الخبرات الحقلية الخاصة بالكوكسيديا

هنتناول هنا بعض الخبرات الحقلية الخاصة بالكوكسيديا
طبعا المرض دا بيزيد فى الفترة دى لانها فترة برودة وارتفاع رطوبة
علشان كدا عاوزين نفهم لية كتير بيعالج كوكسديا وبردة كتير بيشتكى من نتيجة العلاج لا ترضى راضاء كامل
طيب عاوزين نفهم شوية عن طبيعة العلاجات المتوفرة فى السوق
وهى زى ما كتير عارفين انها نوعين
اضافات اعلاف او الاينوفورات
وامثلتة
#سالينومايسين
#نارسين
و#لاسولاسيد
#مونانسين
#سمديوراميسين
#ماديوراميسين
ونوع اخر بعضة بيستعمل اضافات اعلاف والكثير منة علاج فى المية
زى
#الامبرول
#الزوالين
#النيكاربازين
ال#كلوبيدول
ال#هالوفيجونون
ا#لكلاروزوريل
طيب لازم نفهم ازاى نعالج وكيفية طبيعة شغل كل مركب علشان نعرف نصمم برنامج جيد للكوكسيديا
انا عارف ان صعب تلم كل فنيات ال#كوكسيديا فى بوست واحد لاكن اللى هينقصنا هنحاول نغطية فى بوست اخر
اولا شغل الايونوفور بتاع العلف دا
هو طبعا علشانة موقف للنمو والسمية قليلة او تكاد لا تذكر علشان كدا بنضيفة على العلف لفترة طويلة دون خوف
لاكن من اهم فنياتة انك لازم تغير المضاد الايونوفورى العلفى اكثر من مرة خلال الدورة يعنى لو قسمت الدورة الى 3 فترات كل فترة تحط فيها مركب يكون افضل
والدورة الجاية امشى بمركبات اخرى او حتى على الاقل نفس المركبات بس بترتيب اخر يعنى اللى فى اخر الدورة حطة فى الاول والعكس
طيب فية حاجة علمية وهتفيدنا فى الحقل وهىان كل مركب من الايونوفور دى لة طريقة فى الشغل بتخلية ياثر على نوعية من الايمريا دون غيرها
يعنى المونانسين والنارسين والسالينومايسين لة طبيعة واحدة فى العلاج
يعنى حضرتك علشان نعمل برنامج كوكسيديا اختار منهم واحد فقط لان ليهم نفس الشغل يعنى كويسين جدا على الاسرفيولينا واضعف جدا على التينيللا والماكسيما
لاكن العكس بالنسبة ل الماديوراميسين والسمديوراميسين والاسولاسيد لان ليهم طريقة عمل واحدة ومختلفة عن المجموعة اللى فاتت
بياثرو على التينيللا والماكسيما وضعاف جدا على الاسرفيولينا
المعلومة دى هتفيدنا فى عمل برنامج
يعنى ناخد واحد من كل مجموعة فى نص الدورة الاولى والاخر فى النص التانى
ومن احد الخبرات الحقلية اللى مرينا بيها انك ممكن تخلط واحد من مجموعة(مونانسين- نارسين- سالينومايسين))
مع احد من مجموعة (( لاسولاسيد - ماديوراميسين - سمديوراميسين ))
دى كنا بنعملها فى المناطق الموبؤءة كوكسيديا
ومن الخبرات الحقلية كمان الخاصة بالسمديوراميسين انة ممكن تشتغل بمضاد الميكوبلازما اللى اسمة تياميولين عادى من غير سمية على عكس باقى الاينونوفرات الاخرى
انا عارف ان ناس كتير بتشترى علف جاهز ومش مهم عندهم كل الكلام اللى فات دا
علشان كدا هنتكلم عن اضافات المية
اهم فية من فنيات شغل الكوكسيديا فى المية انك تعرف طبيعة كل دوا فيهم علشان ناخد منة افضل استفادة
يعنى مثلا الامبرول كويس على التينيلا
وضعيف على الاسرفيولينا والماكسيما طيب النوعين دول بيجو كتير بعد عمر ال25 يعنى استعمال الامبرول فى العمر دا مش منة فايدة عالية
والنيكاربازين قوى جدا على جميع انواع الايمريا لاكن لو مشكلة ان بيعمل احباط فى نمو الطيور يعنى رغم انة قوى لاكن استعمالة لفترة طويلة ضار على النمو
اما طبعا افضلهم من كل النواحى وتقريبا ملوش اى عيوب ملحوظة الى الان
الداىكلاروزوريل والتولترازوريل
بس فية حاجة مش هينفع نستعملة طول الدورة خوف من بشؤء مناعة ضدة وكدا نكون خسرنا اقوى مضاد كوكسيديا
يعنى من النصايح الحقلية
استعمال مركب سلفا وامبرول فى الفترة الاولى
واستعمال الجرعة التانية دى كلاروزوريل او تولتراوزريل
هنحاول نكمل باقى الفنيات الحقلية الخاصة بالكوكسيديا فى بوست اخر بامر المولى
اللهم اجعل عملنا هذا خالص لوجهك الكريم