حساب كمية المية المستهلكة لمزرعة فى اليوم

قلناها من قبل الدواجن علم مرن ممكن اللى انت تجربة او مجرب فى دولة ما ممكن يختلف فى دولة اخرى
الا اذا كتبنا معادلات
لما نقول معادلة فمفيش اختلاف من بلد لاخرى او من شخص لاخر
احنا كتبنا معدلات كتيرة جدا تقريبا تشمل كل نشاطات الدواجن يعنى اذا تعرف كل حاجة عن مزرعتك وانت نايم فى بيتك من علف ومية وووزن نهائى واضاءة ومعادلات اخرى كتيرة اللى متابع معنا عارفها
لكن فى معادلات حساب المية سواء اثناء التحصين او معدلات استهلاك المية اليومى محسبناش الفقد والتبخير فى الماء
المرة دى عاملين معادلة
ازاى تحسب مزرعتك استهلكت كم مية فى اليوم مع حساب كم مل تبخر وكم مفقود من الطير
دى فى ظروف التربية والرعاية المعدات الجيدة
يعنى دا اخر تحديث لمعادلات الاستهلاك
المعادلات من تصميم مهندس عاطف عبد الدايم
تصلح لجميع السلالات التسمين الابيض واضفنا لهم سلالة مارشال و شيفر التسمين لانهم مختلفين شوية
تعالى ندخل فى الجد
اولا
حساب كمية المية المستهلكة لمزرعة فى اليوم
= عدد الطيور بالاف * العمر باليوم * 11.6 الرقم الاخير دا ثابت
يعنى مزرعة 5 الاف طير
عمر 25 يوم
هتشرب فى اليوم دا
= 5* 25 * 11.6
1450 لتر ماء شاملة كل شئ استهلاك مية فعلى وتبخير وفقد
ثانيا
تعالى ايضا نحسب اثناء تحصين المية
معادلة تعرف منها الطير بيشرب كم بردة مع الفقد والتبخير حتى لو فى حالة سقايات نبل
كمية المية
لكل طير
= العمر باليوم *2.1 تعبتنى جدا المعادلة دى على ما طلعناها علشان تتناسب مع جميع السلالات وعلشان مية التحصين تستهلك من 1.25 الى 1.5 وتعطيش من 2 الى 3 ساعات على حسب كل دورة
بمعنى
فراخ عمر 15 يوم عاوز احصنها جمبورو فى المية
الطير هيشرب كم
= 15 *2.1
31.5 سم
يعنى لو هحصن 5 الالف هتكون كمية المية 157.5 لتر شامل مية التحصين ومية التبخير والفقد
ثالثا واخيرا
كتبناها قبل كدا بس نعيد عليها تانى
ازاى تعرف مزرعتك اكل كم شيكارة فى اليوم او كم كيلو
=العدد بالاف * العمر باليوم * 0.09
يعطيك كم شيكارة علف جاهز اللى هى 50 كيلو
يعنى عنبر 5 لالف على 20 يوم هياكل كم
5* 20* 0.09 = 9 شكاير علف
عاوز احسبها بالكيلو
لانى بعلف علف سايب او مصنع
هتكون العدد بالاف فى العمر باليوم فى 4.5
يعنى 5*20*4.5 = 450 كيلو
لو جمعنا البوست دا وبوستات المعادلات اللى فاتت
بكدا بتعرف تعمل حاجة اسمها فن الادارة عن بعد
طبعا انا ضد الادارة عن بعد فى الدواجن لان التواجد فى وسط مزرعتك بتفرق كتير