الخليج
وعملنا تصفية وتحليل للنتايج
علشان نشوف اية انسب المضادات اللى بتشتغل على كل من السالمونييلا والكولاى
كانت النتيجة كالاتى
حساسية السالمونييلا للفلورافنيكول من 89% فى بعض الاختبارات الى 97%
النورفلوكساسين من 78 الى 95%
السيفاتوكسيم من 85% الى 92%
بى فلوكساسين من 77 الى 83%
الدانوفلوكساسين و الاوفلوكساسين من 82 الى 91%
السفتيوفور والسفتيكلور زى بعض من 82الى 94%
الجنتاميسين من 69 الى 83%
الابراميسين من 78الى 84%
الفوسفومايسين من 88الى 92%
الاستربتومايسين من 68الى 73%
السيفالوسين من 88 الى 95%
طبعا السبرو والانرو ايضا نسبتهم عالية لكن فى الطبق غير الواقع لان المنتج الموجود فى السوق مش كفاءة لكن لو لقيت المنتج الكفاءة فهم تتراوح نسبتهم من 83 الى 89%
دا بالنسبة للسالمونييلا
يعنى اختيارك اى من الادوية السابقة هيجيب نتيجة معاك
ولو اخترت دوائين مع بعض بس مش يكون بينهم تضاد هيكون نتيجة افضل
طيب بالنسبة للكولاى
دا رخمة جدا
لانها عاملة نسب متفاوتة عن كدا وتعبتنا وانا بعمل احصاء للتحاليل دا
لكن هى مش بتقاوم الادوية اللى فوق غير بنسبة بسيطة بمعنى لو اخدنا اتنين منهم هيجيبو الكولاى مع السالمونييلا
طيب بالنسبة للميكوبلازما
معروف ان كل من عائلتى الماكروليد واللينكوزاميد بيقضو عليها
(( تيلوزين - اسبيراميسين - تلميكوسين - جوزاميسين - لينكومايسين -كلينادمايسين -افلوسين (دا التطوير بتاع التيلوزين وافضل منة فى النتايج ) - كيتاساميسين ))
يعنى
هنجيب واحد من اللى بياثرو على الميكوبلازما مع واحد من الل فوق
وبكدا انت ضمنت انك حاطط دوا صح
هتسئلنى على اى ادوية تانية مش مكتوبة فوق
هقولك ممكن يكون لها حساسية بس مش منتشرة فى كل الحالات
هتقولى هو لازم احط مضادات اول يوم
هقولك مفيش كتكوت مضمونة ان امة لم تورث لة اى من ال3 امراض
هتقولى ابدا بالمضاد على طول
هقولك لا
ابدا بمنعنشات لجسم الكتكوت علشان تخفيف اثر رحلتة من معمل التفريخ
المنعنشات كتير
عسل اسود بمعدل 5 الى 10 جم على اللتر
لو كتكوت جاى من بعيد محلول ينسون او عرق سوس ( دول ليهم 4 بوستات بالتفصيل ))
الالكتروليت مهمة جدا لو الاسم غريب عليك هات محلول معالجة الجفاف 2 جرام على اللتر
يعنى ابدا الاول باى منعنش من دول او حتى اعملهم مع بعض فى سقوتين متتالييتين
ووعلى ما تطلع نتيجة اختبار الحساسية علشان اختيار افضل الادوية
او لو مش متاح اختار من الادوية اللى قلنهالك دى
لو مش عارف تولف مضاد من فوق مع واحد للميكوبلازما وخايف من تفاعلهم مع بعض
اكتب تعليق بالخليط وانا اقولك يصلح او لا
اللهم اجعل عملنا هذا خالص لوجهك الكريم