انواع الكولستريديا اعراض الكولستريديا تشخيص الكولستريديا علاج الكولستريديا بالصور

#الكلوستريديا

انواع الكولستريديا اعراض الكولستريديا تشخيص الكولستريديا علاج الكولستريديا

ميكروب انتهازى يعنى موجود طبيعى فى الجسم وأول مالظروف تتهيا لتكاثره واحداث اصابة علىطول بيتحول لميكروب ضارى
لا هوئى يعنى أول مالفرشة تبوظ والتهوية تبقى سيئة على طول تستناها فى العنبر
سريعة جدا فى التكاثر وبتصيب الأمعاء عشان ده اكتر مكان مفيش فيه اكسجين فى الجسم
كل مالنافق اتعفن بسرعة طول مايبقى فيه كولستريديا كتير
من الميكوربات اللى بتعمل سموم دخلية وخارجية وعصبية
بتعمل التهاب معوى شديد ودايما بتاخد أكبرالأحجام وزناً
توأم لمرض الكوكسيديا لأ، ظروف تكاثرهم واحدة وهى سوء الفرشة وزيادة الرطوبة فى العنبر وده بيقلل الأكسجين
مده الحضانة1- 6 أيام وأعراضها تختلف على حسب شدتها
الأعراض :
إسهال بنى - انخفاض فى أكل والشرب قد يصل للتوقف التام للدواجن وبالتالى بتلاقى فقدان فى الوزن بعد مده طويلة
فى الحالات المتأخرة بتتحول لمرض البوتيولزم بسبب السم العصبى وتلاقى الفرخ رمى منقاره فى الأرض ومد رقبته وبيترعش
فى الحالات المتأخرة برضه هتلاقى نافق وبياخد دايما الفراخ الأعلى وزناً
طيب بالنسبة للتشخيص والتفريق بينها وبين الكوكسيديا لازم ميكروسكوب
التشريح انتفاخ الأمعاء وامتلائها بالغازات والتهابات فى الأمعاء وبتحول لتهتك فى الجدار وتلاقى الامعاء مليانة أكل مش مهضوم مختلط بخلايا ودم من الجدران
الالتهابات فى الأمعاء بيعملها نيوكاسل معوى أو حشوى وكمان الكوكسديا وكمان السالمونيلا اللى بتبقى موجودة فى البط والعائلة المائية .

طب فالسريع ازاى نعالج ؟
قبل العلاج لازم تمنع الظروف المناسبة اللى عملت الجو ملائم لها من الأساس
يعنى هنقسم العلاج لمراحل
مرحلة أولى فى العلاج وهى تظبيط الظروف المحيطة هنا هتظبط الفرشة والرطوبة فى العنبر والأمونيا الزيادة
المرحلةالتانية فى العلاج هى القضاء على الميكروب الموجود فى الأمعاء بواسطة المضادات الحيوية زى الأموكسى - البى ام دى - الأمبسلين - الفلاجى موكس- المترونيدازول- البنسلينات - الكلوروتيتراسيكلين- كبريتات النحاس
والمرحلة الأخيرة هى تعويض الجسم باللى حصله من الميكروب يعنى بندى فيتامين ك3 عشان الأنزفة اللى كانت موجودة - بندى محمضات عشان تغير الوسط اللى بتشتغل فيه الكولستريديا - وبندى كمان بروبيوتك عشان تعوض البكتيريا النافعة اللى فى الامعاء الى موتتها الكولستريديا
الخلاصة : ظبط فرشتك - تهويتك - رطوبة عنبرك عشان ترتاح
د.محمد الإمام