استعمال الشطة او الفلفل الاحمر المطحون فى الدواجن

استعمال الشطة او الفلفل الاحمر المطحون فى الدواجن
اولى التجارب
كنت بعمل تهجين لسلالة فى احدى مناطق المملكة (( بناء على رغبة السوق ))
ولان السلالة اللى فى المنطقة كان الاقبال على لحمها ضعيف
وكل شلغنا عضوى بدون ادوية
فجاء دور المنقذ (( #الفلفل_الاحمر ))
حسن جدا من طعم السلالة المنتجة
اقبال عالى من المستهلك بسبب الطعم
ضبط المحتوى الدهنى لللحم
كنت بحطلها بمعدل 4 ك على الطن
-------
التجربة الثانية
كنت فى منطقة نائية جدا
وصعب وصول خامات العلف هناك
وكنت بركب علف على ايدى
وصعب الحصول على ذرة صفرا وتم استبدالها بخليط من القمح والشعير
مع ظبط باقى المكونات حتى تتزن العليقة
وكنت شغال بياض انتاج بيض بلدى من نفس السلالة المحسنة
وكانت النتيجة عدم اقبال المستهلك على البيض بعد تغير العليقة بسبب لون الصفار المقارب الى الزيتونى الفاتح
وكل حل المشكلة فى احدى امرين
الاول اضافة وجبة برسيم حجازى اخضر مقطع قطع صغيرة قبل المغرب يعنى بعد الانتهاء من العلف
والنتيجة تحسن الصفار
طبعا المنطقة نائية فكنت بزرع البرسيم وعلى ما يطلع كان الاقبال على البيض زاد فى الصعف
وكان الحل فى الفلفل الاحمر المطحون او الشطة بمعدل 4 ك على الطن
وكانت النتيجة بعد 5 ايام من الاضافة
تحسن عالى جدا فى طعم البيض ولون مرغوب عن المستهلك من الصفار
-------------
بعد التخرج مباشرا كنت متعود اعزل 100 طير على جنب اجرب فيهم معلومات من الكلية
فكنت بجرب خلطة من الفلفل الاحمر مع حبة البركة
وكان القطيع هبرد كلاسيك كان ايامها الدورة 45 الى 47 يوم وكان التحويل 2 الى 1 يعنى كل 2 كيلو علف يعمل 1 كيلو لحم
المهم
حطيت 4 كيلو شطة مع 4 حبة البركة على الطن (( انا كنت بعمل بالشيكارة طازة ))
كانت النتيجة فى فراخ التجربة وزن 1960 جرام فى حين ان باقى القطيع 1780 جرام
فراخ التجربة معامل تحويلها 1.94 اما التانية كانت 2 الى 1
يعنى فراخ التجربة اكلت اقل
اغرب ما فى الموضوع ان النافق صفر فى التجربة اما التانية 5.5%
طعم فراخ التجربة كانت خيال فعلا
---------------
كنت بجرب على شغل الامهات
وكان عندى عنبر صغير
وكنت اخذت فى الكلية تاثيرة على الديوك
فعملت تجربة وعزلت ديوك وكنت بحطلهم تقريبا ملعقتين شاى فلفل احمر من اول الدورة الى الانتاج تقريبا فى حدود 6 الى 9 جرام لكل كيلو علف
كانت النتيجة زيادة الخصوبة ارتفاع فى طول الديك عن الباقيين
وحتى الساق كانت اطول شوية (( الشانك ))
وكان لى مهندس صديق محترف تلقيح صناعى شاف التجربة
وقالى ان الدوك اللى واكلة شطة السائل المنوى اكثر من العادية انا مش لاحظتها لكن دا كان تخصصة فى الوقت دا
--------------------
بعد التخرج وقبل الشغل فى الشركات
كنت بحب احط شغلى كلة على العلف خاصة الادوية
وكنت شغال باوكسى 100 صينى واوقات اوكسى فيد بتاع شركة ادويا
المهم عملت عينة على جنب من سلالة اسمها اناك كانت اول مرة تنزل مصر
من فاليجى مامون
المهم السلالة كانت سمعتها سيئة جدا مع كل الناس
وكانت مشهورة بالاسهالات
خلاقة القول لان التجربة طويلة
ان العينة كانت تقريبا ثلث الفراخ
بس مش حطيت اضافاتى بتاعة الاوكسى على علفها فقط 2 كيلو شطة على الطن
كانت النتيجة زرق طبيعى طول الدورة
بعكس الفراخ اللى علفها فية اوكسى
نافق 2.3% ( بالفلفل)
التانية كانت 6.8%
الوزن فى بتاعة الشطة اعلى 158 جرام
--------------------------------------------
دا بعض تجاربى مع الفلفل الاحمر المطحون
بصراحة اجندة الخبرات لسة فيها 12 تجربة بس مش حبيب اطول البوست عن كدا
خلاصة القول ان العشبة دى كلها فوايد ومفيش تجربة عملتها عليها سواء بياض او امهات او تسمين او بط الا وحققت نتايج جيدة جدا
واسف جدا للاطالة لان عارف ان الناس بتمل من البوستات الطويلة
اللهم اجهل عملنا هذا خالص لوجهك الكريم