اعشاب لتربية الدواجن المنزلية تغني عن الدواء كثيرا

لاصحاب التربية المنزلية اعشاب لتربية الدواجن المنزلية تغني عن الدواء كثيرا

الامراض كتير والادوية غالبيتها نتايجها لا ترضى
وحضرتك بتربى علشان تاكل لحم نظيف فبلاش ادوية
وخد البوست دا
عاوزين نفصل 100 كتكوت على جنب من اول الدفعة اللى جايبة
بس يكون نفس حرارة العنبر ونفس التدفئة ونفس التهوية والعلف
لاكن هنعمل الاتى
400 جرام #حبهان
400 جرام #زنجبيل
100 جرام #قرفة
100 جم #ريحان
100 جرام #قرنفل
هنطحن كل واحدة لوحدة لغاية لما يصير بودرة
ونخلطهم على بعض ونحطهم فى برطمان بلاستيك كبير للحماية من الضوء ونحطهم فى مكان بارد شوية لو ثلاجة يكون افضل بس مش فريزر
والخلطة دى هناخد منها معلقة كبيرة وننقعها فى لتر مية سخنة مش نغليها لا ننقعها لان الغلى هيخسرنا مواد معينة احنا عاوزينها بعد النقع هنغطيها لمدة من 5 الى 10 دقايق
وبعدين نصفيها اللى هيطلع عندى دا(( ما تبقى من اللتر بعد تسخينة واضافة المعلقة علية ))
هتحطة على سقاية 4لتر ماء فى فترة الليل فقط
والنهار مية عادية
واللى هيتبقى من تصفية المية من مواد جافة هننشرة على العلف
كل يوم على كدا
فى الليل فقط
لاخر الدورة
ومش هنحط ادوية ولا تحصينات الا لو كان العلف فية سموم ممكن نحط مضاد سموم فى النهار فقط
وبعد مرور ال 36 يوم من الدورة
عاوزين نشوف النافق وفرق الوزن كم
ولو بتربى بلدى او ساسو فى البيت شوف طعم اللحم اية وادعيلى
اللهم اجعل عملنا هذا خالص لوجهك الكريم